ماني على تبعة المقفي بملزومـه
 

هذي تجربه لي في الشعر وحبيت انقلها لكم ..

واذا فيه نقد لي انا حاضره ..


تفضلوا

(/بدون عنوان\)

ماني على تبعة المقفي بملزومـه
ولانيب ميته بعدك عشان اترجاك
ياخي لاصارت ثقتي فيك معدومه
وش لك بحبٍ يفرّح لـك اعـداك
الريم لا كانـت بيـوم مصدومـه
لا تفتكر ترجع لك تأكد تناسـاك
كم لي من سنه بعلتـي ومكتومـه
تحملت لأجلك ولجل الحب ودنياك
لو كنت رجال ماهزتـك ريومـه
لكنك انثـى ولا انـزل مستـواك
بي علةٍ ياناس والنفـس مهمومـه
وجعل حوبتي يافلان لا ماتعـداك


بنت السلاطين

الأخت بنت السلاطين

الأنفعال والسرعة سبب عدم وزن بعض الأبيات

أبياتك نابعه من حرقة بالقلب حقيقيه وأنفعال رهيب عنيف جدا

راجعي الأبيات وحاولي وزنها وتنقيحها ،، ومادام عندك حب الشعر

بأذن الله تقدرين تجاوز مشكلة الوزن ،، ومشكلة الوزن بسيطه

بالمختصر المفيد ،، لحني الأبيات وغنيها على أي أغنيه وحاولي تكتشفين وين تصير أو وين تحسين إن لسانك ثقيل عند نطق الكلمه ومن ثم رايح تكتشفين خلل الوزن فورا

وأنا في الخدمه لنعليم الشعراء المبتدئين

أبديت رأيي وبصراحه دون تدليس أو مجامله

لك تحياتي وبالتوفيق

أخوك

سـفر (أبو طلال)

صح لساااااااااانك يابنت السلاطين
،
،
،
،
،
دمتي ودام نبضك

لك اجمل تحيه

محولة جيدة واعتقد ان صلاح الاسرة يقوم على مبدأ الثقه والله اعلم

محاوله جيده وانتي تمتلكين حس شعري جميل

ماراح اشخص عليك لاني ماني شاعر بس حاولي تغنين الكلمات

غريق

صح السانك يابنت السلاطين وقصيده رائعه من رائعه

وينقصها الوزن في بعض الاشطر

وان شاءالله نشوووف جديدك ماعليه كلاااام

دمتي كما تحبين

الله يسلمكم يا عزوتي ... وانا قابله للنقد لأنه يبني ..

ماني على تبعة المقفي بملزومـه
ولانيب خبله على عشان اترجاك
اليوم فيك الثقه يانذل معدومه
حب تخيله ماهو يمك تعداك
الريم مادام من فعلتك مصدومـه
لا بد ما تنتقم منك وتناساك
كم لي سنه علتـي في الجوف مكتومـه
لأجلك تحملت يالاهي بدنياك
لو كنت رجال ماهزتـك ريومـه
لكنك انثـى وتشبههاحلاياك
لو كان بي علةٍ والنفـس مهمومـه
لكن حره ولا تقبل خطاياك

يابنت السلاطين الفكره جيده والمعاني جيده ولكن الوزن يحتاج الى تعديل قليل وقد حاولت مساعدتك وثقي انك ستصلين لمبتغاك مع شئ من الجديه
تحياتي

محاوله جيده اختي بنت السلاطين


تحياتي لك ،،،،،


اخوك النـايــــف

بن ثعلي ...النـــــــــايف شكرا لمروركم الكريم