وبنـات العليا مـا تعلّـن زوايـاه
 

[size=6]مقدمة بسيطه /

الجمس لا يخفى على الجميع سمعه الجمس والزمن اللي مضى له , من

موديل 77 ورد ال 454 في هاك الايام ماكان فيه سيارات

تضاهي قوة ال 454 وسرعته , مالكم في الطويله انهبلت العالم وانهبلو

الشعار وكلن قام يقصد ويشعر في الجمس ووصلت في فتره من الفترات

ان الحكومة منعت محطات البنزين من تعبيئه اي جمس في الليل لظروف

.اللي كانت هاك الايام ( رشاش وقحص) . وفي الفتره الحاليه رجعت

العالم تدور الجموس وتشتريها حتى وصل في بعض الاحيان سعر الجمس

النظيف وشد بلد ال 70,000 ريال

وهناك اشعار وقصائد كثيرة واخترت وحده منها للشاعر( ناصر الفراعنه )

وقصه القصيدة ان فيه واحد جاء لناصر وقال له ابي قصيدة في الجمس

قال له ناصر الشعار ماخلو شيء قال لا ابي قصيدة منك انت قال :



القصيدة غير كامله .....[/size]

**************************************************************



[size=8][color=#FF0000]حييّـت يـا جمـسٍ جـدادٍ مشاريـه **** عبّارتيـنٍ بميـة ألــفٍ شريـنـاه

أربع ميا وخمسين مـن عنـد أهاليـه **** آخر موديـل بعالـم الشـرق عـزّاه

حالف حـرام إنـي لاسوقـه واعدّيـه**** يوم إن ولْد أمّـه قصـر مـا تهقـواه

جمسٍ ليـا شفتـه عزالـك تقهويـه ***** يا ِطيْب طِيْب القهوجـي كـان قهـواه

تقـول معـزومٍ لحفلـة (سـواريـه) **** جاك امتشيّك وامتعطّـر ومـا احـلاه

سـوّاه لطـوال الشـوارب مسـوّيـه **** ما يركبـه يـا كـود حامـي حمايـاه

حرٍّ كفـخ مـن روس عالـي مباديـه **** قـرمٍ تلطّّـم وأشقـر الكنـت طفّـاه

يا ليت راعي الجمس يومـه يسمّيـه****على اسم عنتر والا بـو زيـد سمّـاه

حيثه شنب يستاهـل المـدح زاهيـه **** ملعون أبو مـن لا قمـز لـه وحيّـاه

من عزته ما ركبو أهـل الدلـع فيـه**** ولا سـوّقـوه أولاد بـابـا ومـامـاه

ولا ساقه الخكري ولا احمـر عتاريـه**** وبنـات العليا مـا تعلّـن زوايـاه

الجمـس أحبّـه حـبّ غـالٍ لغاليـه **** حـبٍّ عظيـمٍ حـبّ نمـرٍ لوضـحـاه

ومن حشمته لا جيـت اسافـر اماليـه****ولا خلّص المشـوار جيـت آترضّـاه

يا شيب عيني يوم آجي لـه والاقيـه**** مثل الذي وسـط الخـلا شـاف لامـاه

خطـرٍ ليـا ناديتـه يقـول: لبّـيـه **** ومن دون سايق يشتغـل مـن ورا ذاه

هـو ميّـتٍ فيّـه وانـا ميّـتٍ فـيـه **** ولو هو حديد أحـب شوفـه وطريـاه

لا قمت المّـس فـوق بديـه واداريـه **** بـلا شعـورٍ قـمـت ادوّر شفـايـاه

ليته هنوف لأجـل اضمّـه واحتويـه**** غروٍ تضوع المسـك صافـي ثنايـاه

حالف يمين انـي لاابيعـه ولا أهْفيـه**** لوربّحونـي بألـف ألــفٍ مــدلاّه

يوم الجبـان يبيـع صاحبْـه بجْنيـه **** والله ما ابيعه دامهـا أمّ الطلـي شـاه

حتى وأنا في المسجد الفرض اصلّيْـه*أدعي لجمسي يا عسى الخلـد مثـواه

وان كان عنّـي راح مانـي بناسيـه**** كـود البـدو حـب المقاطيـن تنسـاه

وتحـرم علـي نـوره حـرامٍ مقفّيـه **** وتحرم علي البيض مـن كـل منحـاه

يا وين أبلقى لـي حريـص ٍ أوصّيـه ****لا غبت عن جمسي يـزوره ويرعـاه

فـي ذمّتـي بغالـي الـروح لاافديـه **** ولأملّكـه عمـر المعـنّـى ومخـبـاه

ومن جلدي البالـي لاوقّـي سماريـه .ومن هو سعى للجمس ما خاب مسعـاه

يا لايمي في الجمـس غـادي وسفّيـه **** بـلاك مـا شفتـه ولا شفـت حليـاه

لي جمس مابه جمـس مثلـه يباهيـه *ولا في جموس الشرق تلقـى سجايـاه

من شـاف فوقيّـه وطالـع بحدريـه **** والله ان يمـوت بساعتـه داه بـرداه

رمـز الفخامـه والاناقـه مـع التيـه **** الحسـن والابـداع والعقـل والجـاه

ذي اس از انترناشيونال عنـد قانيـه **** مـا يكسـح اللـي للمهمـات يقـنـاه

مخـروط والمخـروط صعـبٍ تحدّيـه*** ويصعب على متن البسيطـه مجـاراه

ومكينتـه علـى أربعيـن وحوالـيـه *** وعموده على العشرين حنـا خرطنـاه

لاقـام بنزينـه تشخـتـر سِواقـيـه **** الكلبليـتـر أزمــع أمـــره وودّاه

وعلـى المكينـه والبساتـم يـودّيـه **** وحمر التوانـك جمّهـا مـا ذخرنـاه

يـا دوب تحتـرّ البساتـم وتـوذيـه**** طشّ الرديتـر غترتـه وألحقـه مـاه

كـن لـون بنزينـه بصفّايـةٍ فـيـه **** أحمر شفايف عضّـه الزيـن بشْفـاه

وكن لون زيته يوم تكشـف معاريـه ** ذهب جواهرجي علـى الكـف راعـاه

وقـزوز بالشكمـان رجليـه وايديـه **** بمكينـة(ٍ بالخـام الاسـود) مغـطّـاه

ونـوع الكرونـه رقـم 7 بطـاريْـه **** ورقــم 3 احتيـاطـي حفـظـنـاه

وتروسهـا حجـم 4 يــا مقـدّيْـه **** مثل القـلاده فـوق صـدر الخونـداه

مثـل المسـدّس يبرمـه مـن يعبّيـه **** أبو محالـه لا وطـا التـرس ماطـاه

يفتـرّ سيـر المروحـه مـن تواليـه **** وسيرٍ بـراس الدينمـو قـام يشعـاه

المروحـه هفّـت وضفّـت سوافـيـه **** ذعـذاع غربـيٍّ تقـافـت عشـأيـاه

وسرنـدلٍ حمـر البسـاتـم تلالـيـه **** وعمود تيمن غرهـدن فـي حجأيـاه

صـمّـام بوجـيّـه بـنـارٍ يغـذّيـه **** وتولّـدت شرارتـه وأكمـل اغــذاه

واليـا لــن يعبّيـه **** أبو محالـه لا وطـا التـرس ماطـاه

يفتـرّ سيـر المروحـه مـن تواليـه **** وسيرٍ بـراس الدينمـو قـام يشعـاه

المروحـه هفّـت وضفّـت سوافـيـه **** ذعـذاع غربـيٍّ تقـافـت عشـأيـاه

وسرنـدلٍ حمـر البسـاتـم تلالـيـه **** وعمود تيمن غرهـدن فـي حجأيـاه

صـمّـام بوجـيّـه بـنـارٍ يغـذّيـه **** وتولّـدت شرارتـه وأكمـل اغــذاه

واليـا لـذع فيـه البليتيـن نـاريـه **** كنّـه شـرَر لحّـام فـي بـابٍ اوزاه

ومفتول دفرنسه عـن القـاع حاميـه**** عـن صكّـة القيعـان يدفـع منايـاه

الجمـس كنّـه متّهـم جـاء محاميـه **** دفرنس والقاضـي غـرازٍ بصحـراه

وكبـر المطبّـه مـا يغيّـر هقاويـه **** ومساعداتـه عـن يمينـه ويـسـراه

والاذرعـه عـن ميلـةٍ بـه تواسيـه**** كنْها عضـود مْلاكـمٍ شـرب غرشـاه

وان شال حمـلٍ مـا يكثلكفر لا جيـت بالوصـف ابدّيـه ** حبْ خالٍ ب (سندي كروفـرد) شفنـاه

ولا لـه شبيـهٍ فـي نعومـة تمثنيـةالا **** (نعومـي كامبـل) لْمـن تمثـنـاه

وكن نقشة جنوط الكفر فـي محانيـه **** سجّـاد شيـرازيّـةٍ فــي مـصـلاّه

وصقلة قزازه يـوم أردّ النظـر فيـه**** من وجنة (كلـودا الشمالـي) حلايـاه

ولون المرايـه مـن يراعيـه يلهيـه **** من خلقته كن أطـرق العـود يجـلاه

ولو هي بهـا للعيـن فتنـه وتمويـه **** بها تشوف اخريـم الابـره ومنشـاه
أ
صفى مـن اللولـو بمحّـار شاطيـه **** مـعْ واحـدٍ فـي مبـرم السلـك دلاّه

وبغمزة (سميره بنت توفيـق) أحلّيـه *** لا أعطـى الاشـاره والمواتـر تقفّـاه
...............................................................................[/[/size]color]

[align=center][size=5]الغالي

بن مكرز

صح لسانك وعلى شانك

بيض الله وجهك

لاعدمناك

دمت بتميزك[/size][/align]

هلا والله وغلا

ووجهك وانا خوك

يامال الثانكس علي المرور

قالوا البيم قلت البيم للسلاطين ....... الوا الشبح القار قلت حلاياه


ماشقح قلت الشبح خاطره شين ...... لغاب مس بطن العرق يوما ولاجاه


قالوا الهمر قلت الهمر للشياطين ........ لكن لا جا السهل كلا تعداه


والشاص قلت الشاص جافيه عيبين ...... فيه الشخر ضيق ولجة زواياه


والجمس قلت الجمس مافيه ثنتين ....... منجا يعدرب فيه لاتسع احكاه


اربع ميه حجم المكينه وخمسين ....... كمل صفاته صانعه يوم سواه


في البر عند الحر في العسر والين ...... في البرد عند الطرد تعرف سواياه


قلته لأنه فيه من داعج العين ........ عدة مزايا واول الوصف ممشاه


حتى الرفارف شابهت مردف الزين ...... والبويه الي شابهت مبسم اشفاه


واليوم انا خلي اناديه بسمين ........ البهبهاني واسمه الي عرفناه0

قم يانديبي فوق جمس مصمم ..... بالكمبيوتر ماتجيبه وكاله


تصميم عام الفين للحين ماتم ..... لكن هذا عينه جالحاله


اهدوه لكلنتن وقام يتبسم ........ وقال ارسلوه لنور دار العداله


وجابوه هديه لزعيم المعظـم ...... فهد زعيم العرب وافي الجماله


وجاني خبره ورحت عجلٍ ومهتم ...... لقصر من كل العرب في ظلاله


وجيت الوزير وقلت له لو تكرم ....... ودي اشوف الجمس واوصف جماله


وقال العفو نستاذن اللي له العلم ...... يرجع وشوره دايم في دلاله


عبدالعزيز ابن الفهد جالي الهم ...... المستشار اللي يشرف مجاله


ودخلت انا ويا الوزير المخضرم ..... في مجلس رحب تخالف دلاله


وجيته وهو جالس ووقف وسلم ..... ورحب واذن لي باني اجلس اقباله


وابديت له سر على الناس يكتم ..... وقال الذي تبغيه سهل مناله


ودعى الوزير وبذن ابا الخيل تم تم ..... وفيني يركز نضرته بالعماله


وفهمت وشهو قال ياجعل يسلم ...... عطاني اللي مايعين بداله


يعطي العطى من للمعالي بسلم ..... يرقى السنود وعزته راس ماله


واقفيت باللي من نضرله تالم ....... حتى هل المرسدس عدوه عاله


ولحق بشره من كشخ فوق بي ام ....... صابه اجفال وعاف غالي حلاله


وتعالموا به كل كافر ومسلم ........ وكلن شغل بالجمس فكره وباله


وجاني الجميح وقالي بس قل كم ...... مليون كاش ومثلها لك حواله


قلت الذهب هذا عن البيع حرم ...... وبـهديه للي يمدحه من عناله


وناديت من ربعي غلام تعلم ....... على عبور الحد وقت الجهاله


ثم قلت ياصبي الصمايل تولم ..... على الذي ماجاءلنا بالسهاله


جمس يهوم المدح ويحارب الذم ...... امهجن يحيي القلوب اشتغاله


امه ترايستار وابوه جي ام ....... واكثر اطبوعة من طبايع خواله


امصممينه للفضاء قبل يفطم ....... ويوم افطموه فقالت القاع انا له


كن حس سلفه لا غرسته ورنم ....... ضحكت صغيرٍ يدرج وسط صاله


وونت اسيوره صوت عودٍ تـهشم ..... يوم اقفو الغازين باغلى حلاله


واليا اشتغل كن في قزوزه مترجم ...... يحكي فرنسي عن ظروف البطاله


لاكن شكامينه اليا من ترازم ....... ايدين سباح هوا من سقاله


ماكينته كنها ابريق ملغم..... فوقيه احمر والبلاء في الحثاله


لجة الحي الغوج لامنه لجم ....... في حس كبوته ليا غط جاله


شبكه يشادي رشرش فوق محزم ......على كما التفاح من تحت شاله


لاكن امراياته اايا اقفى موشم ........ اذني ريم ذيرته الثعاله


شنابر اجنوطه احجول بمعصم....... سودا تهيض بالطبل كل داله


ورفارفه كنها اركوح المقطم ...... وكن القزاز البرق لنشت اخياله


ومساحتينه حجة الي تلثم ........ خشف على العاشق عسير وصاله


سيته يظم الي على طارته ضم ..... ام تضم اوليدها من دلاله


كنها احتوت في حضنها هند رستم ..... او بنت صدقي قمت الفن هاله


وكنه مع القاع هرش تهندم ...... هرش مع الغفران تومي حباله


مقدمه لا مااقفى يخم الشمع خم.... لا بالذي صممه ماوسع خياله


يشدي لسكران يلاغي ويحشم ...... وإلا لعود مزعلينه عياله


ساعة تشوفه تحسب انك تحلم .... لا بالذي صممه ماوسع خياله


عليه يالمندوب باليل الاضلم ......اسر وعسى التوفيق لذيب فاله


لذ من ورى المطنون غرب ويمم...... غرب الجنوب ومن صدف لا تساله


تلقى محمد كنه البحر ابو جم...... مالله خلقه الا لدرب الشكاله


ثقيل كنه طويق لامنه تكلم ....... تشفق لا قاطع هرجته بالبياله


لا جيت ابو عليا ورحب فقل سم ......عطه السويك وماحتوته الرس

ياهل الونيت اللي على مدقمه ميم...... نقل الرياض الخط ماتوصلونه


صناعتة مخطين ملة ابراهيم ........ .حمران روم لونهم مثل لونه


مارهموا له بالكراجات ترهيم ....... ولا طلعو كبريترة ينفخونه


والله لو امسك طارته يالمغانيم.......ماعاد اقلد دولة يصنعونه







هذي وحده من قصائد (متنبي عتيبه) بندر بن سرور الله يرحمه والمعروف

انه اكثر قصايده كانت في الفرت ( الفرد)

[align=center][size=6]الغالي



صح لسانك [/size][/align]

صح بدنك وصح بدن الشعار اللي قالوها


حياك الله

ياراكبن اللي شعار الجمس رمزن له... جمسن رجل سايقه ماهو يدانيها

جمسن اليا حافه السواق مامله.... واليا بدا بالمسافه تقل يطويها

فوقه عتيبي يعرف الدرب ويدله... مناطق الصنف والصمان محصيها

قطع الفيافي هوا باله وطبع له..... دار يجيها صباح ودار يمسيها

معه الرساله ورشاشه صديقن له....ولوازم الدرب فوق الجمس شاريها

ياركب اللي جاهزن للمطاريش....جمسن حمر كم طرشة قد طرشها

عليه سواق عيونه مغاطيش....شايب ومبطي في عيونه غطشها

يمشي من الحوطه بوقت المغابيش...وعبا من اطرف شيشه من شيشها

وعدل رفارف موتره بالشواكيش....وتله على الخط الشمالي جمشها

واليا ترادى جريها قال ذا ليش..... دبل لها ثم بالثلاثه نعشها

واليا ذكر له مركزن فيه تفتيش....خريت كم من غبشةً قد غبشها

مجرب مسرى الغداري مع الحيش...ولو داس له بيضة حمره مافقشها