منتديات عتيبه - ابن صقيه التميمي

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
كم واحدن للجود بلهرج ملاك ... يضيع صيده في مكتم عجاجه

عيبن ترجم بلحجر من تعلاك ... و نتا تعرفن سور بيتك زجاجه

ماضحكك في تالي الوقت بكاك ... كم مركبن خانه على الطول ساجه

يا للي حياتك ناقلن داك برداك ... جرحن يجيدك مايفيدك اعلاجه

الى جفاك اقرب قريب او تناساك ... فالبيد للمجفي او ساعن افجاجه

لا صا عيب الدوح بصله فلياك ... تسعى بتعديله يزيد انعواجه

ماخبرت الحرمل وخذ منه مسواك ... اولاقد جني حلو الثمر من حباجه

عليك بالعيلم الى جت ضماياك ... ترزم كما سوقن يلجك حراجه

تشرب ابكفك منه ماتحدر ادلاك ... هداج يعجب من يراه انزعاجه

عليم ارجالن لاتكلمت ناباك ... من زعفران او دهن عودن نتاجه

حلحيل ينقل صالباتك او عواجك ... مع ذا مزاجك يتفق مع مزاجه

ينفعك لاحدوك ضدك على اقصاك ... و ان باربك من بار لبسك تاجه

لو زعلك غيره لزومن ترضاك ... من خلقته ماجا دروب العواجه

لاغبت يومن عن محله تباطاك ... ون جيت عنن له يزيد انبهاجه

وان صرت مهمومن عن الهم سلاك ... ماينعقد لبطيت عنده احجاجه

ماهوب لاهذا و لاذا و لاذاك ... اللي يحطونك بللسن اعلاجه

ترى الردي يرديك لومن دناياك ... مالك بعرف مجرح العرض حاجه [/poem]
الشاعر الكبير / عبدالله بن صقيه التميمي