امانه لارحلتي ودّعي قلبي شويّ .. شويّ
 

[b][center]امانه لارحلتي ودّعي قلبي شويّ .. شويّ

تراني منكسر .. من سيرة الفرقا وطاريها

تراني من هذاك اليوم .. لاميت ولاني حيّ

ولا ادري عن جميع الناس قاصيها ودانيها

امانه وش معي ؟ .. والا وش اللي من غيابك ليّ !

ياكود الوّنه اللي ماتعدّت صدر راعيها

على حطة يدك / كل الطعون النازفه .. هيّ هيّ

بعد .. حتى انشراحة خاطري مني سرقتيها

انا مثل الغريب .. وغربة احبابي طوتني طيّ

اجاهد ضيقتي .. وظروف وقتي ويش اسميّها

ياويّ من السفر .. ومن الغياب المنتظر ياويّ

بلياك الحياه الهاديه وش حاجتي فيها !

بعد بان الصباح .. وذعذع الغربي .. ومال الفيّ

تنّهت .. وطرت لي ساعةٍ ماني بناسيها

هي اللي باقية لي من لقاك وذكريات الغيّ

تعزيني بعدك من الجروح اللي تركتيها

فمان الله .. رووحي .. والا انا مافي يديني شيّ

عسى عينٍ جفاها نومها .. تفرح بغاليها


وسلامتكم ..[/center][/b]

:(


..


منو كاتبها .. & صح لـسانه .

شكرا

[center][quote=فديت عتيبه;855986]:(


..


منو كاتبها .. & صح لـسانه .[/quote]


عافاك ربي يالغلا

مدري من كاتبها عجبتني نلقتها لكم :)[/center]

[quote=حابس;855988]شكرا[/quote]


[center][b]ياهلا فيك اخوي عافاك الله[/b][/center]