منتديات عتيبه - المنطق المعسول

[poem=font="Simplified Arabic,4,white,normal,normal" bkcolor="transparent" bkimage="backgrounds/38.gif" border="groove,4,gray" type=2 line=0 align=center use=ex num="0,black"]
انا ماذبحنـي غيـر صدتـك يالمجمـول
ولاسم حالـي غيـر وقـتِ تنحـى بـك
انا اجرها ونة علـى الجيـد والا اللـول
عسى ماطرقني يااتلع الجيـد ماصابـك؟
تصدق يابو رمـشِ ثنـاه النعـاس أقـول
ليا مرني طيف الغلا..عاش مـن جابـك
أصوخ على طاريك من خاطـرِ مشغـول
أبيـع الوناسـة وأشـري الهـم بغيابـك
أنا كيف ابا أسلى عنك يالمنطق المعسـول
وانـا ملتبسنـي طيفـك ملابـس ثيابـك
شرعت بحمى قلبي واخذته بعرض وطول
على مفـرش الغاليـن رحـب وهلابـك
الا ياصباح الـورد الاياشقـر المجـدول
ترى وجهي الشاحب من السهد باسبابـك
متى تمطر الغيمة على صادي الغرمـول
وكفـي وكفـك فالزمـن يـوم تتشابـك
وأسولف معك عن قصة الهايـم المتلـول
وابل العروق الذابلة شـوق واهنـى بـك
وابين محنةخاطـر ماتـرك ( يحـول )
وأجاوبك عن حالي ليا قلت ..وش صابك
واقول انت ياغض الصبا الجاني المسؤول
تمثنيت صـدري ليـن طفيـت مشهابـك
الا عـادك الله ياليالـي شهـر أيـلـول
ترى من جميلك شوف قافي تغنـى بـك
وســـلامـــتـــكــــم،،،،،،،
[/poem]