منتديات عتيبه - محاوره بين الشاعرين /عبدالله المسعودي ( و ) مستور العصيمي٠

[align=center][size=5][color=#0000FF]محاوره بين الشاعرين /عبدالله المسعودي ( و )
مستور العصيمي٠
@@@
{ العصيمي }
سلامي على الضيفان وامكمل الماجوب
تماثيل من بالي كما السكر الحالي
=
ولا ياهوى بالي وياغاية المطلوب
هبطنا لسوق البيع واندور الغالي
{المسعودي}
هلا مرحبا مافيك عيب ولا عذروب
شهور وسنين اطوال وأيام وليالي
=
ليا اوعدت لا تطلع مواعيد ابو عرقوب
يسولف بها الاول على حضرة
التالي
{العصيمي}
ولا يابنادم كيف تهرب من المكتوب
مع الناس والا تنحر المخرم الخالي
=
واحد جالها راضي واحد جالها
مغصوب
وهذاي مكاتيب من الواحد الوالي
{المسعودي}
يبى يتعب الطرقي ويلصق علاه الثوب
وهو مالقي في ديرة القطع نزالي
=
عيال الهنود الحمر قبايل وشعوب
يدشون سوق البيع رجلي وخيالي
{العصيمي}
ليا زل بك راس القدم لحقه العرقوب
وحمس على بالك وخمس على بالي
=
حبال السواني كيف تطلع بغار اغروب
تجي فاضيه وتروح والجم زلالي
{المسعودي}
اباعر جهينه غاديه في ديار احروب
بلاها الزمان وراحت اشكال والواني
=
الا واحلاوه فوق راس اللسان اتذوب
ومن لا يعرف المر مايعرف الحالي
{العصيمي}
علا جرت السارق لقينا الغصن مسحوب
وضاعت علينا جرته في اشهب الالي
=
بغيته يحج ويطلب المغفره ويتوب
يكب المحايل والحيل والتحيالي
{المسعودي}
والا يالعميل اللي من اصحابنا
مصحوب
اداري علاه وحبته وسط مكيالي
&& && &&
انتهت المحاوره،،،،،،[/color][/size][/align]