قصيدة الشمري والعتيبي
 

قصيدة رثا بالشيخ\ فارس بن محمد بن ضاري بن الطواله
رحمة الله عليه من صديقه الشاعر\عميربن زبن بن عمير
البراق العتيبي وفاء منه لصديقه وعمير رجل معروف
من الرجال اللي فيهم خيرراعي كرم وشيمه وفاء وكل العلوم
الطيبه ويكفي انه من ذباحة الحايل لطامة العايل0
-------- القصيده -----------

مرحـــــــوم ياشيـــــــــخ عرفنا النقا فيه 0 شيخ الوفاوالجود في سر واعـــــــلان
الله يغفـــــــــرله ويكثــــــــر حســـــانيه 0 ويجعل بوسط الخلدله عزواســــــكان
مرحــــــوم ياشيــــــــــــخ بجوده نلاقيه 0 نعم الرفيق بيوم روغـات الاذهــــــان
صحيح مـــــن شمـــــــر عريبه مجانيه 0 الاسلم اهل الطيب ذربين الايمـــــــان
وانا عتيبـــــــــي بس اعــــــزه وبر ثيه 0 انااعشـــق الطيب ولوكان مــــــا كان
قلبي مع اهل الجـــــــود دايــــم مماشـيه 0 اهل الوفا عندي بني عـــــــم واخوان
وحبي لفـــــارس معـــلنه مـــااقدراخفيه 0 اعلن بحبــي له على راس مـــــــابان
شـــــــــيخ عرفته ومات ماعانــــق التيه 0 وريف لربعـــــــه كل ماثار دخــــــــان
شيـــــــــخ يعــــــــرفه كل من كان يلفيه 0 يلقـــــى مــن الطيب قبـــول وتـــــــحنان
شــــــيخ من احتاجه يســـــره ويرضيه 0 ذخر لربعـــــه من شــباب وشــــــــيبان
فارس ولد فخــــــــرالذي كان ناصــــيه 0 محمد عســــــاله عند مــــــولاه غفــران
والجد ضاري عــــــــــــز ماكان ناخيه 0 عز القبيله وان غزى الربـــع عــــــدوان
فارس ولدهم حازت الجـــــــــــود اياديه 0 مـــاقــــلت به زور ولاقـــــلت بهتـــــان
لوهوعلى كيف العـــــــرب مااحدايجيه 0 لوصار كون من عظيمــــات الاكـــــوان
بس المـــــــــــنايا من دنتله بتطــــــويه 0 لازم تجيه لو دفــــــــع كل الاثمــــــــــان
لو كان يسكن برج حصــــــــــن مبانيه 0 الموت مارده حـــــــــــراســـــه وبيبـــان
فارس رحل عسى العوض في ذراريه 0 اخوانه مــــــــع عياله على الطيب شبـــان
الكل منهــــــــــم بالمفاخـــــــــر يحاليه 0 يصير مثله شهـــــــم في كل الازمـــــان
ارفع اعزي ربعـــــي ومــــولاي ندعيه 0 الله يلهمهم مع الصــــــــبرســـــــــــــلوان
وهاك الوفا بين العــــــــــرب هم ملافيه 0 وفارس عسا له داخل الخلد مســـــــــكان

والمعذره حيث اني مااعرف عن الشاعر اكثر مماقلت ولكن انه رجل اكيد وافي
مع الشيخ فارس ابن طواله وهذا دليل على ان الرجل معدنه طيب ويستا هل
الثنا والتقدير اعزك الله يا البـــــــــــــــــــــــــــــــــــــــــــــــ ـــــراق

الله لايهينك بالفداغي ومشكور على تزوديدنا بهذه المرثيه والله يرحم من قيلت فيه وصح السان شاعرها

الله لأ يهينك علي النقل وصح لسأن شعارها

وسبــع انعم بالطناااايااشمررر

يعطييييييك العااافيه


لاهنت

[align=center]صح لسان شاعرها وتسلم ايد ناقلها

لاهنت يالشمري وبيض الله وجهك [/align]

صح لسان البراق

والله يرحم ابن طواله


ونعم بشمر الطنايا


وتقبل مروري

[align=center]صح لسان البراق
والله يرحم بن طواله واموات المسلمين
وشكوور على النقل

وتقبل مرورى [/align]