الجحيــــــــــــــــــــــم
 

ماهمني كثر الجروح .. ولا العتيـــــــم
.. .. .. .. .. .. .. ليلٍ ملاه الهم .. والحســــــــــره ظلام
ماهمني إلا إنت .. ياوجـــــــــه الكريم
.. .. .. .. .. .. .. ياصبحٍ يبلل عروقي .. بالســــــلاااام
لا قلت (أحبك)أشعرك..وسط الصميم
.. .. .. .. .. .. .. تملا جميع أعضاء جسمي .. بالغــرام
أشتاق لك شوق ٍ يودي .. للجحيــــــم
.. .. .. .. .. .. .. وأحن لك لأبعدت وأجفا هالمنـــــــــام
وأحشمك عن ..نوحٍ.. ممراته هشــيم
.. .. .. .. .. .. .. وأكماك عن ..بوحٍ.. يوصل للمـــــلام
حتى شعورك يابعد روحي .. وسيـــــم
.. .. .. .. .. .. .. ماهوب بس أنته تملاك الوســـــــــــام
خطوات رجلينك على قلبي نعـــــــــيم
.. .. .. .. .. .. .. ماكنك إلا من على ريش النعــــــــــــام
وإلا حكيت تجيب من عذب النظيــــــم
.. .. .. .. .. .. .. وإلا سكت أحس خلق الله صيـــــــــام
وإلا إلتفت .. أحسها لفتة فهيــــــــــم
.. .. .. .. .. .. .. وإن برّقت عيناك .. حرٍ لا يظــــــــــام
وإن مر ذكرك .. قالت الدنيا حشيـــــم
.. .. .. .. .. .. .. وإن مر فكرك..طارت أسراب الحمــام
أصلا .. ً نفسك .. إلا تنعنع فالنسيــــم
.. .. .. .. .. .. .. كنه يساومني .. على درب الهيــــــام
ياأغلا من أغلا شي .. يالقلب الرحيم
.. .. .. .. .. .. .. ياأوفى من أوفى شي .. ياعال المقام
أقبل علّيه .. ماأنته بحالي غشيـــــم
.. .. .. .. .. .. .. معاد ينفع فالوجع.. كثر الكـــــــــــلام
تعال .. وإحماني من الليل البهيــــــم
.. .. .. .. .. .. .. ليلٍ يشتتني .. وخلق الله نيـــــــــــام
يمرني بالجرح .. جرحٍ لي قديـــــــم
.. .. .. .. .. .. .. بعده تصير صروح أحاسيسي هدام
تعال وإحماني من الليل العتيــــــــم
.. .. .. .. .. .. .. خلك بجنبي كلما إشتد الظـــــــــلام

شعر جميل خاصة انه ينتهي بحرف الميم..هل لنا بمعرفة القائل وما المناسبة؟. لك التحية والسلام..ابوسعد

أبو سعد


أشكر مرورك


أستغرب سؤالك؟؟؟؟؟؟

[align=center]يمرني بالجرح .. جرحٍ لي قديـــــــم
.. .. .. .. .. .. .. بعده تصير صروح أحاسيسي هدام[/align] [align=center]صح السانك اختي بنت ابوها[/align] [align=center] تحياتي[/align]

لاشكر على واجب والقصيدة جميلة لكن لم تشيري الى القائل او المناسبة. ولا اعرف لماذا تستغربين؟؟؟؟..هل انت القائلة ام غيرك؟

صح السانتس بنت ابوهاا ولاهنتي على هالرائعه

وترى عليتس غياااب مستمررر وفكتس الله في هالجميله

وننتظر جديدتس

وتحياتي يابنت

[align=center] صح لسانك يابنت ابوها ويعطيك العافيه

قصيده اكثر من رائعه [/align]

صح السانك يا بنت ابوها قصيده رائعه لايعلى عليها
تحياتي

التركي


صح بدنك



ألف شكر لمرورك

رأس حربه



صح بدنك



ألف شكر لمرورك