غربة الروح
 

من روائع الشاعر مرزوق الروقي

غربة الروح
-------------------------------------------------------------------------

[color=#0000FF][size=5]رضيت بالحزن عمر وبالمواجـع خليـل
وقدرت أعيـش بحيـاةٍ باهـتٍ لونهـا
عوّدت نفسي مدامي جيت عابر سبيـل
كل ما دهتني مصيبه قلـت يـا هونهـا
عاصرت من دورة الأيـام شـي مهيـل
ومريت بدروب غيـري مـا يمرونهـا
من كثر ما شلت ما باقي بجوفي مشيـل
روحي تدور معيـن ولا لقـت عونهـا
كم شجرةٍ جيت أدور لي تحتهـا مقيـل
وحتت ورقها وعرّت فوقـي غصونهـا
واليا رميت الهموم بسهم صبراً جميـل
ا مـا يجـي خلفهـا وإلا يجـي دونهـا
اسمع بصدري صياح وهمهمات وعويل
وأردهـا خايـفٍ لا النـاس يوحونهـا
من غربة الروح ضيعت الهدى والدليـل
وخطاي تاهـت ولابـه مـن يقدونهـا
نهاري أعتم وليلـي بالتعاسـة طويـل
الكون مشرق وروحـي مظلـمٍ كونهـا
هذي علومي بعد فقـد الظـلال الظليـل
مالي من الـدور خاويهـا ومسكونهـا
زهدت في عيشتي بعد أم طرف كحيـل
ياليتي ادري بتالـي الوقـت وشلونهـا
عهدي بها يوم تروي قلبـي السلسبيـل
من قيظ الأيام توردنـي علـى عيونهـا
وتفيض في قلبي الظميان شوق وتسيـل
وأروى ولا أروى وأعود أظمأ لماعونها
وان سولفت كني أسمع للحمايـم هديـل
وأقوم أغنـي لهـا والاحـي لحونهـا
كان اختصار الأنوثة في جسدها النحيـل
يلغي جميـع النسـا بعيـون مفتونهـا
كنا سوا والزمن بالوصـل مـده جزيـل
ذقنـا حـلاوة الحيـاه اللـي يقولونهـا
ومن ذاق قلبه حنان منقضـات الجديـل
والله لتشتالـه الدنيـا علـى متونـهـا
وأنا بعد ما أهتنيت أقفت وحل الرحيـل
ويا ويل حالـي ليـا قامـوا يطرونهـا
بابقى عليـل يحركـه النسيـم العليـل
لاهب في قاع روحـه جنـت جنونهـا
وما دام راحت ما بي من حلمي إلا القليل
ان عشت في قلبها وان مـت فعيونهـا[/size][/color]




الشاعر/ مرزوق الروقي

[align=center][size=5]الروقية2

صح لسانك ولسان الشاعر


دمت بود[/size][/align]

صح لسانج يالروقي

\\

ويعطيج الف عافيه

[color=#000000][B] [size=3][align=center] الروقيـه 2


اول شي حياك الله بالمنتدى واعذريـني توني آرحب فيك لآني توني آشوف النك تبعك

ويعطيك العافيه على هالقصيده وصح لسانك وصح لسان الشاعر مرزوق الروقي[/align][/size][/B][/color]

الله لا يهينك اختي الروقيه2 وصح السانك ولسان الشاعر الجميل مرزوق الروقي

[frame="8 80"][color=#993333][size=5]اخوي الماشي يعطيك العافيه

وشكرآ لهذا المرور الوارف

بعذب المعاني-

دمت بخير[/size][/color][/frame]

[frame="8 80"][color=#993333][size=5]اختي الجاازي اشكرك

اسعدني هذا العبور المعبر

كلك ذوق يالغلا

دمتي بود[/size][/color][/frame]

[frame="8 80"][color=#993300][size=5]الله يحييك ويبقيك اخوي ( عزوتي عتيبه )

حضور معبر عبر متصفحي

اشكر لك هذه المشاعر

العذبه

دمت بخير[/size][/color][/frame]

[frame="8 80"][color=#CC3333][size=5]شكرا ولد نجد لهذا المرور الوارف

بعذب المعاني

دمت بخير[/size][/color][/frame]