منتديات عتيبه - الشاعر محمد مبارك الصخابرة

ملاحظة / تم نقل الموضوع عن طريق الأخ : مبارك محمد في منتدى النداوي 0
للشاعر / محمد بن مبارك الصخيبري الدوسري:

قصيدة ( الـشِــيـخـة وما تـعـني )

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليــوم كلمــة شيــخ تشــرى وتنبـاع = يقدر عليها اللي فتح لــه مشاريــــع
كم واحـدٍ من ساس جـده ردي نـاع = من شان ماله صار شيخٍ وله شيــع
يحــط لــه شيخـــه وسمعــه وتبَــاع =ناسٍ تشجع مخطي الــدرب تشجيع
و(الشيخه)اللي ساسها زيف وخداع = تقفي كما يقفـــي نبـــات المرابيـــع
لا صار ماهي شيخةٍ توفي الصـاع = شيخة شيـــوخٍ فـــي الملاقى بواتيـــع
لا صاح صياحٍ من الخوف مرتاع = وصكت عليه خـــيول قومٍ طماميـــع
والخيل قد هـي في المقاهير شــرَاع = وصاح المصيَح والدبش مابعد زيع
لحقت بشيخانً علــى المــوت فـزَاع = على ظهــور مناتلات المصاريـــع
تواجهــوا دون الدبـــش كــل قطَــاع = بسيوف هندٍ في الملاقى قواطـــــيع
هاذي هي الشيخه بلا شــك ونــزاع =قولً يوقع لـــــه بالأبهـــــام توقــــيع[/poem]________________________________________

قصيدة الهواية
[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ترى القيظ للي يرغبون البراري عوق =إلا قام يلفح لاهب القيض وسعيره
رَعَـا البر لاجا طلعة سهيل قام يتوق =ولابرد عليه الوقت كثرت تفاكيره
وأنا من هواة البر بالفعل والمنطوق = مناي وهواي البر مالي هواً غيره
يجيني إلا هبت هبوب الصفاري شوق =على سجتاً بالبر ومفارق الديره
أحب الديار الخاليه والمطر والنوق = وبالخص سود الطرش والا مغاتيره
اليا جت تبارى كل ذودٍ معا طاروق =وطال النهار وريعوه بمقاهيره
واحب الهوى لاهب من المرقب الشاهوق=
خفيفٍ هواه وساكنات معاصيره
واحب البطين القافر الاخضر اللاهوق = اليا اقفا سحابه واسطعت به نواويره
مناثر نفوذٍ نوب سوده ونوب اعروق = سقاها السحاب اللي تتالى تماطيره
يجيها من المنشا خيال ورعد وبروق = يسيل عرقها والسهل في محاديره
تواليه ديمه واوله صادق حقوق = اسبوعين والماء ناقعٍ في محاييره
ولا زل له خمسة عشر يوم بالماثوق= تشوف الخضار اللي تشوقك مخاضيره
تشاكيل عشبه مقصر واوله زملوق = يشوقك الى سقت النظر في دواويره
اباخذ بها سجة وما فاتلي ملحوق =واسج القدم في البر وابعد مشاويره
خصوصاً الى صرت في رحلتي مرفوق=نشاما لهم في قمة اهل الوفا سيره
خفيفين دم ولابهم جاهلا مطفوق =ولا فيهم اللي يزعله مزح ويثيره
ومعنا اشقرٍ وافي وصافي بدون دقوق=الى شافه الصقار مالد في غيره
قصيرٍ عريضٍ مستديرٍ طويلا فوق =معا خف ريشه وافيات تشابيره
خذيناه من راعيه باغلى ثمن بالسوق= نبي سجتاً به به ماحسبنا مخاسيره
بنقنص دياراً عشبها له سبل وعنوق = إلى اصبح عليه الصبح لجة عصافيره
ديارا خلا ماطب فيها ولا مخلوق = عقب سيلها ماطبها من نقل طيره
يكود الحباري رمسها له جدد وعتوق= جررها تسند تلعة الروض والديره
وخذينا عن اللي لاطلع ساطين صدوق = وخز وصفا وجهه وتل ونتل سيره
موجب من أمس والحماقه تسوقه سوق = تسوقه حماسة والحمق فيه والغيره
عطا الخرب راسه ثم طقه ونجّم فوق =وعقرب عليه بضربة من شناكيره
وحاسه وداسه واظهر الدم والمعلوق = ونسر وعزله منها وزادت صعاطيره
ثم استدرجوا للهارب اللي مع الساروق = معا بطن خوراً واسعات معابيره
خذوا عنه والسواق يمشي بهم برفوق = ولمحها طيار وزاد شره وتشريره
تعلت وهو من فوقها وارتها اللحوق = وحول بها حوالة الدلو في بيره
وضحوا عقب صيدٍ ووناسة وحسن وفوق= بروضٍ سقاه من الوسامي مباكيره
وحط الحطب والنار شقوا لها مشقوق = جلال الخشب صفوا عليها جذاميره
وقام اللبيب الفاهم ونزل الصندوق = وحط الدلال وقاس ماها بتقريره
وماها غدير ٍ لارجاج ٍ ولا مطروق =زلالاً على طعساً حمر ماتبي غيره
وفهق للدلال امن الجمر لااستوى مفهوق= وفاح البهار اللي نظافاً مباهيره
وساق القدوع وعقبه البن الاشقر سوق = على كل نشمياً له البر تبريره
هذي والله اللي ياجماعه عليها ذوق = تساوي حياة اللي ينمي دنانيره[/poem]