/// ((( حـبــس المشــــاعــر ))) ///
 

[align=center][size=5]بسم الله الرحمن الرحيم

أعزائي متواضعه تبحث عن موطئ قدم بين إبداعاتكم [/size]:[/align]

[poem=font="Simplified Arabic,6,black,bold,normal" bkcolor="transparent" bkimage="../backgrounds/15.gif" border="double,4,gray" type=2 line=0 align=center use=ex num="0,black"]
كثر حبس المشـاعر ثـور بقـلب الشقي بركان = وهتك ستر الضماير لين بين كل خـافيهـا
وكشـف سـر(ن) طـويته في ثـنايا دفتر الكتمان =علـيـه الله وكـبر نيـتـه نفـسي يعنيها
ونقض جـرح(ن) قـديم(ن) ساكن(ن) في غبة الـوجدان =وفتح للهـم درب(ن) زاد في نفـسي بلاويهـا
اداري واكتم الـعبره واسـوق النفس للنسيان =اداوي جـرحي بنـفسي وتجرحني واداويها
ومل الصبر من صبري ومـال الـكيل بالمـيزان =وعصتني دمعة(ن) ياطـول ماحـاولت اداريهـا
على اوتـار الحـزن قـلب المعنا يعزف الالحان = ولا غـيره يـرددها ولاغـيره بغـنـيهـا
ينام السـالي بليـله وطـرفي باكـي(ن) سـهران =وتـغيـب نجوم ونجوم(ن) معي تسهر واناجيها
عرفت اشكال مختلفه من اهمومي عرفت الـوان =ينادي قلبي اهمومه وتتبع صـوت داعـيها
وسارت خطوتي بارض الوهم تايـه بلا عـنوان = وسفينة حظـي العـاثر نست وجهة موانيها
ونشف غصن الهوا وانتل عرقه واحترق عطشان =وماتت لحظة الفرحه قـبل تكـمل لياليهـا
وذبـل ورد الـغرام اللي سقاه من الجفا هتان =قصيدة حـبي الـعذرا رثتني قبـل انا ارثيها
وصارت قصة العاشق تردد فـوق كل لـسان =كتـبت فصولهـا بـدمي وبدموعي ابا ارويها
ادير الفكر في حالي ويرجـع عاجـز(ن) حـيران =عجزت اميـز احـوالي من اولـها لتـاليها
خلصت من الهوى توبـه قفلت بـوجهه البيبان =وابنزع صفحتي من دفتـر العشاق واطـويها
وابنسى كل ماجـاني وابـنسى كل شي(ن) كـان =عسى رجلي عن دروب الشقا تقصر خطاويها[/poem][align=center][size=5]وسلامتكم .[/size][/align]

صح السانك يالفهري قصيدة رائعه
تحياتي

وذبل ورد الغرام اللـي سقـاه مـن الجفـا هتـان
قصيدة حبـي العـذرا رثتنـي قبـل انـا ارثيهـا
وصارت قصة العاشـق تـردد فـوق كـل لسـان
كتبـت فصولهـا بدمـي وبدموعـي ابـا ارويهـا



صح السانك قصيدة رائعه

صح السانك يالفهري قصيدة رائعه
تحياتي

شاعرنا

الفهري


لاهنت ...قصيده رائعه...ونص مميز...



وتقبل تحياتي ...

[align=center]يعطيك العافيه

صح السااااااااااااااانك

ولاهنت على القصيده , الرائعه




تحياتي[/align]

الشاعر الفهري


القدير



صح لسانك

دائما مبددددع


كعادتك

ودي وتقديري

[QUOTE=إبن ثعلي;297316]صح السانك يالفهري قصيدة رائعه
تحياتي[/QUOTE]


[align=center][size=5]الغالي إبن ثعلي

صح بدنك

بيض الله وجهك على المرور والرد المشرف .

لك خالص تحياتي[/size][/align]

صـــــــــــح لســـــــــــانك

[color=#000000][align=center][B][size=5][font=Arial Black]الشــاعر المبـدع / الفهــري

قصيـده رائــعه

صح لســانك والله لايهينــك والله يبيـّض وجهــك

تقبــّل تحيـّاتي ومتـآبعتي ..


أخــوك ..[/font][/size][/B][/align][/color]