منتديات عتيبه - (((( هل الهيلا ))))

[color=#000000]السلام عليكم ورحمة الله وبركاته[/color]

[color=#FF0000]يسعدني ويشرفني أن أنضم معكم في هذا المنتدى الطيب وأول مشاركة أكتبها هي قصيدة بعنوان ( هل الهيلا ) وإن شاء الله سوف ألقيها أمام الشيخ ابن حميد عن قريب 000[/color][poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تسنى لي بديعاتٍ تصفصف باللغا تنقال = حسينات المعاني والمعاني من بنياتي
أرتبها من الجوهر وأسلسلها كما السلسال = ألبسها حلل لؤلؤ وأسميها من أبياتي
أقلدها هل الهيلا هل الشيمة هل آلافعال = هل الطنخة هل الفزعة ليامن بات ماباتي
ألا ذباحة الحايل ولطامة طغى من عال = صناديد الرجال اللي تهز الكون لاجاتي
ألا وإن قالوا ابن حميد زحزيحٍ ولاينطال = صميدع صارمٍ والطايلة يثنيلها وياتي
من فحول الرجال اللي ليامن قال قول أفعال = يهز المرجلة لاصارت الدعوى مساواتي
ألايامدبّة شم ألانوف ومن لهم منزال = عظيمين الفعول اللي تسطر بالملفاتي
صيارم عن صيارم00مرجلة00رجّال عن رجّال = أسود ومن أسود ومن أسود ومن مخيفاتي
من أنسالٍ تسلسل نسلها من سلسلة أبطال = سيوف المجد وزحول الرجال اللي لها سواتي
ألايامدهل اكبار الرجال ومن لها مدهال = أعزة نفس لاقالوا ولافيها مراواتي
عتيبة وإن هدت بركان وإن ثار اللقا زلزال = عتيبة مشبعين السيف من ميزان ألامواتي
على ظهور الخيول إن دخّنت بالحرب شيٍ هال = يهيلون المعادي فعلهم هيهات هيهاتي
وأنا قولي صحيح ولايجي لاقلت فيه اجدال = صحيح المجد لاقلنا وأوثق فيه بصماتي
وإذا جينا فهم ذباحة الحايل على أية حال = صخيين اليمين ولايجي فيهم ملاماتي
هل الكف الكريمة مكرمين الضيف بالفنجال = من دلالٍ تبارق لمعها ياكنها مراتي
وأنا والله مدري كيف أبي أنهيها على ماقال = تواريخٍ تسجل من قديمات الزماناتي
ولكن شي من شيٍ نقول القول وألامثال = نسميها هل الهيلا من إبداع أرتجالاتي
وأنا من لابتي شمّر دلالة ميلتي بعقال = طنايا شمّر الغلبا من أنسالٍ مهيباتي
مثايل قلتها جوهر من الؤلؤ كما السلسال = هل الهيلا هل الهيلا ليامن قيل بالذاتي[/poem][color=#000000]أخوكم الشاعر / أحمد بن عيد ألاسلمي الشمري[/color]