قصيده اتمنى الرد عليها !!!!
 

البارحه يا روق ما غمض الموق \\\ مدامعي غرقا من عيون برقا

لعبت لي طاروق يا وي طاروق \\\ اسبابه الفرقا مع نوح ورقا

اليا طرا لي الشوق والعنق مفهوق \\\ ونيت من حرقا على يوم مرقا

دنيا تجي برفوق والهم مرفوق \\\ في غربها نرقا والافراح شرقا

ما عاد فيها ذوق يا صاحب النوق \\\ نوسم لها العرقا لو يموت عِرقا

ياما عليها نسوق من غالي السوق \\\ ما ناخذ السرقا لو الروح سرقا

لو كان فيني عوق في كل معلوق \\\ وجباهنا عرقا من الشمس حرقا

يطيب لي الصندوق والطاق مطبوق \\\ بشوفة الطرقا ابو شام زرقا





هذي القصيده لي ارجو التكرم بالرد عليها

والالتزام بقوافي القصيده الاربعه والفكره المبهمه بالقصيده


وشكراً

الصحيح اسمها ابيات وليست قصيده

وإن شاء الاخوان الشعراء راح يردون عليك وما يحتاج توصي بالالتزام بقوافي الابيات

انا ملاحظ انه فيه بيني وبينك عداوه


القصيده = هي مجموعة ابيات

ان الذكرى تنفع المؤمنين



خف علينا شوي ترا حبايب ونفهمك وتفهمنا وحلوين مع بعض

هي ما هي معلقه !!!!!


هي مجرد قصيده !!!!

والله ما اعرفك عشان يصير بيني وبينك عداوه ههههه

يا الظفيري الي نعرفه انها اذا قلت عن عشر تسمى ابيات وما فوق العشر تسمى قصيده
هذا ما تعلمت اذا فيه كلام ثاني عطني الله يعطيك العافيه

ما عليك لا توصي للمره الثانيه بخف عليك بس ارتاح ووسع صدرك هههه

يا ابن الحلال لا تشيل هم مافيه اوسع من صدر الشمالي المقصد كله اننا نبي نضحك مع بعض ونوسع صدورنا عن الرسميات



:)

كما قال الشاعر ناصر القحطاني



والشعر معلقه وأقصيّده \\\ وان شانت الايام مارحنا بعيد



انا اللي متبتها قصيّده ماهي قصيده




(يا اخي جاملني وقول قصيده رفع جوي شوي )


:)

ههههه انت ما قريت مكان الاقامه لعبدالله الحافي هههههه ما فيه اوسع من صدورنا لا تشيل هم هههه

خلاص قصيده واحلا قصيده من احلا ظفيري هههههههههههههههههههههه

بيردون عليك الشعار طول بالك

عاصمه الربيع وين هذي ؟

افااااااااااااااااااااااااااااااااا ما تعرفها وهي فيها من ربعك ما شاء الله تبارك الرحمن