منتديات عتيبه - احرص على عادة قديمين الاسلاف ......

غازي خشمان الغرابي

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ساقتني القدرة علـى راس مشـراف =

وزادت هواجيسـي بـراس الجذيبـة

وحولت من راس الجبل ضيق وعياف =

يوم ان ركن الشمـس هـف بمغيبـه

ومضيت ليلي بالمغـازي والانكـاف =

بذكـر السنيـن المرمسـه والقريبـة

ولولا القصيد ينشـط القلـب لهـاف =

يمكن يشوفـون العـرب فـي ريبـة

ليا قلت لي بيتين حلـوات ونظـاف =

يجلن عـن النفـس الكـدر والغليبـة

أنا ليا منـي نويـت أبـدع القـاف =

ما مشي على غير السنع ابتـدى بـه

أبصر وابرق فيه من كـل الاطـراف =

وانقـده عـن كـل عـيـب يعيـبـه

ولاني عليه بصدرت الحكم مزهـاف =

ليـن أنـي أبـرق بنقصـه وطيـبـه

ليا صار ما يشتاق لـه كـل عـراف =

أجـوز منـه ولا علـيـه غصيـبـه

وليه عن الهزلات صـدة ومحـراف =

والجزلـه أبيهـا ولـو هـي صعيبـه

لو المعاني ما بهن جـزل واضعـاف =

كـلاً يسـوي لـه قصيـد ويجيـبـه

لكن فيهن فرق وأشكـال وأصنـاف =

ولهن هدف مـا كـل رامـي يصيبـه

وانا ما جمعهن من أرباع وأنصـاف =

أشفق علـى تكميلهـن واعتنـي بـه

ولاني علـى زلات الأجـواد وقـاف =

مـن زل مانـي دون ربـه حسيـبـه

عادات راع العرف لشاف ما عـاف =

يرفـع جنابـه عـن كـلام الهزيبـه

ومن ما امتنع من حق غيره ولا خاف =

لابـد مـن يـوم يـواجـه لعيـبـه

ومن ما يسرك يوم الأريـاق نشـاف =

هـذاك عنـه أنـذرك لا تعتـزي بـه

والكذب قواله عليه الشـرف طـاف =

والهون من حاله لحالـه رضـي بـه

ومن يبدي أسراره يجي له تحسـاف =

ولا ينفعه لـو قـام يشمـت نصيبـه

واللي يبور بواجب الضيف لا ضـاف =

الفـوز مـن عـادة يحالـف طليبـه

واحرص على عادة قديمين الاسـلاف =

عنـز نسبـك لطيـب ينعـدي بــه

والدين هو ساس المعزة والانصـاف =

ومن ضاع دينه مـاش شـيء يثيبـه [/poem]