قصيدة شباب القوبع في حفل العضيان بالدوادمي
 

[align=center][size=5][U]هذه القصيده للشاعر الكبير/شباب بن فايح بن محمد القوبع الجعيداني التى ألقيت في حفل اجتماع قبيله العضيان في الصاله الذهبيه في محافظه الدوادمي مساء يوم الخميس8/9/1428[/U][/size][/align]



[poem=font="Simplified Arabic,6,white,bold,normal" bkcolor="darkblue" bkimage="" border="ridge,4,orange" type=1 line=0 align=center use=sp num="0,black"]
دعانا شيخنا شيخ القبيله=ورانا في لزومه مانجي له
يجي له كل طيب ويتشرف= هو اللى فالحقيقه ينعنى له
كمنه شيخنا منا وفينا= عريب الجد من ساس الفصيله
اليا منه دعى ربعه وجوله= ينال العز باليمنى الطويله
ولاصكو عليه اولاد عاضى =حمول الخيل من روس الدويله
رجال العرف ورجال المروه=لهم وقفات واسلومن جليله
واذا جات المواقف بالتحدى=وكلن قام يقدح من فتيله
على رايك يابو بندر حضرنا=تشرفنا مواقفك النبيله
حضرنا ونت زيزوم الزعامه= زعامه جد ماهي مستحيله
زعامه من بنوها واحتموها=اهل عمهوج مروين الصقيله
هل الجوخ الحمر في وقت دوره=اليا لبسو وعنو كل أصيله
نهارن فيه للطيب شهاده= وفيه اللاش من ضمن الحليله
عوايدهم يفكون المتلى =اليا جاء الهوش في تال الدبيله
واهل قاله واهل بيتن مشيد= يزبن من نصاه ومن يجي له
خذو في قمه المجد الصداره= رفيعين النفوس اعن الرذيله
وانا لو قلت مجروح الشهاده=انا فردن من افراد القبيله
شهد برغش بقوله واعترافه= نهار السيف يطرقهم عويله
اعواء عمهوج في روس الطنايا=اعواء ذيبن على راس الطويله
وشهد هذال أخو هملا ونامي =وزكاهم جمل ناقض جديله
بعد جابوه من بين السرايا= وحذف الروس ماله من يشيله
وبعض أفعالهم تصعب عليه=شرحت الوضع بابياتن قليله
زمانن فاتنا خيره وشره=وربي عاضنا خيراً بديله
تحت ظل الشريعه والسياده=وحكمن جعل ربي مايزيله
طلع صقر الجزيره واستلمها= وعاشقتيه يالعذراء الجميله
وازال الشرك عنها والجهاله=وبان النور والحق ودليله
وعاهدناه عهدن مانبوقه= وغال الروح يرخص في سبيله
وصلى الله على خير البريه=عدد ماهل همال المخيله[/poem]

[font=Courier New][size=4]اخوي القوبع

يعطيك العافيه

على هالقصيده

لاهنت[/size][/font]

[B][size=6][font=Comic Sans MS][color=#00000][color=#FF1493]oO [color=#FF8C00]الــقوبـع[/color] Oo[/color]

قصيــده جــزله

سلمــت يمنـــآك

وربي يعطيكـ العافيه


تحياتي[/color][/font][/size][/B]

[size=6]
يعافيكم ربي ومشكورين على مروركم وتواجدكم

دمتم بود[/size]

صح السان شباب القوبع ولاهنت يالقوبع على تزويدنا بهذه القصيدة الرائعه
تحياتي

صح لسان الشاعر شباب ويستاهلون اهل عمهوج وكفو بالاد عاضي


ومشكور يالقوبع على تزويدنا بهذه القصيده الرائعه

[color=#000000][size=4]لاهنت ..أخي


[color=#FF0000]القوبع ..[/color]

وصح لسان الشاعر/ [color=#FF0000]شباب[/color] ..


و[color=#FF0000]الضيط[/color] والعضيان يستاهلون الطيب..



وبيض الله وجهك على النقل الرائع رغم الأخطاء الأملائيه ...


ودمت بخير..[/size][/color]

[size=6]هلا فيكم جميعا يسعدني تواجدكم والعفو

بالنسبه للاخطاء اخوي القدير ناصر بن سعدي تراي والله مدري وش صاير من يوم حطيتو ستايل رمضان ماعاد تطلع عندي ادوات التحكم فالنص خله على ربك [/size]

اخوي القوبع

يعطيك العافيه

على هالقصيده

لاهنت

صح السان شباب القوبع ولاهنت