منتديات عتيبه - سعد بن سبيل وشجاع الأكلبي000صوت وصدى

بسم الله الرحمن الرحيم

هذه قصيدة للأخ الشاعر سعد بن سبيّل

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
مصارع العشّاق لـه جاذبيّـه=وأهل الهوابه بين خذها وذقهـا

كم ليلـة مـرت علينـا هنيـه=حتى شعاع الشمس معنا سرقها

العشق هلـت مزنتـه عقربيّـه=عشّاقـةٍ ماغيرنـا أحدٍعشقهـا

وكم ليلةٍ جنـت علينـا جنيّـه=وشجرة رجاوينا تساقط ورقها

وكان الهوا صحيح شدد طميّـه=حنا خلقنـا الله مثـل ماخلقهـا

لكـن ويـن علومنـا الأوليّـه=مرت هدو عميا وطرما وصقها

يوم النوايا والسوالـف طريّـه=عن هالليلي جل شانـه فرقهـا [/poem]

[color=#FF0000]الـــشـــاعـــر الـــعـــلــــم ســـــعـــــد الــســبـــيّـــل
[/color]

مجاراتـي لـه

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
ابو سبيّل هاض جرحي عليّـه=سبّة هجوسه مع معانيٍ طرقهـا

وكنت أحسبٍ النفس قبله سليّـه=ونفسي مع قلبي تزايـد وفقهـا

وقهوة غرامي بين حرقة ونيّـه=وأريدها نيّه ولا أبغي حرقهـا

ودي أقالبهـا شويّـة شـويّـه=على الجمر حتى يبشش عرقها

وأدقها في نجر يسمـع دويّـه=وأقنن الما لين يُطعـم مرقهـا

وأزلهـا فـي دلـةٍ رسلنـيّـه=وبهارها خلط النشامـا رفقهـا

ويمدها قـرمٍ يخصـم الدعيّـه=اسلوم ربعه والعرب ماخرقهـا

وأحطها من بيـن ذيّـه وذيّـه=وتقنع بهم نفسي ويطفي شفقهـا
[/poem]

ردود الـشـاعــر ســعـــد الـسـبـيّــل

[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
الأكلبي حيّه من القلـب حيّـه=شاعر يبروز كلمته لا نطقهـا

يلحن على الموال والسمسميّـه=والى نوى الصيدة درقها درقها

وليـا لعـب مالعبتـه لولبيّـه=ولا اللزايق من بغاهـا لزقهـا

مابيني وبينـه حـدود محميّـه=انا بصفـه وألحقـه لا لحقهـا

خلا الهجوس بليلـةٍ جرهديّـه=دلوٍ ذباذب من على الما سبقهـا

كانه عطاني فهو راع العطيّـه=ومن لابةٍ تقديرها من عمقهـا

وكانه نصحني حيها منصحيّـه=الأرض ملكه وان عزقها عزقها

ولا الهديّه مـن يـرد الهديّـه=حيه وحي أبياته اللـي طرقهـا

[/poem]
أخــوكــم شــجــاع الأكـلــبــي