قصيد في الجمس قاله الشاعر المشهور بن جدلان الاكلبي
 

قصيده في GMC
511





[poem=font="Simplified Arabic,4,white,normal,normal" bkcolor="black" bkimage="" border="none,4,silver" type=0 line=0 align=center use=ex num="0,black"]

راكب اللى من حفيزه بهبهاني*****جمس رفرف يعجبك بدي وغماره
حجم ماطوره محرم بالموانـــي****امنعوا تصديره الا للوزاره
خمسه ميه يقتضيها رقم ثاني*****حدعش اتزيد في عيني وقاره
امسحوا له لين صد له بياني*******بامر سامي صدروه امن الاماره
ثم نادوا صاحبه قبل الاذاني******ياخذه قبل الصبح يطلع نهاره
ماملكه الا الحصان ابن الحصاني*واحدن مطنوخ وسنافي وطاره
يوم دق السلف كنه ياخواني*****يسبق المفتاح قدحه للشراره
كن صوته فحل ذود للعماني****لا هدر والقيد حده بكاره
ولا عطاه البنض ياخذ فالمكاني*سجده منها الكفر يردم زباره
لا عطاه اثنين زاد به الجناني***من حمار قزوزه تشب الزقاره
مثل حر شايفن برق سماني****شافهن في صيدهن دونه قراره
ماخذا في هدته اربع ثواني***رددوا فعلن فطنه اهل الصقاره
ان عرض لك مهر فايز بالرهاني*وان عتبته ماتشوف الاغباره
ولا نطح نور الشفق والليل داني*اختلط لون الشفق ويا حماره
مدبل السستات مضمن ضامي****اربع الرصات نسته الحراره
سايقه له بخص بسهل اليماني***كل نجم عارفن دوره مداره
ولا رقد في مرقده نسل الهداني*للخطر سايقه معلن انتحاره
يرسله في لازمي ذرب اليماني***صوب رجلن ماتغيره الحضاره
الرفيق الى هجوسي له خذاني**من سلايل لابتن لا قبل غاره
يحتمون الجار وديار العوافي***الوفا والطيب فيهم والنعاره
فلا وصلت ديار بيشه والمباني**للشقيقه وجهت الجمس ومساره
يم بن جدلان كسان الثماني*****راعي الوقفات والطيب وشناره
بلغ القرم الوفي على لساني***السلام وامانتي بازدهاره
ولا خلص واجبك بلغه امتناني**سلنه خطن نبي فيه استشاره
من عميد الشعر في بحر المعاني*من خيال الفكر من نهر الاثاره
بوح فكره مايبي شاهد وعياني*في بحور الشعر له سفن ومواني
ياسعد والبحر له حد ومواني***وانت مثلك ينقص رموز الاشاره
البلا من حاجتن ومن زماني****وابيض الصدق اختلط ويا سماره
اختلاف الحل والله ما عطاني**غير ضحكه سن تكشف عن شعاره[/poem]

صح لسانك يافالح ولسان إبن جدلان

والف لاهنت على روعة الإختيار

صح لسانك اخوي فالح على الاختيار الجميل
وصح لسان شاعرها
تقبل تحياتي

اختيار جميل وتوصيف دقيق