حارثياً مايحسب للخساره
 

[font="comic sans ms"][size="6"][color="red"]هذه القصيدة كتبتها في البر وخوة النشاما والصقر والجيب


واتمنى ان تحوز على رضاكم[/color][/size][/font]



[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
راكب اللي لامشى ثّـور غبـاره=منوة اللي عانين يبغا الشمالـي
جيب لاندكروز في وقت الصداره=صنع تسعه وردوه بسعر غالـي
تو مارخص بلوحـه واستمـاره=اظهروه اعصير مع مبدأ الهلالـي
والصبـاح منحرينـه للـقـراره=في ديارٍ زافهـا نبـت السهالـي
في ديار مطير نمريـن النمـاره=عزوة الدوشان حاميـن التوالـي
في ديار الصلب والصمان جـاره=في ديـارٍ كلهـا نبـت ومفالـي
سايقه غمرٍ وفي راسـه سطـاره=مايشيل الا كما شيـل الجمالـي
حارثيـاً مايحسـب للخـسـاره=عزوته جياش في شهب الليالـي
شب ناره والـردي ميـت بنـاره=ماكسب قولة نعم فـاول وتالـي
شب ناره يوم في راسـه نعـاره=ثـم قـرب للمعاميـل الـدلالـي
والخوي اللي معه ساس الشطاره=علق المذبوح عقب الـدم سالـي
ذابح له تيـس ماحليـت غـاره=واشتووه اعلى الجمر شويٍ مثالي
ثم حطوا عفشهم حـدر الغمـاره=عقب ماصلوا جمع قصرٍ توالـي
مايعرفون الخـراب ولا الزقـاره=كل منهم ماشيٍ ممشـىٍ عدالـي
ثم ناموا ساعتين امـن الـدواره=نومـةٍ فالبـر تكفيهـم ليـالـي
والفجر شبـوا بضيـان المنـاره=واشربوا فنجال ثم راحوا عجالي
وكل منهم شايلـه يمنـاه طـاره=الحرار اللي مواكرهـا الجبالـي
ذاكرين الهم بقريـه كـم حبـاره=ناويين الصيد في ذيك المحالـي
الرجال اللي لها خبـرة صقـاره=عارفين الطيـر مافيهـا جدالـي
عبوا البنزين من شيشة خسـاره=وانكفوا للصيد في ذيك العبالـي
ثم صادوا بالحرار اللـي طيـاره=تسبق رياح الهبوب بكـل حالـي
والمزوح البينهم ضحك وعيـاره=مايجيبـون الهزيلـه والهزالـي
والغدا سووه في فيضـة عـزاره=في محلٍ ماوضع لااهل المبالـي
جعل يدهـم ماتجبرهـا الجبـاره=جعل يفداهـم ردييـن الرجالـي
والرعد يرعد وبرقـه كالشـراره=والسمـا كلـه ملبـد بالخيالـي
والمطر مابين تـاره ثـم تـاره=زين شوفه بالمحل اللي طرالـي
ياحياة اللي على الدنيـا خسـاره=همه اللي مشغله جمـع الريالـي
مايشـب النـار حبـه للخطـاره=ماتوثق فـي مواثيـق الحبالـي
لامحـل ولامجالـس للـوقـاره=صكت الحرمه علاه البيت خالـي
ظني انه ماعلـى كبـده مـراره=لعنبوا رجـلٍ مايجـزع للموالـي [/poem]



[font="comic sans ms"][size="6"][color="red"]اخوكم/سطام محمد الجياشي الحارثي[/color][/size][/font]

صح لسانك إخــوي :

[color="red"]سطام الحارثي[/color] ..


وحياك الله في منتداك ..ومرحبا بإبن شبابه ..


وقصيدة جميله .. ورحله موثقه بقصيدتك ..


أتمنى لك التوفيق ..وبإنتظار جديدك ..

ياهلا ياسطام وبيض الله وجهك قصيده رائعه
والله يحييك في منتداك وننتظر المزيد من الابداع

وياهلا ومرحبا يالحارثي

[center][size="4"][color="red"]ابدااااع ابدااااع ابدااااع ابدااااع


اخووووي سطام الحارثي ...


قصيدة رائعة اكتست بحلل الابداااع اهنيك عليها


الكلمات تقف عاجزة عن الشكر


صح لساانك مليوون بل مليار :)



محبتي وتقديري


اخوك


آحسآس


ش


آ


ع


ر[/color][/size][/center]

[color="red"][size="4"]شــب نــاره والــردي مـيـت بـنـاره==ماكسـب قولـة نعـم فــاول وتـالـي
شـب نـاره يـوم فـي راسـه نـعـاره==ثـــم قـــرب للمعـامـيـل الــدلالــي

والـرعـد يـرعـد وبـرقـه كـالـشـراره==والـسـمـا كـلــه مـلـبـد بالخـيـالـي
والمـطـر مابـيـن تـــاره ثـــم تـــاره==زين شوفـه بالمحـل اللـي طرالـي

الله الله

ياسلام ع الوصف



حياك الله يالحارثي بين اخوانك


وصح لسانك على هالرائعه


سلمت ولاهنت اخوي [/size][/color]

هلا بك اخوي الغالي

قصيده لا يعلا عليها ابدعت بكل كلمه كتبتها

شاكر لك على هذه الشامخه

دمت بخير


/


،


نايف العتيبي