منتديات عتيبه - احد (ن) اليا مات ربعه مادروبه()()()واحد(ن) اليا مات تبكيه النصايب

بسم الله الرحمن الرحيم

رحم الله فقيد الامه الاسلاميه فهد بن عبدالعزيز

لقد آلمني وآلم كل مسلم هذا الخبر ولكن ما زاد المي هو الطريقه التي تلقيت بها الخبر وكيف كان الكبير والصغير المرأه والرجل يبكون هذا الفقيد فقلت هذه القصيده تعبيرا عن ما شعرت به اتمنى ان تكون معبرة عن مشاعر الامه الاسلاميه تجاه هذه المصيبه وانا لله وانا اليه راجعون

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
((فهد العروبه))
اصمتي يانجد وابكي ياعروبه= واصبري يانفس في وقت المصايب
احد ٍ اليا مات ربعه مادروبه=واحد ٍ اليا مات تبكيه النصايب
واشهد انه يوم مات الفهد دوبه=شفت دمع الحزن بعيون الحبايب
شفت ابوي يمش دمعه كم ثوبه=وشفت اخوي يصيح ودموعه سكايب
يكتمون الصوت والدمع جهروبه=ما احتملت الدمع فوق خدود شايب
قلت يمه وشهو الي ماحكوبه=وليه دمعاتك على رموشك نوايب
واسكتت....ثم هلت العين الجذوبه=وانطقتها مثل طعنات ٍ عطايب
قالت اسمع والخبر تو اعلنوبه=قالو انه مااااااااااااات **************** الكتايب
قلت وعيوني لدمعاتي سكوبه=ارحمه يارب ماهبت هبايب
الكريم الي يمينه في جيوبه=ماحد ٍ قد جاه ثمن عاد خايب
الحكيم الي عداته مااغدروبه=وان تنبئ علم صار العلم صايب
حط طوبه فوق طوبه فوق طوبه=لين وصل دار الامجاد السحايب
الوطن يشهد شماله لا جنوبه= من ورى الدمام لحدود المغايب
انه الي كانت اعماله دئوبه=لجل يبعد عن وطنا كل عايب
وانه الي قاد جيشه في حروبه=وانه الي صار في عهده عجايب
مانسوا وقفاته الي اعتزوبه= يوم شبت في سما الدار الشبايب
قادها والناس تمشي في دروبه=واحتماها مسرج ضهور الصعايب
قدها وقدود يافهد العروبه=قدها وقدووود مافيها غرايب
يالله المعبود لتنقي ذنوبه=نقوة ابياض الثياب من الشوايب
ويالله توفق اسودٍ احتذوبه=نخوة الاغراب من قبل القرايب
خادم البيتين والنايب ينوبه=الهم البيعه بشبان ٍوشايب
ويالله انك ترحمه فهد العروبه= ارحمه يارب ماهبت هبايب[/poem]