الشاعر فهد القثامي ( شاعر المليون ) يحتاج لكم ..
 

[align=center][img]http://www.4zz.net/show.php?pic=139002[/img]
[color=#0000FF]تم في ليلة البارحة يوم الثلاثااء عرض الحلقة الرابعة من برنامج شاعر المليون وكان من ضمن المشاركين ( الشاعر فهد جازي الخليدي القثامي العتيبي ) ممثل قبيلة عتااابة الكبيرة ...والقى قصيدة رائعة نالت على استحسااان الجمهور واللجنة وكان في قصيدته معنى غامض ارادت اللجنة من الشاعر فهد توضيحه فرد عليهم بشطر من قصيدته ( افهموا يا اهل العقول الفطينة ) وحاولوا ان يعرفوا المعنى أكثر ... لكن الشاعر ترك لهم المعنى غاااامض .. ويكفيه فخر اشادة أحد اعضاء اللجنة بقوله ( انتم قبيله عتيبه مشهورة بالشعر )
ولكن للأسف تم ترشيح اثنين متسابقين من قبل اللجنة ,,, وتم وضع الكرة في ملعب عتااااااااااابه ...
وقال ( الشاعر القثاااامي ) ابغى جمهوري على خط النااار بالتصويت معي ...
صوتوا للشاعر فهد رقم التصويت ( 25 ) ليلحق بالشاعر الثاني يوسف العصيمي ..
***
وهذه قصيده للشاعر في ( ظلم )
[color=#8B0000]بغيت أنام وهم قلبي سرابه= ماجور طرفٍ ودع النوم ماجور
كله سبايب من عصيرٍ بدابه= حاف القدم جعله من الوسم ممطور
لوكان مابيني وبينه قرابه= لكن حاله مثل حالي ومستور
كله عذاب ولا شكى من عذابه= وحقه على اللي خالي البال مسرور
صعبً عليه وصف حضرة جنابه= لوكنت في صخرالتماثيل دكتور
جاثم على وجه الوطى له مهابه= يحفظ عذاب أيام وسنين وشهور
له هامةٍ تجرح جناح السحابه= واخر مداه مع أول الأرض منثور
الصبر زاده والتجلد شرابه= ولايسأل القمرا متى يبدي النور
مدري بلاه الوقت ولا ابتلابه= حيثه نديم له إليا بعث ونشور
شاهد على عصر النبي والصحابه= وعلى الشهاده قبلهم ما دخل زور
من المثل يضرب عليه الصلابه= مثل الصخر قولٍ مع الناس ماثور
كنه زعيمٍ قام يلقي خطابه= بالفعل مخبورٍ وبالحلم مشهور
لله دره تقل فعل الذرابه= في ذاكرة غبرات الأيام محفور
صدره وسيع وممتلي باالرحابه= لوكان جل ضيوفه سباع وطيور
كم مستظلٍ في الطريق اهتدابه= لوكان مايأخذ ولا يعطي الشور
وكم لابةٍ غارة على قوم لابه= يوم العيون الحمر ماترحم العور
أحدٍ هلك وأحدٍ شكى من صوابه= وأحدٍ رقى مع تلعة الضلع مقهور
وكم طيرغردبه وذيبٍ عوابه= وكم رد في جاله من الهجن مظهور
يسمع كلامي مايرد الأجابه= عن أمتداد ايام وازمان وعصور
مدري بلاه من الغرور بشبابه= حيثه شباب وفي الكبر غير مكبور
ولا بزعمه لو قرينا كتابه= تكمل ليالينا قبل نكمل سطور
ولا انخلق مثله وصمته عقابه= ماله لسان يترجم أحساس وشعور
[color=#000000]ياظلم ياساكن بديرة عتابه= حقك على العتبان مثني ومقدور[/color]
في مامضى تسقي دماها ترابه= تسقي ثراه وينزرع ورد وزهور
حموك في وقت الشقى والحرابه= واليوم امان وبيرق العز منشور
والحكم لله ومن يحكم كتابه= حكم السعود اللي لها الدين دستور
[color=#000000]وياظلم ياساكن بديرة عتابه= العذر لو ماطالب العذر معذور[/color]
وصفك غريب وباقي أمرك غرابه= ياصعب وصفك بين حيٍ ومقبور
قمة فخرك أنك ملاذ الذيابه= إليا حدها حادي الظلم والجور[/color]
***
وهذه قصيدته اللي أهلته للمشاركة في برناااامج ( قصيدة الاسهم )[/color]
[size=4][color=#8B0000]قفل حسـاب المحفظـه بعـد صفيـت****معاد لي فـي سـوق الأسهـم تجـاره
ياليتنـي فــي سوقـهـا ماتعنـيـت****ما أخذت منهـا إلا الفلـس والخسـاره
أمسيت فيهـا مغتنـي ليلـة أمسيـت****واصبحت ضيف الفقـر نـازل بـداره
وش عـاد يا سـوق الهواميرخلـيـت****مـن لـؤلـؤ البـحـار ولا مـحـاره
كنـت اتحلـم اغتنـي وابتنـي بيـت****والجيب ياقـف فـي كـراج العمـاره
واسلـف المحتـاج حسـب الثوابيـت****وافزع لابـن عمـي وضيفـه وجـاره
وفجأه على الواقع مـن الحلـم فزيـت****الله ولا حـلـمٍٍ كـوانــي بـنــاره
(من كثر ما من بعض الأحـلام عانيت****خط اتصال الهاتـف بـلا حـراره)!!
بالله عليكـم ياهـل الجـاه والصيـت****أحـدٍ تجـرع مثـل هـذا الـمـراره
مرة سنـه مـا فـي الليالـي تهنيـت****مـره يميـن الـدرب ومـره يسـاره
في الليـل اسامـر منتديـات وصيـت****والسوق من بـدري اتحـرى اخبـاره
أقرا البلونجر كل ما اصبحت وأمسيـت****واتبـع الشـارات شــاره بـشـاره
مافيه عصر مـع الجماعـه تقهويـت****ولافيـه يـومٍ نمـت بـأول نـهـاره
(ولا عـاد عنـدي للمواعيـد توقيـت****إلا صـلاة الـفـرض والإستـخـاره)
وعلى اجتهادي وكثر ما اقبلت واقفيـت****عيـت تفيـد المعـرفـه والشـطـاره
((واصبحت من كثر الضغوطات كبريت****من يـوم تشخطبـه يولـع شـراره))
احيان يضرب هـا المؤشـر دناميـت****ويصفـق بالأحمـر ويتبـدل مسـاره
ولاعادتسمع غير وش بعـت وابقيـت****والنـاس واجـد يقطعـون الإشــاره
ياطول ساعـات الحـزن والتناهيـت****وياقصـر ساعـات الفـرح والبشـاره
رحنا ضحايا الحرب بيـن الطواغيـت****كـلٍ علـى الثانـي يسنـد بـغـاره!!
والسوق كله اصبـح بكـف عفريـت****الله يدمـر مـن سعـى فـي دمــاره[/color][/size]
[color=#000000]فهد القثامي ... الرقم ( 25 )
82990 Aljawal [/color][/align]

[color=#0000FF][size=4]انا سمعت ان قصيدته غامضه....وطلب منه توضيحها

لكن بالتوفيق له بشاعر المليون

يعطيك العافيه يالشجاع[/size][/color]

الله يسلمك سلطاااان القثامي

على المرور الكريم ....

الله يوفقه ان شاء الله


ويوفق عتابه في البرنامج



مشكور يالشجاع


تحياتي لك


بدر الروقـي

يا عتيبه لا تخلووون ولدكم


وعسا الله يوفقه وانا دعمته بكذا رساله


وإنشاء الله الاخوان ما يقصرووون مع اخونا فهد القثامي


وبالتوووفيق له يا رب


تحياتي لكم ،،،،

[color=#996600][align=center][size=4][font=Simplified Arabic]الله يوفقه .. ويوفق الجميع

معاه .. ان شاء الله يفووز

[/font][/size][/align][/color]

[align=center]قصيدة شاعركم ( فهد القثامي )
الصبر في بعض المواقـف بـلاده[/align]
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صفـط فراشـي لاتحـط الـوسـاده= النـوم مالـه فـي عيونـي مساييـر
خالد ترالـك فـي المواقـف شهـاده= والناس غير وصحبتك بينهـم غيـر
ارم الحطب واشعـل شـرارة زنـاده= واعجل علينا با الدلال المباهيـر
البرد قـارص ميـر مونـس بـراده= جوفي لهيبٍ مثـل قطعـة زمهريـر
يجتاحنـي ضيـقٍ بلـيـا هــواده= والله يكافي وسوسـة هـا التفاكيـر!!
( معاد فـي الدنيـا فـروح وسعـاده= والظاهرأنه مابقى في العرب خيـر )
(( من يوم شبو نارهـم فـي كـداده= سود الوجيه اللي تجيز المحاذير !! ))
وأخذو مـن المحتـاج شربـه وزاده= وعلوم مالي فـي صددهـا تفاسيـر؟
اليـوم طيـري مابـلادي بــلاده= أتلا العهد به ليلة الجمعه عصير
ولوكنت مقوى فـي الفـراق وبعـاده= أمنـت بالله والقضـى والمقـاديـر
وقضيت وقتي بين صبـر وجـلاده= واقول ياالله ياعسى في الأمـر خيـر
**ولو الصبر للآدمي مـن العبـاده= الصبر في بعضات الأحيان تقصير**
((الصبر في بعض المواقـف بـلاده= با الذات لما جاء للأنسـان تقديـر))
ومن لايـذود بحربتـه عـن شـداده= والله ليبطـي مايسـوق المظاهـيـر
المعتـدي واجـب علينـا جـهـاده= حتى يشوف بعينـه الـدرب ويسيـر
( أحيـان يقـرد هـا الأوادم قـراده= مثل النمل ينبت له اجناح ويطيـر؟!)
ولا كل مـن يطمـع يحقـق مـراده= دون الطمايع حدب شلـف وبواتيـر
ولوان ظلـم الآدمـي فـي اعتقـاده= ينجيه من سوء العقوبه فـي الأخيـر
أن كان سادو من هـل الظلـم سـاده= لاكن على الظالم تدور الدواوير[/poem]
***
[align=center]قصيدة شاعركم ( فهد القثامي )
اتعبتني حاف الأقدام واتعبت الدروب[/align]
[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يابداية كل خيرٍ يجـي مـن كـل صـوب= يارضى بعـد الشقـا يادعـاي المستجـاب
يانهاية سود الأيـام فـي الوجـه الشحـوب= يارياض العشب الأخضر ورشاش السحاب*
ياشذا ريـح الخزامـى ونسـاس الهبـوب= يا أختصار لكل مالـذ مـن نعمـه وطـاب
(انخلقت أنته وانا من جسـد واحـد وثـوب= منت لايق لبس غيري ولا غيـرك ثيـاب؟)
مير جالك في سفينة بحر غيري ركـوب= وأخذتك منا المقاديـر وأهلـك القـراب
وانتحوبك صوب ديره وأنا في دار صـوب= ولا هنانـي بعدهـا لاطعـام ولاشــراب
والمعرفـه بينـا كلهـا أحسـاس القلـوب= أنت ماتعرف جنابي ولا اعرفلك جنـاب!!!
لكن الـوان التشابـه ملـت كـل الجيـوب= كل ماعنيت عانا ومـا قـد طبـت طـاب
((واتعبتني حاف الأقدام واتعبـت الـدروب= قبل لايفتح لطآريـك عنـد النـاس بـاب))
والشمال يردني نوب فـي وجـه الجنـوب= واقصرت طول المسافات واذهبت الركاب*
**من بعد ماتطلع الشمس لا وقت الغـروب= والعيون تمد الأبصـار واهدافـي سـراب!
(((كنت اقصر خطوةٍ تحمل اوزار الذنـوب= وأتذكر رهبت الخوف في يـوم الحسـاب)))
يوم تجزى كـل نفـسٍ بماكانـت كسـوب= ويتجرع كل مجرم من الـوان العـذاب!!!!
يـوم ماتقبـل معاذيـر مـن عبـدٍ يتـوب= كان ماهو قبل موتـه ذكـر ربـه وتـاب!
(كنت اعيش براية الصدق في الوقت الكذوب= واعتذر عن بعض الأسفار في الجو الضباب)
**اعرف أن اقدار الأنسان ماعنها هـروب= لكن ادفع نازل السوء بايـات الكتـاب**!!!
ياالله انك ترحـم الحـال وتغفـر الذنـوب= وتبـدل السيـات عنـا بحسنـات وثـواب
كانـت امالـي كبيـره وعزمـي مايـذوب= ميقنن في صالح الحال من بعـد الخـراب!؟
الله اكبر مال ينبوع صبري مـن نضـوب= والظروف تحطني بين ضرس وبين ناب؟؟
(وبعد مسقتني الليالي مـن الأمـرار كـوب= احمد الله اشرب اليوم من عـذب الشـراب)
[/poem]

مشكور اخوي الشجاعـ على الموضوعـ..

والله يوفقه ..


تحياتي

الله يوفقه مير الشاعر ماهوب بدعم الرسايل

الشاعر تظهره قصايده

والا فهد مايحتاج شاعر يستاهل كل خير


تحياتي

[align=center]وهذه قصيدته الاخيرة التي شارك بها يوم الثلاثاء الماضي ..[/align]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارق اللي عن سمـا الشعـر ماغـاب = اروى الهجـوس النـادرات الثميـنـه
لوماحسبـت لسيلـه العـرم بحـسـاب = امـداه هـد السـور واغـرق مدينـه
ضربت فـي منبـت رياحينـه اطنـاب = وقطفـت مـن يشمومـه وياسميـنـه
بعطـر انفـاس المسامـع باالاطـيـاب = حـق علـي البسـتـان لمشاهديـنـه
ومدام في الموقـف مزاحـم بالاجنـاب = انـا جنوبـي فـي الموقـف متيـنـه
بلخبـط اللعبـه علـي كــل لـعـاب = والعلـم مايخفـي العـقـول الذهيـنـه
معاد في نفسي علي المخطـي اعصـاب = ومحرفـيـن الـقـول ومصرفـيـنـه
يامضيعيـن الحـق انـا فيـه طــلاب = والحـق مايصعـب عـلـي طالبيـنـه
ومن يضحك بعينه وكشـر بـا لانيـاب = ماهمنـي نابـه ولا ضـحـك عيـنـه
يكتبني التاريـخ فـي صفحـه اكتـاب = وانـا المـداد لمـا تخـطـه يميـنـه
احد ٍ ملا عينـه مـن فعولـي اعجـاب = واحـد ٍ مـلا قلبـه سـواد وضغيـنـه
واحـد مصدقنـي واحـد قـال كـذاب = ومصدقـيـن الـقــول ومكذبـيـنـه
أصبحـت لاسماهـم مفاتيـح وابـواب = كـلٍ يسمـي بيـن نفـسـه وبيـنـه
وامسيت فـي ماساتهـم كـل الاسبـاب = وانـا عيونـي مـن الماسـي حزينـه
يسريبـي الليـل المحمـل بالأتـعـاب = واكمـل المشـوار لاشــرق جبيـنـه
شفت اختلاف الكره في وجه الاصحـاب = مثـل اختـلاف الـود بـأول سنيـنـه
الناس مثل ابـل ميـه مابهـا اركـاب = بالكـاد راحلـة ٍ تشـيـل الضعيـنـه
كم من يديـن شغلهـا فتـل الاشنـاب = وكم مـن شنـب بعـد الفتـل حالقينـه
تكسرت فـي عيوننـا كسـر الاكـواب = اعتـي الحصـون النايفـات الحصينـه
مانجتمع حسـب الجناسـي والانسـاب = حسـب اتبـاااع الاعتـقـاد ويقيـنـه
حديثنـا سحـر المسامـع والألـبـاب = وينـزل علينـا مـن سمانـا سكيـنـه
وترى أختصار القول عن بعض الأسهاب = اخيـر لـمـدور رضــي سامعيـنـه [/poem]

يالله يا اخوان


يالله يا عتيبه

كلن يصوت للقثامي

ترى دعوه بيني وبينكم
منافسه بين القبائل
والقثامي معه من يام شاعرين

كلن يصوت وكلن يضحي يا 100 توصيت
للقثامي تراه يستاهل ويكفي أنه من قبيلة عتيبه ..

الله يوفقه لانه يمثل قبيلة عتيبه عند الاجناب لكن هذي رساله اوجها الى فهد وياليتك يالشجاع توصل له الرساله امانه معك
قله ابن فانك يقول لك ان اللجنة شكوا ان القصيدة سب فيهم ولو انك وضحت لهم سبب اومعنى بعيد عن مغزاك حتى ولو ان القصيدة فيهم كان اول من يرشحون انه انت وااكدلك ان قلوبنا معك وجوالاتنا وانا ارسلتله مجموعة رسايل وعسى الله يوفقه وهذا مايدل على انه شاعر اوغيرشاعر سواء كسب المليون اوخسر هو شاعر كبير وله مكانته ويكفي بس انه مثل عتيبة وسط الاجناب وانا اطلقت عليه اسم سفير عتيبة للشعر النبطي

تحياتي

الرقم الي وضعتوه خطاء الرقم لتصويت
[size=8]82998[/size] هذا الرقم من السعودية وتضع رقم المتسابق فقط بدون اسم او اي شي ثاني

أخوي العصيمي حياااااك الله ورقمك ترى خاطئ

الرقم 82990

مشكور اخوي الشجاع على الموضوع
و الله يوفقه و يوفق العتبان جميع
مع تحياتي

الحقيقه انه شاعر جيد ومشكور يالشجاع على ايراد قصائده ونتمنى له التوفيق
تحياتي

ايه يا عتابه

لا تخلون ولدكم




والرقم صح على اخوي الشجاع الي هو 82990

اليومه العصر اتفرج فيهم في الواحه



لا تخلون بني عنكم يا عتيبه



ومشكور ياخوي يا الشجاع على موضوع


وعلى قصايد شاعرنا فهد القثامي

[size=3]بالتوفيق ويا اخوان لاتنسوالتصويت لة.. وهذاوجب كل عتيبي في يدة جوال............[/size]

قصيدته جزله وتستحق الاشاده

لكن فيها غموض عجزوا فيه لجنة التحكيم

( مع تحفظي علي اللجنه)

وقصيدته جزله وراااااائعه

ياصنهات وانا اخوك انا اقول وبدون تحفظ عنصريتهم مكشوفة وخاصة من المريخي !!!!!

ههههههههه


عز الله إنك صادق يا mutem13


بس مدام عتيبه كلها مع الاخ فهد القثامي


ما عليه خووف ولا عليه من المدعو المريخي هذا


واصلن المريخي مثل قلته المفروض يجبون شعار احسن منه



تحياتي لك ،،،،

اخوي النايف اشكرك علي التوافق في الراي.

تم التصويت والله يوفق الجميع

يستاهل ولد عمي

والله ياعليه شخصيه مشاء الله تبارك الرحمن

وعليه قصيد يرفع الراس


كلنا معاه :)

والله الله بتصويتكم بعد

[align=center]تكفوووووووووووووووووووون ياربع
اليوم يومنا
اخي الكريم النايف انت شفة المريخي يبي يمدح محمد ابن زايدياليته
ساكت كشف نفسه ماعندك احد
على فكره جده كان راعي عند النفعة وخاصه عند حمود ابن درعان
من ذوي مفرج وقعد عنده فتره ورجع لقبيلته ومعه حلاله
وقدر الله إن يموت حلاله ورجع يسترفد
النفعة وعطاه حمود ابن درعان من الشرف ابل حمود
وفيه بيت قصيدة سالم ابن سليم النفيعي
يذكر فيه المريخي وشاهد على ذلك
البيت
يوم المريخي جار فيه ألزماني
تنصنا مخصوص ما تنصا للغير
تنصا ابن درعان مروي السناني
وعطاه من شرفه متل ومعاشير[/align]

هههههههههههههههه ياابن رايق لا واللة الي شرشحت با المريخي وجعلة مايقوم هووياوجية مشكور علي هذا التاريخ المشرف للاستاذ نابغة الشعر والناقد الكبير المريخي

الله يبيض وجهيكم يا عتاااااابه... في اللقاء الاخير للشاعر فهد .. قال له المذيع هل عندك كلمة أخيرة ؟

قال :
ربعي عتيبه من العارض الى الحره *** سقم المعادي اليا جاء العلم مروري

[size=5][color=#FF0000]عسى الله يوفقه

اما بخصوص اللجنه

ترى ما عندها لا حل ولا ربط

دور اللجنه بس تبين الاخطاء


للمشاهدين واللي بيدهم الحل والربط

هو رسائلكم يا عتيبه

بس لا تخلوون ولد عمك


وإذا فاز الشاعر فهد القثامي

والله العظيم كن عتيبه كلها فايزه


لان اسم عتيبه يبي يصير عالي في السماء


على مستوى العرب والخليج خاصه


تحياتي لكم وبالتوفيق لك يا فهد القثامي[/color][/size]

اليوم بيجي ؟؟

الناااااااااايف ...

الله يعطيك العافية .. والله انك ما قصرت في تثبيت الموضوع والدعم لجميع ابناء القبيلة ....

بااااااقي ساعتين ... والله يوفق فهد ابو جاااازي

اليوم في مدير شركة عتيبي

جمع 45 عتيبي موظفين عنده في الشركة

وعطاء كل واحد بطاقة شحن 100 ريال

وطالب من كل واحد يصوت لفهد

والله اعرفه زين بيض الله وجهه

100000000000000000
مبروك ياعتابه فوز شاعرنا فهد القثامي العتيبي
وعقبال المليون يافهد
واشكر كل من صوت وبيض الله وجيهكم ياربعي


الشجاع ابن الشجاع
فووووووووووق فووووووووووووووق ياعتابه

مليــــــــــــــــــــــــــــــــــــــــــــــــــــــــــــــــــــــــــــــــــــــــــــــــــار
مبروكــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بفوز فهد القثامي

مبروووووووووووك لكل العتباااااان

الف مبروك يا عتااااابه والله يستاهل ابن جازي وتستاهل عتااابه ....

وما قصرتوا والله .... عوضتونا بدال الشاعر السواااط ... والله انك اهل ماقف ونخوة ...

بيض الله وجيهكم .... والوعد قدام ...

[align=center]هنا استمع للشاعر فهد القثااامي يوم ينخى ربعه عتاااابه والله العظيم ما قصرتوا يا عياااااال الهيـــــــــلا ...
***
تسجيل [color=#0000FF]الشجااااع القثاااامي[/color] ... الوعد قداااااام يا ربعي [/align]
[align=center][rams]http://www.biochemistry4all.com/newupload/ch3oh/fahad.amr[/rams][/align]

[size=4][align=center]الله يعطيك العافية أبن العم والف مبروك والى الامام وبالتوفيق لاعدمناك 0[/align][/size]

مبرررررررررررررروك لتاهيل لفهد القثامي ويستاهل
بناخينا

ونشالله محد يقصر معه المرحله الجايه مرحلة 24

[font=Simplified Arabic][size=4][align=center][color=#FF0000]
يستاهل ولد العم
وان شاء الله عيال عمه مايخلونه
[/color][/align][/size][/font]

[font=Simplified Arabic][size=4][align=center][color=#FF0000]
يستاهل ولد العم
وان شاء الله عيال عمه مايخلونه
[/color][/align][/size][/font]