لـغـز...9..و..10 حصري
 

مساء الخير

هذا آخر لغز كتبته واتمنى يعجبكم


انشدك عن تسعه وعشره على بنت

والبنت تـتكلم ويفـهم نـــداها


مـن جـوفها تـرمي وانا اقول بـيـنـت

عـمـيلـهـا يتـعــب وهـو مامــلاها






ملاحظه:
إذا أحد ذكر البنت فقط بقول مالك لوا... لأن سؤالي ماهو عن البنت..
السؤال في الشطر الاول من البيت الأول

بالتوفيق،،،

صح لسانك إخــوي ..


ولي عودة بعد التفكير ..

اول رمعه اتوقع انهم الملائكه التسعه عشر عليهم السلام اللي على جهنم

حمانا الله وياكم منها والسامع يقول امين

ناصر اخوي مشكور على المرور وما يمديك تفكر وترجع يالغالي لأن اللغز فقعت عينه بنت شمر الطنايا من اول رمعه بيض الله وجهها والحل هو خزنة جهم

ماشاء الله تبارك الله يابنت شمر والله لا يضرك


اخوي ناصر
أختي بنت شمر

كل الشكر لكم ودمتم بود

ماشاء الله على طول حلته ههههههههههههههه
اهم شي مايكون فيه تغشيش هع هع
تقبل مروري

الله يبارك فيك و وجهك ابيض اخوي


لا والله محد غششني اصلا توه حط اللغز ما يمدي يوصل المدد

بنت شمر
ترى امزح كفوووو يابنت شمر قدها وقدود عيني عليك بارده

[quote=الهبداني;858414]بنت شمر
ترى امزح كفوووو يابنت شمر قدها وقدود عيني عليك بارده[/quote]

مشكور اخوي كفوك الطيب

[quote=الهبداني;858410]ماشاء الله على طول حلته ههههههههههههههه
اهم شي مايكون فيه تغشيش هع هع
تقبل مروري[/quote]

هلا بك يالهبداني واشكر على المرور

وبنت شمر الطنايا ماظنتي تحتاج تغشيش

شد حيلك يالهبداني في الألغاز القادمه وخلك معنا على الخط يالغالي

احترامي لك يالغالي

بما إن الألغاز لها قسم خاص ومستقله أتمنى أحد منكم يطرح لغز عشان ما يبرد القسم وتصيبه حالة فتور


وإذا بغيتوني اطرح لغز أنا حاضر وجاهز


الراي لكم

خذ راحتك القسم قسم على ماقالو

بإنتظار لغز بنت شمر الطنايا

هلا بك ياشيخ الشيوخ الغالي

وعاش من شافك وانا اخوك

الغالي

[color="red"]ولد ثابت[/color]


صح لسانك على الغز المحبوك ..

وصح لسان [color="red"]بنت الطنايا[/color] ,,

وفالكم التوفيق ,,

صح بدنك وانا اخوك

احترامي وتقديري

صح بدنك يابن سعدي

وانتظروني اللغز الجاي عندي

[size="3"][color="#1e00ff"]وجودك يكفي

صح لسانك على هاللغز الطيب

وماشاءالله بنت شمرحلته على طول<<خطييره :)


اخوي عندي ملاحظه

ماشاءالله باين من الغازك زينه وتحتاج تفكير وذكاء

لذلك من الافضل لاتقرب حل اللغز من بدايته ..خله شوي ياخذ وقت

عشان تعطينا فرصه نشغل المخ،،وبعد عشان التفاعل والحماس[url=http://www.redcodevb.com/smiles/][img]http://www.redcodevb.com/smiles/smiles/2/www.hh50.com-Smile-Laughing-Happy-Freaks-Laugh-1859.gif[/img][/url]

يعطيك العافيه..ونتريا الزود من ألغازك..[/color][/size]

مشكوره اختي صواعب على المرور والله يقدرني على المشاركات إللي ترضيكم عني

تقديري واحترامي