لو انّك ذقت من مرّ انتظار الموعد المأمـول && تكاثرت الدقايق يـوم تنقـش يـدك بالحنّـا
 

[img]http://www.alriyadh.com/2007/05/22/img/225622.jpg[/img]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول الليل قمرا والعيون تشوف ,, قلت اقول=يبا ينقز غزال الصيف , ماغاب القمـر عنّـا

تعال الله عليك أرو الضّما من هرجك المعسول=ترا ماهوب بس اللي تحت ضو القمـر حنّـا

لك الله مابقى معنـا عقـولٍ تقبـل المعقـول=نبي من كل شكل ولون , والليله يجـي منّـا

لو انّك ذقت من مرّ انتظار الموعد المأمـول=تكاثرت الدقايق يـوم تنقـش يـدك بالحنّـا

وصل يوم الفرج مع صبر حولين وقفاهن حول=ثلاث أعوام يادوب استوى اتلانا مـع اولنّـا

دخيلك ودّنا نسبح بحر نظرتك عرض وطـول=انا ويّا عيوني , بـس مـن فضلـك تمكنّـا

واذا ضيعتنا في نون عينك رمشك المسـأول=سـواده مايخليـنـا نـشـوف الله يامـنّـا

فديت الأبتسامه والنعومه والغنـج والـزّول=لو انّا من حديد ومن حجـر, بسمـه تلينّـا

نكذّب من يقول انّ الثّغر فيه البرد والـلـول=ولامنّك فهقـت الشفّـه مـن الشفّـه آمنّـا

شذا نبت الخزاما والنّفل فالخايـع المسيـول=يفوح من اللفوح اللي بلعـب الريـح جننّـا

تجرّه من سواد الليل مقضوضٍ على مجـدول=ماتملكه اليدين , ان جيت منّا ينطلـق منّـا

لو انّك ترتخي للأرض قفله والشعـر مفلـول=دنا منها جديلك , والثـرى لمصافحـه غنّـا

الا ياصاحبي سقم الهوى ماله دوى وحلـول=تجرعنـاه مـن ثغـرة جهلنّـا لاتِجاهِلـنّـا

ملذّاتـه تسـوق ركابنـا للعالـم المجهـول=أخذنـا فـي سِنـه ومنبّهاتـه مايصحـنّـا

قسمنا جمرته , والحال شاهد والشقا مدلـول=وكلٍ صار ينفخ جمرة الثانـي , وجـاز النّـا

ترا ماعاد معنا الاّ من الساعه ونصّ وحـول=نبي نطفي لهيب الشوق فيها , كيـف ماكنّـا [/poem]


[size=6][font=Comic Sans MS][color=#8B0000]لـ / حاتم البرّاك [/color][/font][/size]