منتديات عتيبه - انا الصحافي ؟؟؟؟؟؟؟؟؟؟؟؟؟؟؟؟

[align=center][center]السلام عليكم ورحمة الله وبركاته

الكثير نراهم يدعون الصحافه في هذا الجيل
وتكتب لهم تلك الدعايات الصحفي والاعلامي وكذا 0
وكما نعلم جميعا الصحافه علم وادب واخلاق وامانه
اتمنى ان تصل الفكره بدون سوء ضن بنا وشكرا لمن
مر من هنا مسبقا 0 والتمس العذر في قلة المشاركات معكم

[poem=font=",7,darkblue,bold,normal" bkcolor="transparent" bkimage="" border="double,8,deeppink" type=2 line=0 align=center use=ex num="0,black""]
ياحبني فاللي تجي قهوته هيل = ومكرر الترحيب من زود طيبه
اللي لضيفه قرب السمّن الحيل = من طيب نفس وماذبحها غصيبه
واليا هرج تلقا هروجه دواليل = تنبيك عن روحه لروحك قريبه
والله يامكرهني لدلخ الرياجيل = اللي يعيب الناس ماشاف عيبه
لو شفت زوله قلت ذا ثمرة الجيل = شايل شهاده مير خافيه عيبه
لو تنشده قال القمر يشبه سهيل = يرمي كلامه جاهلا مادري به
وان قلت واش لونك يقول اسهر الليل= ولو ترسله يقضي غرض مايجيبه
من خلف راسه حط قصه كما الذيل = وتكرم عواقيل البشر عن نصيبه
اليا مدحته بدل العلم تبديل = ماكنه الا هايشه في زريبه
هو يحسب ان المدح ذله وتقليل = من ضعف نفسه صار يحرب قريبه
مدري واش الطبه بناس مهابيل = لابد نعطي للمهبل ضريبه
اشوف كم جاهل يبي يركب الخيل= ويقول انا فارس وقود الكتيبه
وانا شربت الفن من شاطي النيل = وانا الصحافي كل علم استني به
حفظ ثلاث حروف من دون توكيل = وفي خاطره علم الزمن يستوي به
هو يحسب انك ياصحافه تماثيل = والا سوالف من حبيب الحبيبه
ويشجعونه ناقصين المحاصيل = جمهوره اللي فاللقا يعتزي به
ان طبوا المجلس تروح الفناجيل = كلا يطالع يم غترة صحيبه
ان شاف به خله يسوي تعاديل = ويقول شخصيتك والله رهيبه
بكره ترى صورتك كلا لها يخيل = حتى كلامك من قرا يهتني به
العلم رمز لكل كاتب كما قيل = وماكل من رام السما يعتلي به
اعلامنا اصبح فيه مثل التهاويل = جت فيه اساليبا علينا غريبه
خلو قصير الهرج بالكيل والميل = وعلومهم كم نفس منها عطيبه
ترى الادب مافيه يالربع تشكيل = واللي يبي يخطي ترى الله حسيبه
وين الامانه قبل مايطفح الكيل = اذا شرحناها تراها صعيبه
لاتكتبون الزيف ترضون تضليل= خلوه واضح جوهريه وغيبه
كلمه شمال وشرق وجنوب ياويل = من لا شرد بالفكر سوى مصيبه
اما عليه الناس ساروا مقابيل = والا كفت له داب في وسط جيبه
وحلل خبر ياللي تجيب التحاليل = وانظر بعينك في محل الضريبه
ان جيت افسر ماش في خاطري حيل = وادرى زعل من لاح وجهه بشيبه
ان قلت به غل الخلايق مغاليل = وكلا بصدره مثل لاض الشبيبه
و يالله طلبتك عن عسرفي تساهيل = وتجعل لنا يالله 0 صدورا رحيبه [/poem][/align]