محاوره بين الشبح حبيب العازمي وفيصل الرياحي
 

السلام عليكم ورحمة الله وبركاتة

هذي محاوره جمعت شعارين محاوره من الوزن الثقيل

وهما فيصل الرياحي و حبيب العازمي

واليكم المحاوره




فــيــصـــل الــريــاحـــي



سلام ياهل الديـار اللـي عليهـا سـلام :: حامينها أهل السيوف الحـدب حامينهـا
الليلـه الملعبـه ماتعـتـرف بالنـظـام:: وليا حضرنـا تبـى ترجـح موازينهـا



حــبــيـــب الــعــازمـــي

يامرحبا يارجال(ن) من ديـار(ن) كـلام:: يازينهـا فـي ليـال الصيـف يازينهـا
الليلـه الملعبـه تحتـاج ربـط الحـزام:: وليـا وقفنـا نبـى نخـزي شياطينهـا



فــيــصـــل الــريــاحـــي

اليا خلطت السوالف من حـلال وحـرام::لكلمـه الثانـيـه عـنـدي براهينـهـا
ياحبيب اليوم خلك شعرة(ن) فـي سنـام:: والبـدو تلقـاك لاشــدت بعارينـهـا



حــبــيـــب الــعــازمـــي

أن جنبت في اللحم وأن وافقت في العضام::والكلمـه الثانيـه تاصلـك فـي حينهـا
ماني بشعره أناخصمـك قطـوع العـرام:: وان زاد جن البقـوم أحشـر مجانينهـا



فــيــصـــل الــريــاحـــي

أن وقعت في الصخر وان وقعت في العدام::حنا سيـوف المعـارك وأنـت سكينهـا
الله ربـي وربـك يامـطـوع جـهـام:: تسجد علـى الأرض لاثـارت براكينهـا



حــبــيـــب الــعــازمـــي

لو مامعي غير سكيـن ومطـرق بشـام::أخذ سيوف أكثر البقمـى مـن يدينهـا
الله رب الجميـع وصاحـبـي مـايـلام:: هجـت ذلولـه تلـوى فـي كراعينهـا


فــيــصـــل الــريــاحـــي

كم عالم(ن) يحلمون ويشمتـون الحـلام:: مـاردك عـن البقـوم ألا سلاطينـهـا
ترا هذيك الهنـوف أم الذهـب والزمـام:: ماعدك ألا قذاة(ن) فـي طـرف عينهـا



حــبــيـــب الــعــازمـــي

وين السلاطين يوم(ن) الشجـاري خيـام::هي بيـض مـن طبعهـا ولا مكسينهـا
وأنته بعد في حدا الخديـن دقـت وشـام::لله يعينـك عـلـى الأيــام ويعينـهـا



فــيــصـــل الــريــاحـــي

شهد لنا بخيت يوم الهوش تحت العسـام::ماهـي بكذبـه مـع العبلـه مسوينهـا
عاملتهـا بالوفـا والطيـب والأحتـرام::وأنته تجمـع علـى الخبـزه وراعينهـا



حــبــيـــب الــعــازمـــي

شهـادة طيبـه لاهـل الهـوا والغـرام::قصيدتـن كـل خـلـق الله مغنينـهـا
ياصحابنا لايزيـد الطـق فـوق اللحـام::أنـتـم مغدينـهـا حـنـا معشينـهـا



فــيــصـــل الــريــاحـــي

أنتم كما الزرع ياعتيبه وحنـا الصـرام::لأرض مـاعـاد تحمـاكـم ميادينـهـا
ياشاعرن في الملاعب لبسـوك الوسـام::ضيعت في الليـل عشرتهـا وعشرينهـا



حــبــيـــب الــعــازمـــي

كلمتك هـذي ماتنقـص للنشامـا مقـام:: ياللـي تهـدد عتيبـه وينـك ووينهـا
يالشاعر اللي نبتلك مثـل ريـش النعـام::ماصالـحـن للبـقـوم ألا دكاكيـنـهـا



فــيــصـــل الــريــاحـــي

ندخل على الله ترانـا مانسـب الكـرام::أقوللـي سالـفـه مـاهـم بناسينـهـا
من يوم ركبت طوقن مثل طـوق الحمـام::حتى أم ضرفين جادينـك علـى دينهـا



حــبــيـــب الــعــازمـــي

السـب مالـه مجـال ولايفـك الزحـام::وأن جبتلـك سالفـه ميعـادك دوينهـا
مايختلف هالرياحـي منتفـخ كـل عـام::كـن أم ضرفيـن غاذيتـه بضرفينـهـا



فــيــصـــل الــريــاحـــي

مزكـوم ياصاحبـي واعديتنـي بالزكـام::دينـت بنـت الحـلال ولا قضـا دينهـا
سبحان من حط جسمك مثل عود الثمـام:: كنـك مـن أفريقيـا وأحـد مساكينهـا



حــبــيـــب الــعــازمـــي

خلـه لعلـه عساكـم كلـكـم للهيــام::العافيـه صــح منـتـم مستحقينـهـا
وزن الخشب طن ولا الماس كيلو جـرام::حمـر الفلسطيـن نكبتهـا فلسطينـهـا


[size=9][font=Comic Sans MS]مع تحــيـاتـــي:عنــــاد الثعلـــــي[/font][/size]

مشكور على النقل
و صح لسان الشاعرين

مشكور ياعناد على نقل هذه المحاوره للشاعرين الكبيرين
تحياتي لك

[color=#000000][size=4]محاوره رائعه ..

بين عمالقه من شعراء المحاوره ..


ولاهنت على النقل يأخ [color=#FF0000]عناد[/color]..[/size][/color]

اشكرك اخوي عناد على هذه المحاوره

«®°·.¸.•°°·.¸¸.•°°·.¸.•°®»][®][^][®][[size=5][font=Arial Narrow]السلام عليكم ورحمة الله وبركاته
هاذي محاوره ممتعه
بين اكبر شعار المملكه[/font][/size]][®][^][®][«®°·.¸.•°°·.¸¸.•°°·.¸.•°®»