يامــل قلب ٍ يسج وفــــــه دولاجـــــه
 

السلام عليكم ورحمة الله وبركاته
قصيده من قصايد الشاعر عبدالله ابن عون
القصيده معروفه ولا كن انا حبيت ان تكون في هذا المنتدى الرايع
ــــــــــــــــــــــــــــــــــــــــــــــــــــــــــــــــ

بسم الله الرحمن الرحيم

يامــل قلب ٍ يسج وفــــــه دولاجـــــه
من هاجس ٍ بالضماير قـام يدرجهــا
في معزل عن جميع الخلق وازعاجـه
ما اسمع من الناس لوتكثر لجالجهـا
ماغير اهوجس تقـول مضيع حاجــه
آخذ واسند على روحـي واهــرجهـــا
وادوج لوكـان مــارجلـي بــدواجــــه
اد لّـه النفـس ليـــن الله يفــــرجـهـــا
يالله يالي بيـد ك الضيـق وافـراجـــه
ياخالق الخلـق ياقا ضـي حــوايجهـــا
تفرج لعين اذي أغفـت بسـوهاجـــه
تجهز عليها الطواري لين تـزعجهـــا
نوب سهرها شـديـد ونـوب سوهــاجـــه
ومر تكــن الد مــوع ومـــر تـزعجهــا
عليك ياللـي بقلبــي كـــن وهــاجـــه
وهاج نار هــوى الغـــربـي يســارجهــا
أبـو ثمـان تشـاد اللـــولـــو لعا جـــه
كـن البرد يـوم يضحـك فــي مفـا لجهــا
ياروح روحي وجرح القلب واعلاجه
الطـف بحــال عليـك الهـــم سـاهـجـهـــا
قلبي يناجيك بسلوب الهوى .. ناجـه
يشكـي لك الحا ل داخلهـا وخـــا رجــهــا
اما التفت لي وتم الوصـل بمواجـــه
والا بــلا عشـــرة هـــــذي نتــا يجــهــــا
وش ينفعك من حنين القلب وخلاجه
وجروحي اسبا بهـا انت ولا تعــا لجـهـــا

عبدالله بن عون

مشكور يااخ صدق على حسن الاختيار وصح السان عبد الله بن عون
تحياتي

يازين الكلام الطيب..صح لسان الشاعر والناقل,,وياهلااوغلااا