قصيدة للشاعر فالح بن قشعم الهاجري في عتيبه
 

السلام عليكم ورحمة الله وبركاته

هذه قصيدة للشاعر فالح بن قشعم الهاجري لقبيلة عتيبة



بيوت الشعر ما توفي شعورٍ حرّك الوجـدان
وفاض به الصدر عقب الوساعه وامتلا شعيبه
كلامْ يوقّف المعنى علـى رِجـلْ ويهـزّ آذان
يِشيب اله الولد ويردّ حِلْـم العمـر للشيبـه
وليه اكتم وانا ما الله بجابرني على الكتمـان
بغتاب العرب لو فالشريعـه تَحْـرَم الغِيبـه
سلام الله على روس العرب ولا على العتبـان
صناديد الفخر والمستريب يموت فـي ريبـه
لو التاريخ ينطق ما ترك لاهل اللسان لسـان
ولا له غير برقا وروق تاريـخٍ يهـذري بـه
لو ان العزّ كان حصان لا يِعسَف ولا ينهـان
لقيت أدنى صبـي فعتيبـه يودّيـه ويجيبـه
تساميّ يا بيوت الشعر عمّا يجـرح العنـوان
وهاتي كلّ مضمونه من عتيبه إلـى عتيبـه
على الشيخ الكبير اللّي صهيله يِفزع الفرسان
سلام الله ، عسى الله يحسن لمثـواه ويثيبـه
بكى له نجد واهتزّ الجنوب وصاحت الصمّان
على موت الكبير اللّي بقى مجده يماري بـه
قريته لين قلت الشان عقبه ما بقى له شـأن
حفظته لين قلت الشعر عقبه من يغنّـي بـه
مواقف تركي بن حميد تقصر دونها الشيخان
لو ان المجد هيّن شفـت كـلٍ فـي مراقيبـه
عتيبه قبل تركي شامخـه وتزلـزل الوديـان
ومع تركي تلبّسها الفخر والمجـد والهيبـه
اليا منها اسكنت ماكنّ في مرباعهـا سكّـان
لولا صوت النجر يكفي بصوته عن معازيبـه
سلام لمن بغى السلم وتعوّذ من قذى الشيطان
وملجا لمن هموم الوقت تومي به وترمي بـه
وايلا من حركّوها ياقف المارد ويصحى الجان
تصلّي شرق واللي ما تصلّي به تصلّـي بـه
وايلا من ثار بارود البنادق واحتمى الميـدان
تجرّع خصمها مرّ الهزايم واشهـب الخيبـه
ولازالت على راس الشرف يرجح بها الميزان
من السيف المصقّل فالوغى لللجود والطيبـه
حقايق واضحه والجاهل اللي يطلب البرهـان
هذاك اللي الحسد خلاّه يسبح فـي عذاريبـه
يجوز إنّه يبيع الما على اللي يحتضر ظميان
ولكن لا يبيع اللي يتصـدّق مـن مشاريبـه
هواي عتيبي وساسي يعنّز بي على قحطـان
ولا بأصله يشكّ إلاّ الوضيع اللي كشف عيبه
ليا من فاخرك من قال كنّا فـي زمـانٍ كـان
يكفّي يا العتيبي لو تقول إنّـك مـن عتيبـه


فالح ابن قشعم الهاجري

بنت الهواجر

صح لسانك ولسان الشاعر فالح

قصيده رائعه رائعه

ولا هي غريبه الوفا من اهل الوفا

والنعم فالهواجر وفي عتيبه وباقي القبايل

تحيتي لك

[font=farsi simple bold]
[size=6]صــح الــسان الــشاعـر الـمبدع فـالـح بـن قـشعم

ومــاعـلاكــم زود يــالــهـواجــر ..
وســلمت يــمناكـ يــابــنت الــهـواجــر ...
[/size][/font]

صح بدنك شاعرنا اخوي عبدالله
ولا بكم قصور
ولا هنت على المرور والمشاركه

صح بدنك اخوي الحر النداوي
تحياتي لك

هواي عتيبي وساسي يعنّز بي على قحطـان
ولا بأصله يشكّ إلاّ الوضيع اللي كشف عيبه
ليا من فاخرك من قال كنّا فـي زمـانٍ كـان
يكفّي يا العتيبي لو تقول إنّـك مـن عتيبـه

صح لساااااااااان بن قشعم ونعم فيه و فيكم يالهوووواجرر

عاد من حلقته بشاعر المليوون وانا بنزل هالقصيده وسبقتيني عليها:)


يعطيج العافيه حبووبه


شكرراا

[align=center]بنت الهواجر , يعطيج العافيه

وصح لسان شاعرها وتسلم يمين ناقلها

مشكوره[/align]

صح بدنس اختي الجازي
عسى بس لموضوع اعجبس
وفديت عتيبه انا
تحياتي لس

الله يعافيك ويسلمك اخوي عمر
تحياتي لك

[size=6][font=Arial Black]صح لسانك ولسان الشاعر فالح

قصيده رائعه رائعه

ولا هي غريبه الوفا من اهل الوفا

والنعم فالهواجر وفي عتيبه وباقي القبايل[/font][/size]

تسلم اخوي صقر وماعليكم زود يا عتيبه
تحياتي لك

بسم الله الرحمن الرحيم

الله يعطيك العافيه بنت الهواجر على النقل وسلمت يمناك
وصح السانه ابن قشعم وهذا شي مو غريب على الهواجر


ونعم بقحطان وبالهواجر وبعتيبه وكل القبايل


العنود العاطفي القحطاني

صح لسان

الشاعر فالح بن قشعم

وما عليكم زود يالهواجر ونعم في ربعي العتبان وفي جميع القبائل

تحياتي للجميع

لاهنتي



لاهنتي



يا بنت الهواجر

ما فيكم قصور يا عتيبه فديتكم
لا هنت على المرور اخوي بن عجلان

ولا انت اخوي مطنوخ
تحياتي لك

[align=center][font=Comic Sans MS][size=6][color=#00008B]قصيدة مبــدع بيض الله وجهــه ..

ولو علي كان ثبت القصيــده ..

وسلمتي على نقلها لنـا ..[/color][/size][/font][/align]

قصيـده جميلـه ويستاهلون عتيبه كل خير


لأهنتى علي النقل

ولا انتي اختي اشراقات
لاهنتي على المرور

تستاهل الطيب اخوي ولد حرب
ولا انت
لا هنت على المرور