قصيدة ونيت البدوو(للشاعر الكبيرضاوي العصيمي)
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياونيت البدو ماشفت انا مثلك ونيت
فارقٍ شكلك ولونك ومشيك بختره
والله اني من لمحتك على الضيحه دريت
ان باللوحات تصدير والسايق ( مره )
وفز لك قلبي على غير عاداته وجيت
جيت حتى دقت المنظره بالمنظره
والتفت ربان طارتك صوبي واعتزيت
عزوت اللي شاف مازاد غيضه وقهره
احسب انه يبتلي بي لكن ابه ابتليت
وكل عرقٍ من عروق الجسد جاب اخبره
وابركت بي للمواجيب عيني وانثنيت
عيب اقول الحمل جاير لوني ما اقدره
لو شربته بالنظر طول عمري مارويت
ولو تعطرته شذا عفت عود المبخره
ولو بسط كفه لكفي تجمّعت وفديت
الخضاب اللي من ابهامه اليا خنصره
من عرفت اشاغب البيض مثله مالقيت
جل من سواه باوصاف طفل وكبره
وجابني له من سعه لين في موجه غديت
اشهد انه يغرق اعتل شنب وسط بحره
قال خير ؟ وقلت طرقي على نارك ضويت
قال حدك لاتعداه والهرج اقصره
قلت انا بنشدك عن شيء لكني نسيت
لا على فكره 00 ضحاياك في كم مقبره ؟
قال عفواً ياغريبٍ تماديت وغويت
المزون المقفيه برقها لاتسبره
وانتحى عني وانا عن هواء الغيد انتحيت
استوى عندي ربيع العذارى ودهره
مستحيل افك قلبي لغيره ماحييت
ومستحيل انساه لحظه على شان اذكره



ضاوي العصيمي[/poem]

صح لسانك يا مستر

صح السانك يامستر عتيبي قصيدة ولااروع منها خصوصا في ابياتها الاخيره
تحياتي

بسم الله ..

صح لسانك ولاهانت يمناك يالغالي ...

[frame="7 80"][color=#FF0000][align=center]الأخ / مستر عتيبي

سلام عليكم ورحمة الله وبركاته وبعد

أخي إسمح لي أن أقول لك أنه من باب الأمانه وحفظ حقوق الناس أن تنسب قصائدهم لهم

وقصيدة ونيت البدو اللتي أوردتها مشكوراً هي للشاعر ضاوي العصيمي وموجوده في ديوانه

الشعري في منتديات النداوي الشعبيه ومنشورة لديهم بتاريخ / 10/11/ 2004وكم تمنيت لوإنك

كتبت تحتها عبارة منقول إذا لم تعرف صاحبها كما فعلت في القصيده اللتي[color=#FF0000] أبكت الفتيات , إلا إذا كنت أنت ضاوي العصيمي . يجب التوضيح[/color]

وأرجوا أن لاتفهمني خطاء فإن ماذكرته لك هوأولآ من باب حفظ حقوق الآخرين وثانياً

خوفاً عليك أن تقع في الأحراج

ودمت سالماً إن شاء الله[/align][/color][/frame]

تسلم اخوي مستر عتيبي على النقل

وتسلم اخوي بن مسلم على التوضيح

وتقبلوا تحيات البرواز

صدقت أخوي ابن مسلم هي قصيدة منقوله
أعجبتني و قلت أضعها هنا في المنتدى

تسلم أخوي مستر عتيبي على النقل الرائع
الله يعطيك العافيه

مستر عتيبي
اولا اشكرك على اختيار قصيدتي ونشرها هنا

لكن بودي وانا اخوك انك نسقتها بشكل افضل وذيلتها باسم صاحبها

لكن انا لا اظن فيك الا الخير

واعتقد ان عدم ذكر اسمي غير مقصود من وراه شي
انا هو من باب السهو

وتقبل تحياتي

مشكور اخوي مستر عتيبي على الطرح الرائع
وتقبل تحياااتي