لا تجـنًب عن الـروضه طـريـق (نكاس)
 

لا تجـنًب عن الـروضه طـريـق (نكاس)
***** لين اشـاهد بعيـني بيـتهم يا سـيف

بـيت مـنهو عـديم الـوصف والاجـناس
***** بـيت مـعروف ما يحتـاج له تـعريف

قـصر محـفوف بالخـدًام والحـراس
***** مـزبـنٍ لـلدخيل ومـدهـلً لـلضيـف

رمـز عـز وكـرم ما فيه عـيب وبـاس
***** والله اللي رفعـهم زادهـم تـشـريف

الـزعامه على جـدانهـم من سـاس
***** ماخـذوهـا عـواري يـشهد الارشـيف

قـبل الاشـراف قـبل دهـام ابن دواس
***** نجـمهم في سـما امجاد القـبايل شـيف

يوم الاريـاق في هاك الزمـن يـبـًاس
***** احسـموها على وضـح النقا بالسـيف

مـثل ما خاض حـومات الـوغى عـفُــاس
***** هـم يخـوضون من نجران لين طـريف

عـاد لا صار اهـلها هـم هـل النومـاس
***** لا تغـارب زعامـتها .. وليـه ؟.. وكـيف ؟

لـو يحطون لـلزيـنات تـاج وكاس
***** يـحكمونه هـل الاذواق والـتصـنيف

تـاخذ الكـاس عن بـاقي بنات الناس
*****غـصب عـنهن بلا منـًه ولا تـحـريف

الجمال الطبيعي تاج فوق الراس
*****والجمال الصناعي زيف يفضح زيف

هـذي احلام لو حـطًت كريم اساس
***** من (بودي شوب ) .. ولاً من (زهور الريف)

ما انجذب يمًها الا فاقد الاحساس
***** مثل سـوًاق هالـرالي وقـع يا حيــف


جعـلها فـدوة اللي عودها ميًاس
***** ينثني يعتدل كاللاعب الحًريف

والعـيون الوسـاع الكـحًل النـعًاس
***** كـل نظـره لهـا ما تخـطي التهـديف

شفـتها ليـلةٍ في صـالة الاعـراس
***** ابهرتني ورحت انشد على التوصيف

قالو ابعـد ولا تمشي طـريق الـياس
***** عيش واقعك لا تـتبع خـيال الطيـف

هـذي بعالمٍ ثانـي بعـيد ارمــاس
***** ليـتها تعـطي الميعاد لو تـصريف

لبـسوها من اغلى اللـبس اعـز لباس
***** دلعوها وجت رغباتها بـالكيـف

واكتـمل بالنعـومه جـسمـها الحـساس
***** ما تـحمًل لـجـو الممـلكـه فـ الصيف

كـان ورد الـرياض يغـادر لتـكسـاس
***** وبعد الاحـداث حوًل مع ورود جـنيـف

جـتك نبذه وخـل الهـم والهـوجـاس
***** لا تعـنُا يبـهذلـك العـنا والحـيف


قـلت ما عـاد احسـب الـربـح والافــــلاس
***** والله انـي لابـرهـن مـوقفـي يـا ســــيـف

[color="navy"][size="6"][center]الادميرال

يابعدي والله على هالاختيار

قصيده عصماء

ياليت لو تقولي من شاعرها

مع التحيه لك[/center][/size][/color]

مشكوور على القصيدة الجميلة

شكراا مياح شكرااا زاحم على المرور
انا بمنتدى ساحة الاقلاع اشارك
والقصيده بأسم واحد يقاله وادي الرشا
الي اعرفه انه عتيبي ومتأكد منه
بس وشو من العتبان؟؟؟؟