أقل من سنة ...
 

[poem=font="Simplified Arabic,4,black,normal,normal" bkcolor="transparent" bkimage="backgrounds/27.gif" border="solid,2,black" type=0 line=0 align=center use=ex num="0,black"]


بفضفض واكتب القصه ومادام القصيـد شعـور=حكايه واقعـه مـن حـال هالدنيـا ومافيهـا



بداية قصتي طفلـه لهـا بالقصـه احلـى دور=ولا ادري كـم تبلـغ بـس للطفلـه مواريهـا



صباح بيوم ما قابلتها في وسـط ذاك السـور=وكانت ترسل النظـره ولا ادري ويـن تنويهـا



بدايه كنت اقول اللي يصادف بالنظـر معـذور=او ان البنت يمكـن غاويـه والشعـر يغويهـا



ومن مره بعد مـره ومـره والزمـان يـدور=الاقيها بنفـس النظـره اللـي كنـت الاقيهـا



دريت انها تبيني لكـن ابعّـد عـن المحظـور=ابيها تبتعـد عـن عالـم(ن) مليـت احاتيهـا



ومرات التفت عنها وانا فـي صدتـي مجبـور=اخـاف النـاس توصفنـي بشغلـه ماأدانيهـا



وانا طبعي حياوي والحياوي ماعليـه قصـور=سوى انه يعرف الطبخـه ولا يقـدر يسويهـا



وانا ماكنـت عايفهـا ابيهـا للربيـع زهـور=ابي تزرع زهور الحـب فـي قلبـي وتسقيهـا



ولكن للأسف صدت وتحسب صدتـي مغـرور=وانـا والله مـو مغـرور لكـنـي أداريـهـا



أداريها عـن العالـم واجنبهـا كـلام الـزور=واداري نفسـي اول قبـل مانفسـي تداريـهـا



اخاف النـاس توصفنـي اذا كلمتهـا مطيـور=وانا مرضـى تقـول النـاس يتبعهـا ويأذيهـا



اداري عين هالعالم وهـي بعيونهـا جمهـور=وانا مابين نـار اهـل الكـلام ونـار واطيهـا



واطالعها من بعيـد لبعيـد وخافقـي مقهـور=واقول البنـت راحـت يالله تعـوض مهاويهـا



لو ان المشكله كانت قديمه قلت جسـروعبـور=ولكـن البـلا للحيـن اصادفـهـا والاقيـهـا



وزاد الهم بالقلـب وحلفـت لقلبـي المهجـور=وربـي مـا أخليهـا.. وربـي مـا أخليـهـا



وأرد اضحك على نفسي واصبر حالي المعسور=وأردد مـا أخليهـا اليـن أوصـل حراويـهـا



وصار بداخلي حسره وطاحت حسرتي بسطـور=قصيده تكتب القصـه وتشـرح حـال راعيهـا



عساها تستمعها يوم اصير الشاعر المشهـور=وتعرف ماجرالي واتـرك الموضـوع بيديهـا



ويمكن يوم تسمعها تجينـي تجبـر المكسـور=واسمعها القصيده من لسانـي يـوم احاكيهـا



وتطلب ماتبي وابنيلها فـوق الخيـال قصـور=واسلمها خفوقـي يـوم تطلـب بيـن كفيهـا



وهـذا آخـر القصـه بعـد مابيـن المستـور=وبانت حسرتي والعبـره اللـي كنـت أخبيهـا



ثمان شهور هالقصه.. أوأكثر..أي ثمان شهور؟=وانا انطر ويش تاليها ولا ادري ويـش تاليهـا [/poem]

تاليها ان شاء الله الزواج

تقدم بس لاتردد

صح لسانك

لاهنت اخوي فهد بن فهم

والله لايحرمنا ردودك الطيبة

صح السانك ياهواجس قصيدة رائعه
تحياتي

تسلم يابن ثعلي

والله لايحرمنا ردودك الطيبة

صح لسانك اخوي هواجس برقاوي


وبيض الله وجهك يا الغالي


ولا تحرمنا من جديدك


تحياتي لك ،،،،

يسلمك ربي اخوي النايف

ولاتحرمنا ردودك الطيبة

هواجس برقاوي

صح لســانك.قصيده رائعه

تحياتي

هواجس برقاوي


صح لسانك

لاهنت

تحيتي

افتخر اني عتيبي وعبدالله المرشدي

سلمتوا ولاهنتوا ومشكورين على تواصلكم الطيب