يا راعي الغر العذاب المباهيش
 

[align=center][color=#FF0000]قصيدة للشاعر الكبير عبدالله بن عون [/color][/align]




[color=#0000FF][frame="7 80"]يا راعي الغر العذاب المباهيش
رش الكبود اليابسةعن عطشها

دنق علي وطمن الراس بشويش
واحي العروق الذابلة وانتعشها

حبك ينهش ثومة القلب تنهيش
نهش الحنيش لعرش رجل(ن)نهشها

واهل الهوى في سجن غيك دراويش
وقلوبهم وجلانة(ن)من دهشها

من ذاق من خمرالسوالف بخاشيش
يبطي وروحه معتلقها بلشها

ياعنق ريم(ن)ذار واوحى شوابيش
بدو(ن)طلوع الشمس ذاره وغشها

والعنق عنق الي جسر عقب توحيش
امير بيت للحرار وحشها

جابوه من عين الشمال الهماميش
ابرك لهادي طرشة(ن)قد طرشها

جابوه لمثمن طويل المطاريش
شيخ(ن)قوانين العرب مادغشها

محمد عشير منقضات العكاريش
نجل العيون الي جميل بهشها

لا يابعد ناس(ن)تكبر على ويش
لاشافت الناصي تلوت خششها

لويملكون ارقام الاموال حتيش
در الحمارة دوب يكفي جحشها

وروس الظبا ماذكر فيها عراميش
لوهي على الزيلة اكبار(ن)اشوشها [/frame][/color]

صح لسانك
الله لا يهينك

صح لسانك ولسان ابن عون

السلام عليكم ورحمة الله وبركاته

صح الله لسان الشاعر

وصح الله يمناك على النقل الرائع

صح بدنك أخوي العريدي وتسلم على المرور

صح بدنك أخوي الحصان ولاهنت على المرور

وعليكم السلام ورحمة الله ةبركاته


تسلم أخوي جبل على المرور والله يعطيك العافية

صح لسانك اخوي عبد الرحمن
ولسن الشاعر ابن عون
لاهنت على نقل القصيدة الجزلة

صح لسانك ولسان ابن عون
ولاهنت

صح لسانك اخوي عبدالرحمن النفيعي

وصح لسان الشاعر الكبير عبدالله بن عون

وبيض الله وجهك يا الغالي

على هذا الاختيار الرائع

تحياتي لك ،،،،