منتديات عتيبه - سنيت إلك سنتٍ حلال مدري حرام

[size=5]بسم الله الرحمن الرحيم

السلام عليكم ورحمة الله وبركاته

هذه من أروع المحاورات التي جمعت الشاعرين حبيب العازمي

وزيد العضيله لأن معناها جوهري وإليكم هذه المحاوره.

[color=#000000]زيد

ياعازمي قصرالخطوة ورد السلام
واللي تحرالها غيرك تحرالها[/color]

[color=#FF0000]حبيب

يازيد لاتيقض الفتنه وتصحي النيام
وان جيت مشتالها تروح مشتالها[/color]

[color=#000000]زيد

اللي يعرف الحقايق مالحقه الملام
مير البلا اللي يناظرهاويبرالها

لا بارك الله في خشمٍ بليا عرام
ياللي تجاهلت فالدنيا هذا حالها [/color]

[color=#FF0000]حبيب

اللي يعرف الحقيقه قبل تسعين عام
حاول يغير معالمها ومنزالها

والياشقرت العصا حنا نفك اللحام
واليا إستوت دلتك مشروب فنجالها [/color]

[color=#000000]زيد

يدريبها الجاهل اللي وقت سن الفطام
واليا تعدتك فال الله ولافالها

ليت البدايه يابن عازم سوات الختام
حتى نعرف الفرس ونعرف خيالها [/color]

[color=#FF0000]حبيب

سنيت إلك سنتٍ حلال مدري حرام
تضرب نفسك زمهرير وتحمالها

ماهيب في صالحك والله مافيها كلام
والعافيه طيبه لكن يبغالها [/color]

[color=#000000]زيد

سنيت إلي سنتٍ تبرد كبود الحشام
مايحتزم فاللوازم غير رجالها

مايترك الواجبه ياكود رخو العظام
أقولها والفهيم من العرب قالها [/color]

[color=#FF0000]حبيب

إحكم على نفسك الحره بحكم العدام
الناس ماكلفتك تحصل أموالها

إشدادها فالردوف ورأسها فالخطام
وأنته يازيد العضيله تسحب إعقالها [/color]

[color=#000000]زيد

ياجعل بيتٍ مايذري داخله للهدام
ياللي تلم الزوامل جاك جمالها

إن ماتت النفس قلنا جعلها لرحام
وإن عاشت النفس تأخذ ماتهيألها[/color]

[color=#FF0000]حبيب

المذن اللي تقدم في محل الأمام
الزلزله مايفسرحجم زلزالها

إدعو دع الله عليكم قبل شهرالصيام
إنفوسكم ماتحاسب غير بأعمالها[/color]

[color=#000000]زيد

المذن اللي تقدم صاحيٍ ماينام
وإاليا طلبته حقوق يجيب معدالها

الله وأكبرعلى طيرٍ مع الجو حام
ياللي فتحت العيون يجيك كحالها [/color]

[color=#FF0000]حبيب

ياجالب الورد لأهل الشام والوردوشام
إبضاعتك ماتراعيها ودلالها

أنت مهندس من الفولاذ تصنع حزام
خطرٍ جميع البنوك تكسر أقفالها [/color]

[color=#000000]زيد

انا لك أبيعها وأنت لك الأستلام
إن جبت ليراتها وإن جبتوا ريالها

لاتحتسب للعلوم اللي عليها كتام
ترى علومي هي العقده وحلالها[/color]

[color=#FF0000]حبيب

إن بعتها يالمطيري جاك علمٍ تمام
لكن دورعضاله يعني أشوالها

ماعاد في رؤوسكم غير الهوس والغرام
وأنا أعرف أصحابي المطران بأشكالها [/color]

[color=#000000]زيد

والله ماتصلح الا من عفيف لجهام
وإن كان فيها ختاله فأنت ختالها

يالله يالله لاتكتب علي الآثام
فالرحله اللي حبيب صار رحالها [/color]

[color=#FF0000]حبيب

جبها وإخذ ردها وافي على مايرام
والرد مضمون يحلالك ويحلالها

لن كان فارقتنا يامال فرقى الحمام
والناس يرضيك طيبها وبطالها[/color]

[color=#000000]زيد

أنا تراني مطيري وأعرف الأنتقام
يلعن شوارب ماتحمى قول من قالها

علم بها واحدٍ قلبه سوات الدرام
أنت تعرفني ليا قمت أتحمالها [/color]

[color=#FF0000]حبيب

كم تنتقم فيه في مليون كيلو جرام
أشوالك تكبها يازيد وأشواله[/color] [/size]