منتديات عتيبه - شيخنا اللى شيخته عن كل شيخه مستقله :: في زمان اليوم والاّ من على عصر الصحابه

[align=center]

[color=#000000]قصيده ترحيبيه بضيوف الشيخ صقر بن مسفر بن صيَن الذيابي[/color][/align]

[poem=font="Simplified Arabic,5,black,bold,normal" bkcolor="transparent" bkimage="" border="double,10,blue" type=0 line=0 align=center use=ex num="0,black"]
عد ماتبد النجوم وعد ماتبد الاهله = مرحبا ترحيب عن صقر بن صين بالنيابه
بسم شيخٍ فالعطيف مدوّر الكرمه يدله=شيد القصر المنيف وفاتحٍ للضيف بابه
مايسكر باب ابو نواف قدم الضيف لله=والمراجل حصل اعلاها ولافيها طلابه
اتشرف يوم قدمني وانااللى نايبٍ له=فالقصيد اللى نسوقه سوق ونعدل جوابه
بسم بن صين نرحب بابو ماجد في محله=شيخنا اللى للمعالي دائماً تسعى ركابه
شيخنا اللى شيخته عن كل شيخه مستقله=في زمان اليوم والاّ من على عصر الصحابه
الامير اللي صعيبات الامور يوجهن له=ينعدابه فالعلوم الكايدات وينبدابه
الشجاعه والكرم والحلم دايم منهجٍ له=والوفاء والصدق في قوله ليا منه حكابه
كاسبٍ ثقة عتيبه والملوك اللى تجله=عند حكام البلاد وعندنا يحسب حسابه
والملوك ليا حصل موضوع في حله شكله=حولوا لأبن ربيعان الامور اللى تشابه
اقصد امور القبيله والدعاو المستجله = كلها ترسل لأبو ماجد ويفصلها خطابه
مايجيه الامر ويرده لهم حتى يحله=حل عدل وكل راعي مطلبٍ حله رضابه
خابرين العدل مذخور له وله الصدق مله=ملةٍ له ماتغير فالمشيب وفي شبابه
للعلاء نبراس وافعاله عليهن الادله =ماهنالك لا شكوك ولاهناك ولاغرابه
مزبنٍ للي عظامه من حموله ماتقلّه=تنقشع عنه الهموم ليا زبن له والتجابه
كل طيبٍ تمتنيه النفس يوجد في سجله=حي والله هالسجل وحي من دوّن كتابه
وحي والله هالصفات وحي والله هالجبله=ان حضر قلناه له وان غاب قلته في غيابه
كل علمٍ يتعب الشيخان عزمه يحتمل له=لازمٍ سيرة عمر ومنهج عمر إقتدابه
والشيوخ اخوانه اللي فالشدايد مسندٍ له=اهل الرأي الموفق والشهامه والذرابه
واثني الترحيب للعبودحيث انه هلٍ له=مرحبابه في محل آلاد ذايب مرحبابه
راعي المجد العظيم اللي بمجهوده وصل له=مثل مجد اسلافه اللي لزم ساسه واعتنابه
وابدي الترحيب صوب الضيط قدر وحشمةٍ له= حي ابو فواز ترحيبٍ يجمل من بدابه
شيخ ومجرب بفعله والمدايح يطمحن له= والسخاء والدين طبعه والحميا والصلابه
من شيوخ ٍ للمعادي حربة ٍ مسمومةٍ له=كاسبين الطايلات وجارهم يحشم جنابه
جارهم يبشر بخير وخصمهم يبشر بعله=الحرار اللي رقوا للمجد في عالي هضابه
فعل اهل عمهوج واضح والطواله شاهدٍ له=قول برغش يوم عد الصدق كلٍ قد درابه
وسيفهم فعله مخلد فالسنين اللى مضن له= يوم صولات القبائل والمصادم والحرابه
راحوا الاتراك عنده والاعادي طعمهٍ له=كم وكم من راس شيخٍ فالملاقا قد غدابه
ماينوش الراس نوش اللى يشيله من محله=من فعوله تشبع نسور البراري والذيابه
وبن جدي الشيخ بدر له التحايا ماتزله = مرحبابه عد وبل الغيث لامطر من سحابه
شيخ وسلالة شيوخٍ مايعرفون المذله=اخذٍ مما اتصف به جدي حنكات ونجابه
رافع ٍ قدر الشداد اللي لقاه مثبتٍ له=زاد عز اجداده الزربان والعز اعتلابه
ومرحبا بابن عماره والمعاني يطربٍ له =الشجاع ابن الشيوخ اللي تقول اسود غابه
راس من روس القبيله شيخته مذخورةٍ له=سعد من حطه لراسه فالشدايد له عصابه
والعريفي ندبل الترحيب له من غير قله=الامير اللى تحلى بالوقار وبالمهابه
والزلامي مانسيته لاحرام ولالك الله=نقصر الترحيب عنه وفي محله ياهلابه
والقضاه الهم تحايا عد وبل المستهله=ولجميع الاد عاضي مرحبا بأعز لابه
والعوازم والخراريص وحضور الحفل كله= ودنا بالقول وافي والزلل ماودنابه
ودي اذكر كل واحد ميرا خاف من الممله=مرحبا ترحيبةٍ ترضي عتابه من عتابه
ودام عز الحاكم اللى كلبونا تحت ظله=خادم البيتين اخو نوره زعيمٍ ينهقابه

وان ومرنا مرحبا بامره وحنا نمتثل له=ان دعانا نارد الموت المحقق مانهابه
كلنا خدام عبدالله ونفخر خدمةٍ له=عن لزومه مانصد ولا نعرف الانسحابه
وعاش سلطان السعد ويعيش دايم عزوةٍ له=الامين اللى تكفل بالعهد معه ووفابه
واحفظ الله الوطن وارواحنا ترخص فداً له=من هل الارهاب والارهاب يدمر من سعابه
والعهد منا يجدد للملك والله يدله=واصلح الله البطانه له وزاد الله ثوابه
واعذروني يالعوارف كان جاء في القول زله=واسمحوا لي لن حصل مني قصورٍ فاّي جابه
وعد من شاف النجوم وعد من شاف الاهله=ختمها صلوا على خير البرايا والصحابه[/poem]

[align=center][color=#000000][size=4]الشاعر
[color=#FF0000]محمد بن دغيم السميري[/color][/size][/color][/align]