يا كندوليزا رايـس بنـت الصياهيـن
 

[frame="7 80"][size=2][color=#FF0000]يا كندوليزا رايـس بنـت الصياهيـن
صباحك الطاعـون.. فـي كـل حـزه

ماقد كفاك اللي حصل .. في فلسطيـن
جيتوا على بيروت .. من بعـد غـزه

اهبو هبيتوا صـدق ... لا يالملاعيـن
جعل الأبر ماتلقى... فيكـم.... مغـزه

تصريحك الفاشل .. بيمشي على مين؟؟
اللـي يـدزك نعـرف اللـي يــدزه

بأسـم السـلام تطبقـون القوانـيـن
وانتم عليها النـار فـي وسـط جـزه

الحكـي دايـم مايـدنـس نزيهـيـن
و الدنـس يبقـى دنـس لـو يتنـزه

ارخصتـم ارواح البشـر والمسلميـن
وهـي لهـا عنـد الله قـدر ومعـزه

ديارنـا تبكـي لـمـوت المصلـيـن
ودياركـم تبكـي لـمـوت.. الأوزه!!

اذا هدفكم فـي ديـار .... الحرميـن
كلن ابريقه ... يغتلي ... فـوق قـزه

حنا الدواء وصعوطكم ... يالمجانيـن
واللي تعدا السيـف ....راسـه يجـزه

حنـا نبيكـم كانكـم صـدق ناويـن
والله مايبقـى بـرج إلــى نـهـزه

يبقى رجانا في سواعـد اهـل الديـن
وحكامنـا فيهـم شمـوخ ٍ وعــزه

ان ماحكينـا ... فالحكـي للنسوايـن
والعاقـل اللـي يفهمـك لـو تخـزه

تصريحنـا واضـح بليـا عنـاويـن
حنـا أملنـا دوم .. تحريـر غــزه

وباقي على الشاعر يقول لـك حرفيـن
كلمـه كتمهـا مـن سنيـن وتحـزه

يا (( كندوليزا رايس )) بنت الصياهين
تف علـى صورتـك فـي كـل حـزه
[/color][/size][/frame]



[align=center]الشـــــــــــاعر: فـــــــالح بن مفـــــــلح الشـــــلوي[/align]

صح لسامك وصح لسان شاعرها

الله يعطيك العافيه

صح لسانك اخوي عبدالرحمن ولسان شاعرها فالح الشلوي
لاهنت يالذيب على النقل الرائع والجزل

مشكور على نقلتها عبدالرحمن

صح لسانك ولسان الشاعرفالح الشلوي ولاهنت على النقل

تحياتي

صـح بدنك اخوي العريدي ولا هنت على المرور

صــح بدنك اخوي مخاوي ولا هنت على المرور

تسلمين على المرور زهرة العتبان

صـح بدنك اخوي محمد وتسلم على مرورك

صح لسانك اخوي عبدالرحمن النفيعي

وصح لسان الشاعر فالح الشلوي

وبيض الله وجهك يا الغالي

على هذا الاختيار الرائع

تحياتي لك ،،،،