لقيــت بالعـتبان عشـرين عذروب
 

[align=center]
[size=4][color=#000000]هذه القصيدة مدح لقبيلة عتيبة عموم والقيت امام شيوخ قبيلة عتيبه في مخيم الشيخ قاعد بن مقحم الحبيل في ملتقى قبيلة عتيبه[/color][/size]
[size=4][color=#000000]بتاريخ 17/10/1428هـ[/color][/size]
[size=4][color=#000000]الشاعر سميحان بن فهد السويدي الشمري[/color][/size][/align]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

مبــداي باللي شـــافين عــــلة أيـوب=وبالـــوحي موسى بالمخاطب كليمه
مرجــع بصر يعقوب من سبت الثوب=جــــلا جـــــلال اللي صفاته عظيمه
فــي قدرته يخفي سنا الشمس بغروب=وفــي قدرته تحيى العروق الرميمه
بديت ذكــــر اللي عـــلم سر وغيوب=والــــشعر نـــبدا في جواهر نظيمه
اذكـــر بهن مـــجدٍ وتـــاريخ مكتوب=ولا ينــــكر الــــتاريخ غير البهيمه
لقيــت بالعتبان عـــشرين عذروب=كـــله عــــذاريبٍ كــــبار وجسيمه
الكــــل منــهن لأهــل المجد مرغوب= فيـــــهن جــــديداتٍ وفيهن قديمه
قبيــلةٍ بالــطيب لـه كـــل مـــاجوب=والمــدح فعـــل الطيب يعطيه قيمه
بالمـــجد يـــوجد له مـــواقيف ودروب=وركــــابهم للمــــجد دايـم هميمه
رجـــالهم بالــــطيب بالفعل موهوب=مـــن الصغر يبدون الكرام اتعليمه
عيال الكـــرام الكــل للطيب مجذوب=والــراس به من مجد الاجداد شيمه
الاولـه فــي وقــت غــالب ومــغلوب = ياصـــعب للجــمع العتيبي هزيمه
عــــدوهم فــي ساحة الحرب منكوب= جمــــوع العدو مايوم ترجع سليمه
والثانية ضـــوء الكــرم دوم مشبوب= ذبــــاحة الــــحايل لـــراع الحشيمه
من سلمهم معروف والسلم موجوب= جمــــعاً عــلى الشدات عنده عزيمه
والثالثة هــم عــون من كان مرعوب= ياشــــاف من ظـيم الليالي هظيمه
أفـعال ماهي أقــــوال تزييف وكذوب= والـــقصر دون الساس مسرع هديمه
والرابعة هم عـون مـــن كان منيوب= حـــــده زمـــــانه عندهم له لزيمه
لو كــــان ماهو عندهم شخص محبوب=الــــيا نــخا الهيلا رحل به امقيمه
والخامسة جمـــعاً مدى الوقت مهيوب=وللمــــجد وافــعال التفاخر فهيمه
وله بالـــتعامل مــــيزة آداب وسلوب=والصــــدق غـير اقوال كذب وهيمه
والســـادسة كان اصبح الدرب مقضوب=والشر يبـــنى له على الدرب خيمه
عــــــدوهم مع بسرت القلب مضروب= ويشـوف بعيــــونه بالافعال ضيمه
والســـابعة ياصـــــار للــــحق مطلوب=لحـــق للــــطالب لـــزومٍ تـــقيمه
لـــو انه سابق كــامل الحــــق مسلوب= يــــرجع وصــكه بالفعول اتختيمه
والــثامنة خــــويهم غــــير مــعيوب=يبــــــقى صديقاً والصداقه حميمه
ماهـــو اليا قـــفاء بالأقــــوال مشذوب=علـــى النقاء تبقى اعلومه امديمه
والـــتاسعة ياصـــار بالقيـــض لاهـوب=وكــل الضوامي من ضماها محيمه
المـــــاء بطــــيبة نفس بالحال مصبوب=تــــاريخ يــــحفظ للسلوم السليمه
والعــــاشرة تقــــــدير للـجار محسوب=جـــــار العتيبي له مقام وحشيمه
ماجـــارهم يــــشد مـــكره ومغصوب=وتبقــــــى المــحبه للنديم ونديمه
وإحـــدى عـــشر مجدٍ بالافعال مكسوب=امــــداح دون افعال توصف عديمه
والفــــعل مـــــاينكر ولابــد مــنبوب=انكــــار فعل الطيب عيب وظليمه
واثنا عـــشر سلم الد خل لـزم ووجوب=سلــــمٍ على كل الجميع اتعميمه
دخـيلـــهم يشرب من الكيف مشروب=ولايــــخوفه شوف الحصان ورهيمه
وثالث عـــشر وان سكرت دونك البوب=وبــنتك بعد غيبتك مثل اليتيمه
ازهـــم هــــل النــخوه وقضاية النوب=وعيـــونهم ماهي عن المـجد نيمه
ورابــــع عــــشر حكمه وتفكير بسلوب=مـاهي تفـــاكيــر العقول السقيمه
عنـد العــتـيبي راي والـجمع محسوب=بالـــراي وافـــكار العقول الحكيمه
وخــــامس عشر قوه وبالجهد متعوب=رجـــــالهم دايـــــم قـــوي العزيمه
يفـــداك لــو عمره على الموت مجلوب=يمــــوت ولايـقــبل شـروط الهزيمه
وســادس عـشر بهم الـــجزاله لمطلوب=من سلــمــهم يوم السنين القديمه
من ايام كــل الــناس ناهب ومنهوب=عــتيبه عـلى فعل الوفاء مستقيمه
وســـابع عشر كان ارسل الضد مندوب=والصــــلح عـــنده لو حصله غنيمه
بـــهم السماحة شيــمة الحي وشنوب=واعـــداه تــبقى من قهرها كظيمه
وثامـــن عـشر الكــل بالطيب موهوب=وشـــيوخـهم فـي كل مجدٍ مهيمه
عـــن لازمـــــه مــاتقبل اعذار وهروب=تــــرك الـعـــــتيبي للوازم جريمه
وتــاسع عشــر ياعين الشخص منصوب=يكـســب ثقة شعب البلاد وزعيمه
مــــاله عــن الــواجب معاذير وغيوب=افـــــــعالهم بأمـجادهم مـستديمه
وعشــرين خوال اللي له الخير منسوب=محمـد نبــي الخـــلق لمــــاء لميمه
واللـــي يقــــول ان الخبر زيف وكذوب=محـدٍ جـهـل يوم ارضعت له حليمه
وحــنا بوقت الــــخير للي مشاء صوب=وتــرك دروب اهل الدروب الذميمه
بقـــيادة من حــبه من العالم اشعوب=الكـــل يحــبه صــــادقٍ من صميمه
الليث اللي من كـامل الشعب محبوب=وارواحـــنا تفــــداه وقـــت اللزيمه
عبدالله قاد الشـــعب بالــحكم وينوب=ويمـــناه للشــعب السعودي كريمه
من يــكــرهه عســاه بالشــر مصيوب=ودايـــم علـــيه من البلاوي تهيمه
واخـــوانه الـــوافين فــي كل ماجوب=كلٍ ملك من مـــؤسس الحكم سيمه
وان صـــار بـــه يومٍ مطالب ومطلوب=تــــزبن عـــليهم عالمـــاً مستظيمه
وصلــوا على مستقبل الوحي بعجوب=وكلم عظـــيم الشـــان وكـلم كليمه [/poem]

[poem= font="Simplified Arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشمري يمدح قلبية عتيبه= قبيلةٍ للمجد بالفعل ترقا
الشاب واللي باخر العمر شيبه=مابينهم في طيب الافعال فرقا
امجادهم بالطيب ماهي غريبه=بالفعل ماهي تسرق الطيب سرقا
اليوم وايام العصور الرهيبه=يوم النمش له بالمشاهير زرقا
عدوهم منهم يشوف الغليبه=ان اتجه يم روق والا لبرقا[/poem]
وللقصيده بقيه

تسلم على ها القصيده الرائعه

ريومه العصيمي
شكراً لك على هذا الرد الله يعطيك العافيه
اتمنى لك التوفيق الدائم

سميحان تسلم ويسلم شاعر القصيده

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قبيلـةٍ بالطيـب لـه كـل ماجـوب = والمدح فعـل الطيـب يعطيـه قيمـه[/poem]


[size=5][font=Arial Black][color=#00008B]بيض الله وجهك .. وتسـلم على نقل القصيده ..[/color][/font][/size]

صدق
شكراً لك على هذا الرد الله يعطيك العافيه
واتمنى لك التوفيق الدائم

اشراقات
شكراً لك على الرد الله يوفقك كل خير

[color=#000000][size=4]الشاعر الغالي

[color=#FF0000]سميحان بن فهد السويدي الشمري[/color]

بيض الله وجهك..


وافي وافي ..ومن قبيله وافيه ..وماعليكم زود ياشمر ..

شمر هل الطولات والله ومليون نعم بالطنايا ..


وتقبل خالص تقديري ,,[/size][/color]

[size=4][align=center]صح لسانك

ياسميحان الشمري

وبيض الله وجهك

والنعم فيك وفي عتيبه وشمر وكل القبايل

ماقصرت كفيت ووفيت

تقديري[/align][/size]