منتديات عتيبه - من أروع المحاورات التي لايجيد التقيّد بقافيتها سوى

[color=#000099][size=4]

حــــــبـــــــيـــــــب

مرحباترحيبتٍ مثـل العسـل وأحـلا وحـلاّ
يالضيوف إللي حللتم فالمحل أهـلا وسهـلا

من تعلم في حياتـه ماجهـل حاشـى وكـلاّ
والغشيم إليا كتب لابدمايخطـي فـي الأمـلا

الــــســـــنـــــانـــــي

البقى ياهل الوفـى مثـل الخيـال المستهـلاّ
يارجال إصدورها من موجب الضيفان كمـلا

ياحبيـب دفتـر التعليـم ماهـو مستـحـلاّ
والمثابـر فالزمـن لابـد مايفنـى ويـبـلا

حــــــبـــــــيـــــــب

يامحمد لاتقـول أن الجمـل فالحمـض فـلاّ
يامثنيهـا معقلهـا سـرت مـن دون عقـلا

حضنـا دايـم كبيـر ونجمنـا نجـمٍ تعـلاّ
والمشاكل لاتجمعهـا علـى رأسـك وتبـلا

الــــســـــنـــــانـــــي

ياحبيب لاتقـول الحبـل بيـن يديـك حـلاّ
اليال المظلمه في رأس ابـو عمـار حبـلا

أنت طيب لكن إللي من علـى العالـم تـولاّ
مايعارض في طريقه غيـر مهبـولٍ وخبـلا

حــــــبـــــــيـــــــب

إختلفنـا وإتفقـنـا وإختلفـنـا قـولـوا ألاّ
أنت ياللي تنطق ألا ليـش ماتنطـق بعـد لا

حلـونـا ماينتـمـرر مـرّنـا ماينتـحـلاّ
وإن بغيب الميل ميل ولن بغيت العدل عـدلا

الــــســـــنـــــانـــــي

إتفقتـوا وإختفلتـوا ماطلـع فيكـم مـعـلاّ
واحدٍ منكـم شجيـع وواحـدٍ دعـواه ختـلا

مانبي ننشدك عـن زلـة لسانـك يـوم زلاّ
صبر ولا حنضلة جاء للأسد عشرين شبـلا

حــــــبـــــــيـــــــب

قلت لرجال عـان الـدرب والرجـال ظـلاّ
والمريض يطيب بعد إنه على النيران يصـلا

لونشيع قلـب بـن متـروك شفنـاه يتـدلاّ
مير بن متروك وسط العيص عنها وين يجلا

الــــســـــنـــــانـــــي

أنت رجـالٍ تهـم النـاس والشيـخ يتغـلاّ
إنتهى عشرين فصل وباقيٍ عشريـن فصـلا

لونشيع مخ أبو فيصـل نشـوف إنـه تمـلاّ
مابقي له غير تطعيمه على الماشي ومصـلا

حــــــبـــــــيـــــــب

كيف تجحد وأنت حاضر عصر وعيونك تحلاّ
الله إنه لايبارك فـي هـوى عنتـر وعبـلا

أنت مخك يامحمد نصف معـك ونصـف ولاّ
مالك إلا من يجيبلـك الـدوى مدبـول دبـلا

الــــســـــنـــــانـــــي

مانعـارض مايدبـر ربنـا عـزا وجــلاّ
وأنت ياحبيب معلق فالجمل عشريـن حبـلا

للحكم من وسع صدرك لاتضيـق ولا تمـلاّ
والحقيقه ماتخاطبك العرب مـن دون سبـلا

حــــــبـــــــيـــــــب

وآهني إللي لياحـان الفجـر كبـر وصـلاّ
عقب صارت سالفتكم مالهـا لاأوّل ولاأتـلا [/size][/color]