قصيدة اعجبتني وحبيت انكم تشوفونها...
 

راكـب الـلـي كــن زولــه زول ذيــب
-------------------------ان نطحـتـه .. وان قفيـتـه مــن ورا
وان عرض لك قلت مابالوصف ريـب
-------------------------جـنـب ذيــب ٍ لاحـقـه جــوع وعـــرا
شاصـي التصميـم لانـد كـروز جـيـب
------------------------مايـبـيـعـه مــــن شــــراه لـيــاشــرا
مايبـيـعـه غـيــر مـــردي الـنـصـيـب
-----------------------او مــن يـحـده عـلــى قـروشــه زرا
مـايـهــمــه لانـــفـــود ولاجـــذيــــب
----------------------ولا الطلـوع اللـي مـثـل طلـعـة كــرا
لاهمـزو قيـر أدبلـه .. جـالـه نحـيـب
----------------------مـثـل مــن ميـتـه عـلـى بـالـه طـــرا
نـاحـل الاطــراف تصميـمـه عـجـيـب
----------------------مــع سـمـاح الــدرب مشـيـه بخـتـرا
كـــن جـــرات الـربـابــه بالـسـبـيـب
-----------------------صـــوت مــاطــوره لـيـامـنـه ســــرا
نـحـروه اللـيـل مــع وقــت المـغـيـب
----------------------الثنـيـن الـلـي عـلـى الـعـز أقـصــرا
ماعلـيـه الا صحـيـب ٍ مــع صـحـيـب
---------------------بالملح .. والزاد .. والطيب .. خشرا
ماعليهم مـن بسيـط .. ومـن صعيـب
-----------------------بــالــدروب .. وبـالـمـحـلات خــبــرا
ودهـــــم مـايـمـرحــون الا قــريـــب
----------------------مــن مـكــان ٍ تـقــل لاجـــوه ومـــرا
مـن شعـيـب يحـدرونـه مــع شعـيـب
---------------------والفـضـى مشـمـوس والـديـره ثـــرا
ديـــرة ٍ ربـــي لـهـلـهـا مسـتـجـيـب
---------------------كــل وادي مــن فـضـل ربــي جـــرا
جوهـا مـن صـادق الوسمـي عشـيـب
----------------------لـلـحـبـاري والـقـطــا فـيـهــا حــــرا
نبتـهـا يـفــوح كـنــه فـــوح طـيــب
---------------------مـاتـصـدق بـالـلــي عـيـونــك تــــرا
والله ان عـمـاس راســـي مايـطـيـب
----------------------ولا يـطـيـب الــــزاد ويــلــذ الــكــرا
غيـر لا رقبـت النبـاء مـثـل الرقـيـب
---------------------ونمـت فيـهـا ايــام لــو شــح الــذرا
بالخصـوص لياصـدف جــو ٍ رهـيـب
-------------------وقمت ادوج مـن الفيـاض الـى القـرا
فــوق جـيـبٍ كــن زولــه زول ذيــب
----------------------ان نطحـتـه .. وان قفيـتـه مــن ورا



الشاعر: لافي الغيداني

مشكور يافهد على حسن الاختيار وصح السان قائلها
تحياتي

صح لسانك يافهد ولسان الشاعر لافي الغيداني

وبيض الله وجهك


وتقبل مني جزيل الشكر

مشكور العصيمي على الاختيار الطيب

وصح السان شاعرها

فهد العصيمي بيض الله وجهك على حسن هالاختياار الرائع

وصح السااان الشاااعر لافي

وتسلم يمينك

دمت بود

صح لسانك يا فهد وصح لسان لافي


وبيض الله وجهك على هذا الاختيار


تحياتي لك ،،،،،،،،،،،،


اخوك النـايـــــــــــــف

مشكور على مروركم لي ويعطيكم الفا عافيه ويسلم يمينكم على ردكم الرائع وصح بدنكم وتقبلوو فائق احترامي دمت بود

[align=center]يعطيك العافيه اخوي فهد[/align] [align=center]وقصيده جزله لشاعر لافي الحربي [/align][align=center]وسبق وسمعتها في شريط له [/align] [align=center]تحياتي يالغالي اخوك تركي[/align]

الله يعافيك يا التركي ويعطيك العافيه على مرورك ونا مسرور لانها اعجبتك القصيده وتقبل تحياتي..