لغز... تنشيط
 

بعد العيد عسى الله يجعل ايامكم كلها عيد
وبعد تواجد الاعضاء حبيت اطرح لغز
واللغز بسيط جدآ وحله معروف لدى الجميع..

أنا لي ألغاز ماطرحتها لأن فيها شوي صعوبه
وقلت اطرح اللغز البسيط عشان ينشط الذهن شوي

اللغز جاني عن طريق الجوال ولا اعرف كاتبه

بس اعجبني واشكر كاتب اللغز

يقول اللغز:

أنا بنشدك عن رجلن دخله ياجماعه دار
دخل باسم وخرج باسم/ن جديد/ن ما اختلف لونه

حمل وانجب وهذي قدرة/ن من والي الاقدار
ولوهو مادخل هالدار نسله ماتشوفونه



منقووووووول

سبحان الله ماحد حله غيري

بس بصراحه أكتشفت أني قريته تو خاطئ

بفكر أحله بطريقه عشان يصرون حلين

هلا يابنت العز
وين حلك؟

الصاع (مكيال الحب) والدار وعاء الحب واذا كان فاضي اسمه الصاع واذا امتلا يسمى صاع بر او رز او تمر اي يسمى بمااحتواه

[center]على ضوء رمعة البر

رمعه سريعه

يمكن البر قبل الطحن او البذر قبل الزراعه يختلف اسمه بعدها

وسلامتك عساي حول الحروه ههه

تحيتي وتقديري[/center]

[quote=إبن ثعلي;865664]الصاع (مكيال الحب) والدار وعاء الحب واذا كان فاضي اسمه الصاع واذا امتلا يسمى صاع بر او رز او تمر اي يسمى بمااحتواه[/quote]
هلا بك يا إبن ثعلي ومالك لوا... وأنا أخوك

أنت فهمت من اللغز إن الدار يتغير اسمه وهذا غير صحيح
الدار أسمه ثابت ما يتغير والرجل إللي يدخل الدار هو إللي يتغير اسمه

يعني لو )البر( دخل المكيال أو الصاع بأسم )بر( وطلع من المكيال بأسم آخر غير أسم )البر( كان تكون فسرت اللغز تمام

بالتوفيق في الرمعه القادمة

[quote=فهيد الرويس;865667][center]على ضوء رمعة البر

رمعه سريعه

يمكن البر قبل الطحن او البذر قبل الزراعه يختلف اسمه بعدها

وسلامتك عساي حول الحروه ههه

تحيتي وتقديري[/center][/quote]

هلا بك يافهيد ومالك لوا... وانا اخوك

تفسيرك للغز سليم لأنك حاولت تغير اسم الرجل قبل دخول الدار واسمه بعد خروجه من الدار

بالتوفيق في الرمعه القادمه

السلام علييكم ورحمة الله

اعتقد حل اللغز

ان رجل حمل جملة بنات
شالهن فوق اضهره لين جاء وقت اللزوم يعني كذا لان اخر بيت يقول لو مادخل هالدار نسله ماتشوفونه

صحيح ولا خطا هذا ماطلع مني ونتعلم

والله يجزاك كل خيير

جاري التفكير بس فيه بالي رمعه بفكر فيها عدل واقولها

[QUOTE=g;865688]السلام علييكم ورحمة الله

اعتقد حل اللغز

ان رجل حمل جملة بنات
شالهن فوق اضهره لين جاء وقت اللزوم يعني كذا لان اخر بيت يقول لو مادخل هالدار نسله ماتشوفونه

صحيح ولا خطا هذا ماطلع مني ونتعلم

والله يجزاك كل خيير[/QUOTE]

هلا بك ياg‏ واسعدني وجودك يالغالي

الرجل مايحمل على ظهره شي وانا اخوك ونسله ونسله فيه المذكر وفيه المؤنث ماهو كل نسله مؤنث

شرح للغز :

اسم لشي مذكر دخل دار وبعد ما دخل الدار خرج وطلع بشكل جديد وأسم آخر مذكر بعد وأختلف عن أسمه قبل الدخول
والأسم الجديد بعد خروجه من الدار انجب له أشياء ولو إنه ما دخل الدار كان ماشفنا من الأشياء إللي ينجبها شي


تراني شرحت ووضحت بالشرح مع إن اللغز واضح جدآ والجواب سهل بالمره
وكل واحد منكم يعرف الدار ويعرف الرجل قبل دخوله ويعرف الرجل بعد خروجه ويعرف الأشياء إللي ينجبها الرجل بعد خروجه
ركزوا شوي شكل العيد شتت الفكير

هلا يابنت شمر الطنايآ

وأنا بالإنتظار

آخوي ان ماخاب ضني

المولود او الجنين شيء زي كيذآ صح

آختك " برستيج"

هلا بأختي "برستيج"

للأسف إجابه خاطئه

شكلنا مانا مجنبين عن البر اربع جوعا ههه

البر والصوامع حيث يطلع منه الدقيق والشوار

او البترول ومعامل التكرير

في انتظار الاجابه

مالك لوا... يافهيد وانا اخوك

يالليل
آجل شنو آخآف القبر بس >>مع اني شاكه فيه بس نشوف

يالربع خلو تحليلكم للغز مثل تحليل فهيد وأنا متأكد ينتهي اللغز بدري
لي عوده بعد الفريضه

‏"برستيج"

للأسف إجابه خاطئه

اخوي وجودك

عرفتها

الرزق او الاموااااااال صح ..

ان كان خطآ آجل مالي لوا بس حسيت القصيده
تلخبط شوي يبيلها تركيز ..

"برستيج"
اجابه خاطئه

أنا شرحت الأبيات في الصفحه الأولى والابيات اصلآ واضحه وسهله

ركزي شوي والحل سهل

طيب

سجل عندك

الحليب قبل يصير للبن حيث يستخرج منه الزبده والمشتقات لاخرى كالجبن وتوابعه

>>> كل رمعاته حول الاطعمه هه

تحيتي لك

بيض الله وجهك يافهيد
فقعت عين اللغز

الرجل هو الحليب والدار الصميل إذا خرج يصير لبن وينجب المشتقات المعروفه

كفو وانا اخوك
احترامي وتقديري للجميع من شارك

أممم

وجودك يكفي

ماودك تروح تشوف شي

أخ كنت بقوله بس راحت علي

ههههههههه
بنت العز
فهيد الرويس ما عطآ غيره فرصه أصلا من اول رمعه له وأنا متأكد إنه بيقضي عليه

حمد لله وشكر لك

ليش يافهيد تفقع عين اللغز

خربت علينا اللعبه

بعدين اللي يفقع عين اللغز يطلع برا أخر مره لك يافهيد

بالله لاعاد أحد يخرب علينا اللعبه

هههههههههههه

أي لعبه وأنا أخوتس<<ميت ضحك

وش أي لعبه

اللعبه الي فقع عينها فهيد

الله يسامحه

آإآهآإإآ

مبروك آخوي فهيد
آحتسبها لله وآنك آفدتنآ آخوي بآرك آلله فيك

آمآ بصرآإآحه شنو الرمعه او يمكن لها معنى آخر .. لآن هذه مافهمتهآ
يمكن لهآ كلمه آو مسمى آخر فيدونآ آفآدكم آلله ..

ومشكوورين ..

طيب اذا تسمحوون لي بحط لكم لغز وابي منكم تحلونه ..

وهذآ آللغز ..

أنا بنشدك عن رجال دايم للنظا عشاق
يدن له ركايب خمس وبها يقضي الشاني
عمى ومحسول الرجلين يثني الفخذ فوق الساق
ولاربي خلق له راس غير سيوف لحياني


ويعطييكم العافييه ..

اختي برستيج
حطي اللغز في موضوع خاص به افضل
اطرحي اللغز في موضوع جديد