ياذيب
 

أون من كثر الهواجيس يـا ذيـب
واصبر عليها كن ماشـي جرالـي
أشكي على اللي يعلم السر والغيب
الواحـد اللـي عالـم كـل حالـي
الرزق عنده يوم شحو الاصاحيـب
تشاورو ما منهـم اللـي عنالـي
تشـاور وكـلٍ يعلـم الاقـاريـب
واللـي بعيـد ماوصلـة المجالـي
مالي على الاجواد فرضه وترتيـب
لكن تلحـق شرهتـي كـل غالـي
قصدي خبر مابي عطاهم من الجيب
شحو ويعطينـي عظيـم الجلالـي
اخذ الخبر ياذيب واخذ التجاريـب
واخذ المثل من ماضيـات الليالـي
العذر مايقـراك عنـد المعازيـب
وبعض التجاير مالها روس مالـي
القيض جانـا والعشايـر ملاهيـب
والجلب مابه جلب والحـب غالـي
الجاه قصر عند راعي المواجيـب
والناس راحو في الريا والخيالـي
[size=9]الشاعر / سعد سعود بن ثقل آل سمره الأكلبي[/size]

مشكور يااخ رائد على حسن الاختيار وصح السان شاعرها
وتم تنسيق القصيدة بمنسق الشعر
تحياتي

مشكور على الرد