منتديات عتيبه - *^*... إستجداء الجياع ...*^*

[center][font=simplified arabic][size=4][color=black]قصيدة لوالدي / ضيف الله بن هنيدس العضياني ...[/color][/size][/font]

[font=simplified arabic][size=4][color=black]في الأوضاع المعيشيّة الراهنة لبلدنا الغالي يتطرّق فيها لبعض السلبيات ...[/color][/size][/font]
[font=simplified arabic][size=4][color=black]التي أصبحت حجر عثرة في طريق السعي نحو التطوير والإرتقاء ...[/color][/size][/font]
[font=simplified arabic][size=4][color=black]بالمستوى المعيشي والفكري لمجتمعنا , والدفع بعجلة التنمية .. .[/color][/size][/font]
[font=simplified arabic][size=4][color=black]نحو الأمام وغيرها من الأهداف الرئيسيّة ...[/color][/size][/font]
[font=simplified arabic][size=4][color=black]التي تسعى حكومتنا الرشيدة وفقها الله ...[/color][/size][/font]
[font=simplified arabic][size=4][color=#000000]إلى ترجمتها إلى أرض الواقع ...[/color][/size][/font][/center]

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ليتني في عالم البادية ما زلت أسير=جاهلٍ في عالم إقرأ ونشراتٍ تذاع
ولا عرفت إنّ الوطن والمواطن كالأسير=رغم خيرات الوطن عندنا ناسٍ إجياع
البَعَضْ يشرب ضحلْ والبَعَضْ يشرب غدير=والبعض ما بين رحله وصالات إجتماع
أعترف بـ ( اني ) فالاحداث ذو باعٍ قصير=أكره الضوضا و احبّ الهروب إمن النّزاع
لست الاعشى بل ولا نيب في خانة جرير=ولا درسنا لا سياسه ولا علم إجتماع
وقد نصحني واحدٍ قال لي عش يا فقير=لا تغوص البَحرْ والناس من مثلك وجاع
البحر مدّ وجزر وانته إسلوبك مثير=و التطام الموج بين إنخفاضٍ وإرتفاع
والاسود هناك وهناك في حالة زئير=قلت أنا اصلا ً لقمةٍ سايغه للإبتلاع
والنصيحه واصله وانت شكرا ً يا خبير=يبدوا إنّك رايق البال من ناسٍ شباع
كيف يستوعب نصيحتك مجروح الضمير=من خطا مثل القمر ما يغطيه القناع
سوف اعبّر عن شعوري وليسْ أيّ إتعبير=أمتطي صهوة جوادي بقدر المستطاع
إن بلعني بحر قومي فـ ( انا ) سبعٍ صغير=ومن طباع إقنوص قومي يصيدون السّباع
وإن قذفني بحر قومي فمحتوم المصير=كيف أبا ابقى دايم ٍ مع حياتي في صراع
نبع خيرات الوطن سلسبيلٍ له خرير=يشربه غيري و انا خايفٍ مثل الوراع
أشرب الضحل العكر وازعبه من قاع بير=وإنتشدّق بالعداله وحسن الانطباع
بعضنا محسود لو لقمته حبّة شعير=وبعضنا يآكل بكفّين واحلوقن وساع
وبعضنا ينام جوعان وفراشه حصير=وبعضنا لو إنّ جسمه يشوف الشمس ماع
وبعضنا بـ ( اثنين ) مليون يشري له بعير=وبعضنا يبغى رضاع الرضيع ولا استطاع
الرضيع اللي من الجوع غادٍ له صرير=يِسهر أمّه بعض الاحيان ما حصّل رضاع
والمعيشه من غلاها بربي نستجير=ولا نشوف إلها من الحل لو لمعة شعاع
والبطاله جوّها فوقنا دايم مطير=ولا نشوف لسحبها فرصةٍ للإنقشاع
والحوارات العقيمات بشّر يا بشير=كم سمعنا من حوارات من غير إنتفاع
وكرروا تحيا العداله لتبجيل الوزير=بس قولوا يا وزير العداله لا تباع
القطاع بكل ما فيه ملكٍ للمدير=العداله فالقطاعات في حالة وداع
كل شي بواسطه أو بتوجيه إمن امير=او سماسرة الرشاوي خبيثين الطباع
والزياده مكرمه ما يقوم إبها البعير=فالميه خمسة عشر آيله للإمتناع
والمدايح فجّرة روسنا عبر الاثير=إمتلت منها الجماجم بنوبات الصّداع
والبلد واحات مليانةٍ خيرٍ كثير=الذياب إتجوع فيها وتاكلها الضّباع
والخبرْ محجوب عن راعي القلب الكبير=عندنا كذبة تقارير في حجم القلاع
النفاق اللي فـ ( الإعلام ) شرٍّ مستطير=كل مدّاحٍ يبي نوب مدّ ونوب صاع
يا اعلمانا يا فنانير للساحه تنير=إبذلوا جهد النصيحه لتثبيت الشّراع
كل موضوعٍ كبيرٍ يبي جهدٍ كبير=وكل تقصيرٍ يعرّض بلدنا للضياع
أنتم أفضل كل من يستشار ويستشير=ارفع الامّة من المنحدر للارتفاع
بلّغوا حكّامنا قولوا الموقف خطير=وقابلوا حسن التجاوب بحسن الاستماع
إمكنوا الموضوع لا ينقطع سلك الحرير=الضغوط الزايده تنتهي بالارتجاع
إبن ابي سفيان قد قال له قولن شهير=شعرةٍ قد قال لن تنتهي بالانقطاع
واختلاف الراي في مجتمعنا شي غير=لو حصل شبر اختلاف إتّسع مليون باع
تجربة نكبات الاوطان للعاقل نذير=ما صلح حاكم ومحكوم والعالم جياع
كل ذيب يجوع يفرس ولو عظمه كسير=ما تغيّر فطرة الله سواليف الخداع
ما يصير إصلاح جوعان والله ما يصير=ولا كُسب حبّ الجماهير مع ليّ الذراع
[/poem]