*****************لنـــــــــدن*************
 

السلام عليكم ورحمة الله وبركاته

اضع امامكم هذه المتواضع لعلها ترتقي لمستوى ذائقتكم

*ملاحظه هذه القصيده موجوده باسمي الحقيقي في شبكة قحطان للتنويه وليس للدعايه

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الله على لندن مع تالي الصيف=لان جوها بالصيف جون خيالي
يا احمد نبيها لو تزيد المصاريف=لو زودوا في سعر صرف الريالي
لندن تراها ملتقى للمواليف=تجمع من العشاق غالي بغالي
لاتقول لي باريس ولا تقول لي جنيف= لندن تراها غايتي شف بالي
فيها الوليف اللي من العام ما شيف=ماجاتني رساله ولا جاء اتصالي
مدري نساني او حدته الصواديف=ولا مع غيري من الناس سالي
لاتلومني لو صار في الامر تكليف=لو شفتها يا احمد يصيبك هبالي
لبسه دلع ما يلبس الا النفانيف=وبرقع خفيف فوق برقعه شالي
ورموش عينه كنها سلة السيف=والخد كنه البدر ليل الكمالي
وليا ابتسم شفت الثنايا المصافيف=من خلف جمر زاد فيه اشتعالي
دمه عسل يسرق بزين السواليف=في كل شيء له برستيج عالي
يا احمد تراني ما وفيت التواصيف=زينه يفوق الوصف في كل حالي
من اقصى شرورا لين تقبل على طريف=ماشفت منهى فاقته بالجمالي
اصل وفصل ماهي بطرش على السييف=بنت الرجال مكرمين الرجالي
يا احمد وانا خابرك ترقى المشاريف=طيبك كسبته بين عم وخوالي
يا مسندي وقتي ترى شكله مخيف=وانته جملها لااستوى لك مجالي
احجز لنا ثم كتف الهرج تكتيف=واللي نشد لا تجاوبه بالسؤالي
لندن نبيها قبل لا يقضي الصيف=ما يهنا يالقرم صرف الريالي[/poem]

سيف قحطان


صح لسانك



لاهنت

صح لسانك ياسيف القحطاني على هذه القصيد الجزله///// وانا اقول:ــــــ

اقول الله على مكة ياخال ياسيف000 هي ديرة الاسلام من اول وتالي

اخير من دارٍ بها الحمر المشاعيف000 يسوفهن الجلاب بخشم الريالي

سيف قحطان


صح لسانك

قصيده جزله من جزل

الله يعطيك العافيه

[quote=جراح العتيبي]سيف قحطان


صح لسانك



لاهنت[/quote]



ارحب يا جراح


صح بدنك وتشرفت بمرورك

تقبل وافر تحياتي

[quote=بوشامه]صح لسانك ياسيف القحطاني على هذه القصيد الجزله///// وانا اقول:ــــــ

اقول الله على مكة ياخال ياسيف000 هي ديرة الاسلام من اول وتالي

اخير من دارٍ بها الحمر المشاعيف000 يسوفهن الجلاب بخشم الريالي[/quote]


ارحب يا بو شامه تراحيب الحيا

مرورك شرف وتعليقك ناموس

صح بدنك يالوافي

وصح لسانك على هذي البيتين الرائعه

تقبل وافر تحياتي

صح السانك والله يحييك ياسيف قحطان

تحياااااااااااااااااااااااااااااااتي

[quote=فواز الشيباني]سيف قحطان


صح لسانك

قصيده جزله من جزل

الله يعطيك العافيه[/quote]

ارحب يا فواز

صح بدنك

ولا عليك زود يالقرم

تشرفت بمرورك

تقبل وافر تحياتي

سيف قحطان


صح لسانك

وعلى شانك

لاهنت


تحيتي وتقديري

الاخ سيف قحطان

صح الله لسانك

عدد بلا مدد

قصيده وافية

وجزله من

شاعر وافي وجزل

تقبل وافر الإعجاب والتحية

اخوك جبل القحطاني