منتديات عتيبه - فله وخدامه ولكزس وجوال

--------------------------------------------------------------------------------

السلام عليكم
هذه مشاركه جديده احب ان اشارك بها وارجو ان تنال رضاكم ..

[poem=font="Simplified Arabic,4,white,bold,normal" bkcolor="teal" bkimage="" border="double,10,darkred" type=0 line=0 align=center use=ex num="0,black"]

بعـد الفقـر حـطـت شـريحـه وجـوال = يسعـد مساء جـوالهـا والشـريحـه
كانـت تجـينـي تشتكـي قـلة المـال = وتصـيـح لاجـاء طـاري الفـقـر صـيحـه
تقـول ابـويـه دايـم الـدوم رحـال = وامـي كبيره سـن دايـم طـريحـه
وانـت الوحـيد اللـي لك القلب مـيال = دايـم يصارحـني وانا له صـريحـه
طـفله وانا معشـوقـها بين الاطـفال = جـريـح حـب وطـاح له فـي جـريحـه
كنا سـوى نـرسـم عـلى التربـه امـال = وأحـلام تقتلها الحـياه الشـحـيحـه
كـم دمعـة كانت عـلى الخـد تنهـال = واذا نزلـت ضـاقـت عـلى الفسـيحـه
الله كـم صـرخـه وهـمسـه ومـوال = الله كـم جـادت عـلينـا القـريحـه
الله كـم بيـت كـتبناه يخـتال = واقـول انا المهاجـر وانتي المليحـه
تـخـيل لومـا فـالسـماء بـرق وخـيال = وانكـذب الايام لوهـي صـحيحـه
تقـول لاحـطـيت لك بشـت وعـقال = وسـخـر لك الرحمـن عـيشـه مـريحـه
اخـاف تتركـني عـلى عـثرة الفـال= للفقـر ووجـيـه الحـياه القبيحـه
وحـبيتها بين الخـلايـق والازوال = حـب يطـول الوقـت محـد يـزيحـه
وسلمتها قـلب تباريه الاهـوال =وطـاح الخـفـوق وطـيحـة القلب طـيحـه
راحـت وخـلتني مـع القيل والقال = شاعـر صـواريـف الدهـر تستبيحـه
ودار الزمان وغـيـرالحـال بالحـال = وجـاهـا الزمـان بكـل ورده وشـيحـه
فـلة وخـدامـه ولكـزس وجـوال = وانا عـجـزت ادفـع رسـوم الشـريحـه[/poem]

وســـــــــــلا متــــــــــكم ..