الــــــــــــــــــــدرب
 

[poem=font="Simplified Arabic,6,darkred,bold,normal" bkcolor="transparent" bkimage="../backgrounds/1.gif" border="double,4,darkred" type=2 line=0 align=center use=ex num="0,black"]
ياطويل البال طال الـدرب طـال= والرجا حبله بـلا يـاسٍ طويـل
طف نار البعد ياخـي بالوصـال= وخل عنك مجامل الوقت البخيـل
الزمن ما يستحي وان مال مـال= يتعبك مابيـن يـوم وبيـن ليـل
يرتكي لـك بالخفيفـه والثقـال= وينهك متونـك بحملـه ياثقيـل
ويقصر خطاك الطويلـه بالعقـال= لين تصبح بين حيف وبين ميـل
إن بغيت الصلح مالك به مجـال= وكان حبك منطحن وفـاك كيـل
شف من اسبابه غدت هالحال حال= وش ذبحني كود هالحظ الهزيـل
بس اجامـل واتحـلا بالخصـال= الخصـال الطيبـه ذخـرٍ جميـل
ومن نشدني قلت حالي عال عال= من كثير النـاس يكفينـي قليـل
وفوق هذا ماسلمت مـن الجـدال= الحواسد ما تخلـي لـك سبيـل
مايخلا منسـدح ياابـن الحـلال= المشاكل خيلها تصهـل صهيـل
لو تصافـح باليميـن وبالشمـال= ولو تجامل كل غـادي أو دليـل
والله إن يقال فيـك ومـا يقـال= ووالله إن تسمع يقول وقال قيـل
وتسمع اللي ما طرى لك فيه بال= من خبوشٍ شغلها شـب الفتيـل
ووالله إنـه مايعلـل بالـرجـال= كود طعَان القفا النجـس الذليـل
لاكن أبشر بـه جـوابٍ للسـؤال= وكل زراعٍ يحصـل لـه حصيـل
القدم ياطى علـى ظهـر النعـال= والعقال يشال فوق الراس شيـل
وانت وش لك بالقصيره والطوال= خـل راع الهـم لليـل الطويـل
إرفع الهامـه وهلـل يـا هـلال= والثنـاء لله والشكـر الجـزيـل[/poem]
[size=5][color=#AC5668][align=center][align=center][frame="3 70"]مع تحيات الشاعر/ عبدالله بن عايض الفهري[/align][/align][/color][/size][/frame]

صح لسانك أخوي الشاعر الفهري
مع تحياتي

ووالله إنـه مايعلـل بالـرجـال
كود طعَان القفا النجـس الذليـل
بيت رائع والاروع القصيدة وصح لسانك ولاهنت على المشاركة الممتازة
تحياتي ولاتحرمنا من ابداعك

ابن فانك

[QUOTE=مستر عتيبي;253579]صح لسانك أخوي الشاعر الفهري
مع تحياتي[/QUOTE]


[size=6][color=#00008B]مستر عتيبي

صح بدنك يا الذيب

تحياتتي[/color][/size]

[size=5][color=#FF0000][align=center]الآخ الشاعر الفهري

صح لسانك

قصيدة جزله من شاعر جزل بلاشك

ولاكن كان بودي

إيضاح إسمك الحقيقي تحتها حفظاً لحقوقك

تحياتي[/align][/color][/size]

الشاعر الفهري


صح لسانك

وعلى شانك


احترامي

[align=center][poem=font="Simplified Arabic,6,black,bold,normal" bkcolor="transparent" bkimage="../backgrounds/19.gif" border="ridge,8,darkred" type=2 line=0 align=center use=sp num="0,black"]
لاكن أبشر بـه جـوابٍ للسـؤال=وكل زراعٍ يحصـل لـه حصيـل
القدم ياطى علـى ظهـر النعـال=والعقال يشال فوق الراس شيـل
وانت وش لك بالقصيره والطوال=خـل راع الهـم لليـل الطويـل
إرفع الهامـه وهلـل يـا هـلال=والثنـاء لله والشكـر الجـزيـل [/poem]
[color=#000000]
[size=4]
لله درك ..،

ماأروع وأجزل قصيدتك ..،

القدير ///// الشاعر الفهري

صـــح لسانك مدد بلاعدد

ابدعت لا شلت يدااااااااااااااك ..

دمت بحفظ الله ورعايتهـ ..،

أختك //// الشامخهـ ..، [/size]

[/align] [/color]

[quote=ابن فانك;253628]ووالله إنـه مايعلـل بالـرجـال
كود طعَان القفا النجـس الذليـل
بيت رائع والاروع القصيدة وصح لسانك ولاهنت على المشاركة الممتازة
تحياتي ولاتحرمنا من ابداعك
ابن فانك[/quote]


ابن فاتك

الاروع من هذا وذاك مرورك الكريم ومشاركتك

صح بدنك ولاهنت

[QUOTE=ابن مسلم;254062][size=5][color=#FF0000][align=center]الآخ الشاعر الفهري
صح لسانك
قصيدة جزله من شاعر جزل بلاشك
ولاكن كان بودي
إيضاح إسمك الحقيقي تحتها حفظاً لحقوقك
تحياتي[/align][/color][/size][/QUOTE]

[size=5]
[align=center]ابن مسلم

صح بدنك

اما بالنسبه للإسم الحقيقي فالدعوا بسيطه انت غالي وطلبك رخيص أنا إسمي الحقيقي عبدالله بن عايض الفهري

اشكرك الشكر الجزيل على اهتمامك وتوجيهك

تقبل خالص تحياتي[/align][/size]

[color=#3333FF][size=4][font=Simplified Arabic]الشاعر الفهري صح لسانك[/font][/size][/color]