منتديات عتيبه - تسلسل من هوازن أصولها,,,((ملفي المورقي))

[align=center][font=Arial Narrow]قصيده للشاعر:

[size=7][color=#FF0000]ملفي المورقي[/color][/size]

[poem=font="Simplified Arabic,5,white,bold,normal" bkcolor="chocolate" bkimage="" border="groove,4,firebrick" type=0 line=1 align=center use=ex num="0,black"]
مـادام كلـن قـام يـمـدح قبيلـتـه "=" ويذكـر مناسبهـا ويـذكـر فعولـهـا
ألي الفخر فـي مـدح ربعـي عتيبـه "=" اللي تسلسـل مـن هـوازن أصولهـا
ربعـي هـل التاريـخ والعـز والفخـر "=" ليـا مـن دقـت للحرايـب طبولـهـا
ألها اسمها الرنان مـع سايـر العـرب "=" اليا ضيقت بعـض العـرب صوتولهـا
مثـل الجبـال الشامخـه فالجـزيـره "=" متراميـه عـرض الجزيـره وطولهـا
من قـو هيبتهـم ومـن قـو باسهـم "=" كـل الديـار اللـي يبـون وصلولـهـا
اليا ساقو العطفـه وسـارت جموعهـم "=" الارض ترجـف مـن حوافـر خيولهـا
تمشـي برغبتهـا وتمشـي بكيفـهـا "=" ماكن ابه نـاسٍ مـن النـاس حولهـا
لين انهـا وسـط الجزيـره تمركـزت "=" وشرت على أطراف الجزيـره نزولهـا
هيـلا علـى مـاقـال الاول مهيـلـه "=" تطـول رغبتهـا ولا احــد يطولـهـا
بحدب السيوف اللـي تجـاذب قنيبهـا "=" وشلـفٍ عريضـاتٍ وسـاع ً دحولهـا
مـا تكـل الا كـل شـيـخٍ مـجـرب "=" تخلي عـن الخيـل الاصايـل حمولهـا
يـوم أنهـم هـاك الليالـي تـحـدروا "=" مثـل المـزون الـي تدلـت ثعولـهـا
بروقهـا بيـض السيـوف الرهـايـف "=" ورعودها العـزوه ليـا ضـاق جولهـا
وثعولهـا البـارود عـنـد أنصبـابـه "=" والـدم مـن فعـل النشامـى سيولهـا
هـذا وانـا ملفـي فعـايـل عتيـبـه "=" ليا مـن جـات المعضـلات ارتكولهـا
ومن لاذ بحماهم مـن الخـوف يامـن "=" تضفي عليـه عـن البـلاوي سدولهـا
يصيـر فـي عيطـاً قـويٍ حجـاهـا "=" تحجي وتذري من دخـل فـي كفولهـا
من طيبها ينسـب لهـا عـدة أسمـى "=" أسمـىً دواليـب الـدهـر ماتزولـهـا
ذكرت منها البعـض والبعـض الآخـر "=" ماوفي حروف حروف رسالتي لين اقولها
ذبـاحـة الحـايـل لطـامـة الـعـدا "=" حتـى نعاتيـت الطـغـاه اشهدولـهـا
قـدم العـدا نـارٍ قــويٍ جحيمـهـا "=" وقـدام وجـه الضيـف زيـن قبولهـا
أبوابهـم طـول الليـالـي مشـرعـه "=" مـا حلجـوا قـدم المسيّـر قفولـهـا
ان جاهم الطرقي لقى العـود والشبـب "=" ودلال رســلانٍ تعـاقـب بـدولـهـا
يكيـف الضرمـان خـنـة عبيـرهـا "=" اهـل الكـرم والمكرمـات اتعبولـهـا
وكل السلـوم الطيبـه مـن سلومهـم "=" اسلومهـم سـارت ونـالـت قبولـهـا
كم اصلحوا من مشكله غيـر الاخـرى "=" الصلـح مـن بيـن القبايـل ميولهـا
ربعي سراج الدين فـي ظلمـة الجهـل "=" مـا تمشـي الا مـا مشابـه رسولهـا
قلتـه وانـا شاعـر وامجّـد قبيلـتـي "=" اللـي مـن الحكمـه ثقـالٍ عقولـهـا
والشاعـر اللـي مـا يمجـد قبيلـتـه "=" ياعنـك مـا ثمّـن مسـاعٍ سعولـهـا
همّـه ليـا غنـى القصيـد لمصالحـه "=" ياكـل بـه العيشـه ويعـرف دخولهـا
فـي مـدح ربعـه ماتدرهـم قصايـده "=" وفي غيرهـم محـفٍ سمـاري ذلولهـا
مـا يـدري الدنيـا رحـىً مستديـره "=" يمكـن عليـه تـدور ماحـال حولهـا
واختامهـا منـي صـلاة ٍعلـى النبـي "=" شفيـع الامـه يـوم يـزداد هولـهـا [/poem]

تقبلو تحياتي

أختكم

[size=6][color=#FF3399]بلسم الجروح[/color][/size][/font][/align]