منتديات عتيبه - من وين اببدا !!!

[poem=font="Simplified Arabic,5,black,bold,italic" bkcolor="transparent" bkimage="../backgrounds/27.gif" border="groove,4,gray" type=2 line=0 align=center use=ex num="0,black"]
اهداء الى الشيخ مرزوق بن لفاء الذيابي

من وين ابا ابدى واكتب الشعر من وين = وانا اسمع الليله بصدري قنيبه
قنيـــب ذيـــب ٍ في علـــو الضـلاعيــن = لـج الجـبــل واهـتـز مـن صـوت ذيـبه
كنـــــه يــقـول الليـلــه الليــــل ليـــــلين = وكـــنـي اقــول الــلي تجـيــبه تجـيـبه
وبدعــــت طـــاروقـــه وغنيــــت بيتيـن = وانـــا خـصـيــم الـقــاف وانــا طلـيـبه
والشعــــر سيـف ٍ فالمـواقــف بــحــدين = ومــا يـنـعـديـــبه فـالـطــلــب يـنبديــبه
ويــازيــن نظــمـــه فالـرجـال المديحـين = الــلي يحــلـون الامــــور الصـعـيـــبه
هـذاك ابــو خــالـــد على العسـر واللـين = ريـف الضـيوف وعـون مـن يلتجـيــبه
مكـــرم ضيـــوف الله ليـاجـــوه ناصـين = وعـنــد الـعـرب لــه مـقــدريـه وهيـبه
كـــرم وحســـن اخـــلاق والاول الديــن = ويــاطـيـب من مبني عـلى الـدين طيبه
ان مـــــر ذكـــره قـالــوا النـاس نعمـين = من شبـتـه لــين اصـبـح الــيـوم شـيـبه
اخـــو حنـيـــف ونـــعـــم والله ملايـــين = بـحنـيــف واخــوانــه ومــن يعتــزيــبه
رفيـــقي الــوافي طــليــق الحـجـاجــين = عـــز الـقـريـب الـيــا اعـتزابـه قـريـبه
وقت الطلب يـفـزع ووقــفــاتـه اتــبــين = ولا يلــحــق الـــمقــفي بـنـمــه وغـيـبه
لـه فـزعــة ٍ تسـتر مــن طيـبـها الـعـين = ولــه وقــفـــة ٍ عـنــدي تـعــادل كـتـيـبه
وعـندي عـلى قــولي شــهــود وبراهين = وهــذي تــــرى مـاهـي علـيــهم غريـبه
امـوثـــقـه بــالـفـعـل بـشــهـود عــدلين = مــن حـــرب والا مــن قـبــايـل عتـيــبه
مـن روس قـوم ٍ فـالمـواقـف شجـيـعـين = تـاريخـهـــم مـافـيــــه شـكـــه وريــــبـه
الاد ذايــــــب طـيــــبــين الـقــوانـــين = ضـــد الحــريــب الـلـي يعـادي حـريـبه
وربــعـي ذوي زراق لــطـم المـعـاديـن = وزبـن الـدخـيـل عـن السـنـين العصيــبه
عـدونــــــا نـســقـيــه مــر الامـــريــن = بــالــلــي مـضـاربــها الـعـظـام الصليبه
وخـــويــنـا نـبــقا مــعـــه دوم وافـــين = ونـبـــشــره بــالـنــصــر عـقــب الغليبه
وفي رايـنا نـشـبـه صـفـوف المـصلـين = وعــن فـعـلـنــا لاجـيــــالـنـا يـنـحـكـيـبه
وان جـا اخـتـلاف وعـود الراي رايـين = نـاقــــف لـصـكـــات الـزمــان الرهيــبه
يــشهــد لـنـا الـتـاريخ والـنـاس دارين = انــا طـبـيــــب الــلـــي يـــدور طبـيــــبه
وانــا ولــــد شــيـخ ٍ يـعـدل المــوازين = يـــــوم ٍ ولـــــد الــــلاش مــايــنـــدريــبه
شــيــخ ٍ رقــا لـلـمـجـد والمـعرفه لـين = وصــــل بــفــعــلـه لـلـنـــجـوم الرقيـــبه
بــنـا لـنـــا مجـد ٍ مـثـل ســور بــرلـين = ومـثـبــتـه مـابــــين مـــكــــه وطـيــــــبه
واكــبر دلـيـل انـــا مــابـين الحـرمــين = نـنـــعـم بـأمـــن وســط الـبــلاد الحبيـــبه
وخـتــامـهـا قـولـوا مـعـي قـولـوا آمـين = انـــه عـــلــى مــاقـــدم ألـنــــا يـثـيــــبـه[/poem]