منتديات عتيبه

منتديات عتيبه (http://www.otaibi.info/vb/index.php)
-   منتدى قصائد الأعضاء (http://www.otaibi.info/vb/forumdisplay.php?f=40)
-   -   يانور عيني ليه عني تخليت (http://www.otaibi.info/vb/showthread.php?t=17967)

ابوجراح المشردي 12-04-2006 09:41 PM

يانور عيني ليه عني تخليت
 
اول مشاركه لي بالمنتدى واتمنى ان تعجبكم

[poem=font="Simplified Arabic,4,black,bold,normal" bkcolor="transparent" bkimage="../backgrounds/1.gif" border="none,4,gray" type=0 line=0 align=center use=ex num="0,black"]
يانور عيني ليه عني تخليت =كبيتني حتى المراسيل ما جات
حرمتني شوفتك يازين وابطيت=لا ابديت لي عذرن ولاابديت حجات
مدري نسيت الوصل والا تناسيت =والا تذكرني بوقتن لنا فات
وبفراقكم ياسهيف الخصر ونيت = وجريت من فرقاك بالصدر ونات
وانت اللذي لاجيت بارضن وطليت = نورك وصل حتى عنان السموات
وعرضت موضوعي على الناس وابديت =كلن درى في ماخفى النفس والذات
ردو علي وعقبها قلت ياليت = ياليتني عشت الهوى معه بسكات
قالو سقيم العقل لن كانك اوحيت =ماهوب ذا درب السنع والكرامات
اذنبت في فعلتك يافلان واخطيت = ماهي لنا سلمن ولاهي بعادات
قلت اسكتو بحبه تراني تعنيت = ولامنكم اللي ذاق بالحب ويلات
والهرج لايكثر ترى عنكم اقفيت = لاتزعجوني بالعذل والملامات
هذا حبيبي ذايع الذكر والصيت = ارجي وصاله لو بعيدين واشتات
وهذا سراج القلب ياناس والبيت = تضيع في وصفه جميع العبارات
اليا انتثر عطره على القلب سجيت = اتقول مرميًا بسهم المنيات
ولااقول انا من طاري الزين مليت = طاريه حيًا في ضميري ولامات
ونا البحر الحب ياناس طبيت =مر الهوى ذقته وذقت المعانات
وعلى شديد الوقت والله تجريت = يشهد عظيم الشان رب البريات
وغيري سبقني من الرجال النعاتيت= هاموا بحب البيض وفرد وجماعات
وصلاة ربي عد من طاف بالبيت = على النبي عد النجوم المطلات[/poem]
[align=center]وسلامتكم [/align][align=center]نوح صقر الروقي العتيبي [/align]

عبدالله المرشدي 12-05-2006 07:53 AM

نوح الروقي


صح لسانك

وعلى شانك

لاهنت

احترامي


جميع الأوقات بتوقيت GMT. الساعة الآن 09:54 PM.

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع المواضيع والتعليقات على الأخبار والردود المطروحة لا تعبّر عن رأي ( منتديات قبيلة عتيبه ) بل تعبّر عن رأي كاتبها