لغز حسي وملموس ( محلول من عامر الروقي ) صح لسانه
 

السلام عليكم ورحمة الله وبركاته

اللغز في معناه حسي وملموس
بنتٍ تعارك بنت من مشكلتها

لامن تلاقَن صار في وضعهن حوس
جاها شقاها والشقا بحركتها

لكن بلاها اللي بلا درع ولْبُوس
شنَّت عليها معركه واتركتها

رغمٍ لها تأثير حسي ومحسوس
أم المعارك ماتْشابه معركتها

لغز عويص وهذه الرمعة الاولى
اعتقد انها كف اليد اليمنى وكف اليسرى

مالك لوا

وعليكم السلام

ماتقصراتحفتنا بالالغازالاكثر من رائعة
اتوقع والعلم عند الله الحل .... / محطات الاذاعة

حياك مولاك ياعهود
مالك لوا . لو تعرفون الحل تضحكون ضحك 😁
✋🏻

السفه السفلى والعليا واللي يشن المعركة الأسنان؟

وش رايك ي أبو فيصل بالبصله والعين ...
لما تكون البصله من دون درع ولبوس اللي هي القشره تسبب :icon13:

يابن ثعلي مالك لوا

[quote=عهود;1267449]وش رايك ي أبو فيصل بالبصله والعين ...
لما تكون البصله من دون درع ولبوس اللي هي القشره تسبب :icon13:[/quote]

ياقربها

طيب وش النتيجه 🤔

اللي يخالف رمعتك البيت الاول
والأخير

النتيجه الدموع ..
اها اتوقع انك تقصد رمش العين لاطاح في العين

[quote=عهود;1267453]النتيجه الدموع ..
اها اتوقع انك تقصد رمش العين لاطاح في العين[/quote]

جيت اقتبس ردّك ودخلت على اللتعديل ،

طيب عرفنا وبعدين



ماعاد انا بقايل

ولا قبلين نمسح الدموع باليدين هههههههههه
إلى هنا تفكيري ستوب ..

الحقيقه رمعتك من الحل قريبه
ننتظر الثانيه

السلام عليكم ورحمة الله وبركاته
ابو فيصل
صح لسانك وش رايك
اليد والعين

وعليكم السلام ورحمة الله وبركاته

ننتظر الثانيه

عركة العين

طيب ممكن تكون السكين والبصله وهجومها على العين؟

ذكرتني ي العطاوي بحركة شقلبة جفون العين حقت الطيبين ههههههههههااااي
عندي رمعة تضحك اخاف ماتصير هي ثم تضحكون علي ..
مير إن شاء الله اﻷخوان يجيبون الحل

[QUOTE=عامر الروقي;1267463]عركة العين[/QUOTE]
:SnipeR (37)::ongue::ongue:

(( عركة العين ))
صح لسانك ياعامر جبتها جعل من جابك للجنه

تحياتي للجميع

[quote={ أبوفيصل };1267468]:sniper (37)::ongue::ongue:

(( عركة العين ))
صح لسانك ياعامر جبتها جعل من جابك للجنه[/quote]


(( امين وجزاك الله خير ))

وصح بدنك ولي الشرف في حل لغز من نظم ابوفيصل