من روائع السديري .......
 

حلمت حلم ٍ إنك بجنبي وتبكين

وأمسح دموع عيونك اللي تهله

خيال حلمٍ تجذبه دمعة العين

مع غفلة رموش العيون المظلة

حبك حرمني من جميع المزايين

وحبـك مكفيني عن البلد كلــه

وياما سهرت الليل والناس ممسين

ويشهد سهري نجومٍ مطلــــة

وياما سهرت أيام وشهور وسنين

برجاك ياراعي العيون المظلة

أبا أوصف لك قبري كان ودك تزورين

وصفٍ ليا بغيتــــه تـــدلـــــــــه

بأرض الشمال وقبلة القبر رجمين

الأيسر منهن يلحق القبر ظله

إن كان ودك فوق قبري توطيـــــن

قبرٍ وطيته بالقدم جايزٍ لـــــــــه

وإن كان ودك فوق قبري تصليــن

إليا سجدتي خلي الراس فله

أشم طيبه مثل ريح البساتيــن

وقلب كلاه الدود ريحك يبلــــــه

وإختامها إكتب على القبر حرفين

مرحوم يالي صاحبه ما حصلـه

الرويسية

اعتقد فيه خطأ في الكتابة أو في النقل

على العموم ما قصرتي وبارك الله فيك



تحيتي لكِ