شاعر عتيبه الكبير عبدالمعين بن عقل الثعلي
 

[SIZE=4]
الشاعر الكبير عبدالمعين بن عقل بن هذال الثعلي العضياني العتيبي

هو أحد الشعراء القدامي والمعاصرين في قبيلة عتيبه ...

يعيش في المحاني وقد تجاوز عمره التسعين عام ...


وهو غني عن التعريف ويكفي ان كبار الشعراء والرواه من القبيله

قد أطلقوا عليه شاعر عتيبه ...


[IMG]http://www.otaiby.com/gallery/images/3bdalmu3een-t.jpg[/IMG]



سأقوم بنشر قصائده المعروفه وسأتبعها لاحقها بما لدي من قصائد

نادره اذا ساعدني الوقت ..

وأرجو من لديه اي قصيده لشاعرنا الكبير ان يكتبها في هذا الموضوع

ليساعد المهتمين والباحثين عن قصيده حفظه الله[/SIZE]


[SIZE=5] هذي هي القصيده الاولي وتتحدث عن نفسها[/SIZE]


[poet font="Simplified Arabic,4,black,normal,normal" bkcolor="transparent" bkimage="" border="outset,4,sienna" type=0 line=200% align=center use=ex length=0 char="" num="0,black" filter=""]


هات القلم وأكتب ما اقول لك يا بدير = لخوان وضحا واوصل العلم مني

سلّم على هاك الوجيه المسافير = يوم الليال بغيبهن شقلبني

سمر الليالي والليالي معاشير = تلقح بخير وشر ويولدني

يومٍ تلد باسباب شر وتعاسير = ويومٍ بحلو اثمارهن يطلعني

ويومٍ بتيسير ويومٍ يتعسير = ويومٍ يلاقي خيرهن شرهنّي

ويومٍ مدابير ويومٍ مناحير = وان ناحراً لابد هن يدبرني

أمّا ادبرت ولهن لغيري مشاوير = والا أقبلن سمر الليال وخذني

واقفن بي أقفاي الضمايا عن البير = ماعاد مع مصدارهن يرجعني

أنا وغيري مع دروب المصادير = لين العلوم التاليه يقبلني

هذي سنه يابدير ولها كواسير = مارايدٍ منهم ولا أحدٍ وصلني

غدا بهم شقر البني الغنادير = يبونهن يرضن لايزعلني

يوم الفرح وأيام عيد المفاطير = وأنا عيوني بالبكا عايدني

وأنا لهنّه بين عذّال ومشير = واسترسلن بالدمع ماشاورنّي

لو إن ماجاني من الربع تقصير = مير السوالف والعلوم تغبني

سوالفي تسمر عليها المسايير = ومثايلي يسمر عليها المغني

قلّه يقول الله يوفقهم الخير = وانا عسى الله يرفع الباس عني

ولها على رب السماوات تدبير = محي العظام الميته يبعثني

ياما وياما والليالي مقادير = يلّيمن الشمل ويفرقني

مافرّقن من ناطحين الطوابير = أمرٍ من الباري بعد يومرني

والموت له في كل ديره مداوير = واحد ومامور على أنسٍ وجنّي

يالله بعفوك ياحسين التدابير = ياغافي الذنب العظيم اعف عني



[/poet]






[SIZE=5] وهنا قصيده غزليه مشهوره لشاعر عتيبه[/SIZE]

[poet font="Simplified Arabic,4,black,normal,normal" bkcolor="transparent" bkimage="" border="outset,4,sienna" type=0 line=200% align=center use=ex length=0 char="" num="0,black" filter=""]



يامل قلبن من هوى العذب متلول = تلت رشا ملحا طويلن قليبه

تلة رشا ملحا على السيم مفتول = تقفي وتقبل به تروح وتجيبه

عليك ياللي حط بالقلب نشبول = شبيت لك بأقصى الضماير لهيبه

روحي بروحه طول الايام مشغول = وأرخي بقلبي شي ماينحكي به

غروٍ تفاصيله على كل مجمول = شره الحلايا بالعذارا غريبه

مربوع في قيماه بالقصر والطول = هافي حشا كل المناظر عجيبه

مافطّروه خبوز حظرٍ على فول = يتلي سهاف الشول يشرب حليبه

مايشرب الاّ من لبن عطّف الشول = عليه من شبّت شبابه غذيبه

وصدر وحصيله بيّن الوسط مفصول = وإن هب ذعذاع النسيم يغديبه

وعنقٍ طويل وقرن أشقؤ ومجدول = ذيل أشقر يكسر حوافز سبيبه

وليل تبسّم عن ثمانٍ كما اللول = يودع صناديق الظماير حطيبه

والعين عين أشقر الريش ناجول = حرٍ علي برق الحباري مصيبه

خفاق صفاق خطيرٍ على الجول = أهواي مخلابه جروحه عطيبه

جاني يتهذلف له بمقطع وبلبول = مقطع حرير وشيلته يغتطي به

تهذلف اللي وخرها الريم جهجول = مع غبّة الربه مسيبه مغيبه

يرعى طرف خدٍ من الوسم مسيول = مجهول من غب المطر ماوطيبه

خزّت وفزّت شافت الخد منزول = خافت وشافت واستذارت رعيبه

حازت مع الحزم البراحه عن الغول = تعطي مصاقيل البراح وجذيبه

هذي تفاصيله على كل ماقول = يفرق على غيره عنا من بليبه

قالوا لي أنسه قلت ماهوب معقول = قالوا نسيك وقلت له مايعيبه

الحب من بين المحبين بوصول = مارضى ولا يرضى علي الغليبه

لاسلت عن غيره ولاني بمسيول = دايه دوايه طب روحي طبيبه

ان عالج الدا بالدوا منه مكفول = وليا تحمّل ذنبي الله حسيبه

علاه باب القلب مغلق ومقفول = ومفتاح باب القلب لامى حبيبه

ارسلت لي يمه ثلاثين مرسول = مامنهم اللي راح ماقال اجيبه

اول مراسيلي لهم قارع الحول = واتلااهم امس وكلهم في المغيبه

لاشك مايقض الغرض كل مبدول = ابطوا ومرسول البطى منه ريبه

ولا الرجال اللي صناديد وزحول = عيّوا وخطوتهم عليّه صعيبه

وأنا تعرض لي نشابيل وشتول = مدري نصيبي فيه ولانصيبه

[/poet]




[SIZE=7] ويقول أيضا [/SIZE]

[poet font="Simplified Arabic,4,black,normal,normal" bkcolor="transparent" bkimage="" border="outset,4,sienna" type=0 line=200% align=center use=ex length=0 char="" num="0,black" filter=""]


صاحبي سمر الكفر دونه يبيدي = من رهاريه الرمال يبيّدنه

والخطوط اللي تروّح في البريدي = تنقطع من دون خلي مايجنّه


والخطوط السود والفرت الجديدي = إن سلمنا من خطرهن ياصلنّه

والخطر والخط الاسود والحديدي = علّم السواق لاياثق بهنّه

والله اللي يقتضي فيما يريدي = لاتظنن والقدر مافيه ظنّه

ماخلقت الا شقي ولاسعيدي = حطك الله بين نار وبين جنّه

ماعليك من القريّب والبعيدي = القريّب والبعيد يقربنّه

ان عطيته راحته هل من مزيدي = وان ترسته بالتروس يثقلنّه

ماأزين المرواح صوب ديار سيدي = والدركسون اليدين يلاعبنه

ناصٍ اللي كنّها عنز الفريدي = ياثمر عودأدميٍ جا من مغنّه



[/poet]




[COLOR=orangered][ALIGN=CENTER] وسلامتكم [/ALIGN][/COLOR]

سلمت ياابوسعود وصح لسان شاعرعتيبة الكبيرعبدالمعين بن عقل الثعلي وامده الله بالصحه ..

الله يسلمك ويعافيك أخي المشرف العام الحصان

:)

[COLOR=purple][SIZE=5][ALIGN=CENTER]مشكور أخوي الغالي ابو سعود الروقي


وبيض الله وجهك يا الغالي [/ALIGN][/SIZE][/COLOR]

شكرا يامشرفنا العام النايف على هذا التشجيع :)

وهذه قصيده أخرى لشاعرنا الكبير

[poet font="Simplified Arabic,4,white,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]

لاضاق صدري قلت يا قاسمت خيـر = سج القدم يمشي على غيـر داعـي
عديت للعالـي بعالـي النواضيـر = وادله ليا شفته على الحزم اشاعي
واسهروساهرت النجومالزواهير= لامايجي للفجرنوروشعاعي
قالولي ابله قلت ياهل التفاكير= هاذي علوم اهل العوم الضياعي
وانا مغير مولع القلـب يـا بديـر = اشـري وابيـع مشترايـه وباعـي
والله مغير اصخر القـاف تصخيـر = تصخير مادوب العصا لين اطاعـي
ومن دق به مثلي هجوس وحواشير = يضيق بـه لـو الطريـق اتساعـي
امقابلن خضـر الودايـاالمهاجيـر = على حفافـن بيـن حـره وقاعـي
والله لو ان الغرس والقصر والبيـر = تمشي على مافـي هوايـه وناعـي
عن ديرتن فيهـا تـدب الجعاريـر = وفيها الدجاج وماشبـه لـه يعاعـي
لشدوانزل في مرب الخواوير= وامشي مع الحزم السماح الوساعي
ليااختلط نبت الزهروالنواوير= غزيت في العبله عمود الشراعي
غربن من النفره جنوب المخاضيـر = شرقن من الفيضه شمال الكراعـي
ياويـل مرباعـن بهـاك النهابيـر = وياوي سلفانن بهـا القلـب ياعـي
تلقا بها سمـر البيـوت الدواويـر = سمر البيـوت مثولثـات الرباعـي
بأطرافهـا كنه قصابـة جزازيـر = يفرح بها الطرقي لياأضرم وجاعـي
واهي بيوتـن متيهييـن المعاشيـر = ألاد روق أهل الطعـون الوساعـي
اللي ابهم شقـح البكـار المغاتيـر = ترعا بهم فالخوف من غيرراعـي
تلقابهـا شقـر البنـي الغناديـر = زرع القلوب لكـل قلبـن ولاعـي
اللي لهن بمولع القلب تاثير= قسمٍ من البنك الكبيرالزراعي
واللي لهن من طب الامراض تقرير= تقرير طبٍ للقلوب الوجاعي
اخـذتلي معهـم مطيـر ومشاويـر = ركضة جهل يـوم الهلـع والدلاعـي
واليوم عنه اقفيت لوهن مناحير= حسم ٍلحل المشكله والنزاعي
واقفيت عنه اقفاي ركب المعاييـر = واخذت من تالي المحبـه وداعـي
الا بحـب اللـي بنـاري مصاييـر = سمرن على جال المنـاره مقاعـي
يازيـن شبـت نارهـا للمسايـيـر = لجالهـم عنـدي عليهـااجتماعـي
اخـذ بهـم زال الحيـاة التعابيـر = والا انهـا ماغيـر عـبر ومتاعـي
واسند عليهم فـي ليـال المعاسيـر = ويروح شبري في محطـة ذراعـي
والاهي الدنيابربح ومخاسير= يومٍ حدورويومٍ الها ارتفاعي
ولا كل طيرن ينتقلـد علـى طيـر = ولا كل من هام الشجاعه شجاعـي
ماينتقلـد بالحـرار العصافـيـر = ولاينتقلـد بالقـرمـب الافـاعـي
لو قلدواشيٍ علـى شي تغييـر = مايتقلـد بالطبيـعـي صنـاعـي
[/poet]

وهذه بعض الابيات من قصيدته المشهوره في ابن فهيد

[poet font="Tahoma,4,white,normal,normal" bkcolor="transparent" bkimage="backgrounds/17.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يا اهل الونيت اللي جديد (ن) مديله = ورد مديله عام خمس وثمانين
ماوردوه الا لمن يستويله = مامهجوه مدورين البعارين
شيلوا عليه وخففوا من مشيله = من وادي (ن) عله صدوق المقابيل
وادي (ن) لعل الغيث يسقي مسيله = وادي المزارع والنخل والبساتين
سجوا لاطراف الفريع ونجيله = يوم اذن المذن لفرض المصلين
ولا إليا راقد خليلن لخلايله = يسري به اللي يسرى من الليل ثلثين
والخط والله مايبيله دليله = خط الجنوب اللي عليه الشيابين
تلقى المجالس والبيوت الضليله = وهذي عوايدهم من اول وهالحين
اهل بيوت (ن) مدورين الجميله = في واجب الدنيا وفي واجب الدين
سلم على فيحان شيخ القبيله = شيخ القبيله والقبيله مطيعين
وقله يابو نواف زبن الدخيله = يا كاسب الجملا اولوف وملايين
مشكور في مد العطايا الجزيله = وألكم على صنع العطايا قوانين
مهوب رديان الوجيه البخيله = هرامة المجلس كروه المعاطين
ولا انت من ساس الحصان الاصيله = هذال اخو هملا صعوط المجانين
زيزوم نمر مثل نبو الرفيله = لشد ناصيهم يشدون مقفين
وألهم على بوش الضديد تحويله = يردون الصادرين المغـبـيـن
مروين مذلوق الرماح الطويله = لامثالهم وامثالهم مستعديـن
وأليا عصوهم للعصاة الاصيله = للحق للذي قر قرت موازين
[/poet]

وهذه قصيدته المشهوره يابدير مزين شبّة العصر للنار





[poet font="Simplified Arabic,4,black,normal,normal" bkcolor="transparent" bkimage="" border="double,4,sienna" type=0 line=200% align=center use=ex length=0 char="" num="0,black" filter=""]
يابدير ما ازين شبت العصر للنار = لمالت الفيه وحار الظلالي
وهب البراد وسير الجار للجار = وجات السوالف بين غالي وغالي
سوالف (ن) بين النشاما لها كار = ليا مشى فنجال بيض الدلالي
ربعن لهم مع شبت العصر مسيار = ذولا بني عمي وذولا خوالي
يرجعبهم قلبي لياسج وحتار= وتدله بهم عيني لياضاق بالي
افخربهم واجهربهم شق وشعار= وادحم بهم وازحم بهم دون حالي
كم هازهم رمحٍن وخلوه قنطار= وكم رازهم من واحدن واستقالي
ياماتقاضومن عميلن ليابار= قولن لياقلته يصدق مقالي
جمال التخوت مفدرت كل هدار= فتخان الايدي للحمايل جمالي
انا علي اكلفلها بن وبهار = وانته عليك تقوم وتشبها لي
في فيّ قصر(ن) يوم ضل العشي حار = لابدنامن غيب سمر الليالي
لابد من يومٍ به القصر ينهار = ولا نموت ويصبح القصر خالي
ويبقى لمن يبقى على طول الاعمار = وانا نزل غيري وحل ارتحالي
مرت على غيري تراديد ومرار = لاشك مامرت عليه لحالي
ياربي اغفر زلتي وانت غفار = بحسنا جلاله ياعزيز الجلالي
يامن شمل عفوه وعطفه هل الغار = ويامن رست بأمره رواس الجبالي
يالخالق الباري وياالنافع الضار= ياوارث الدنياعليك اتكالي
ماكل ليل(ن) من ليالي أبو سرار = ولادامت الدنيا ببسط وعدالي
يوم(ن) لها اقبالن ويوم(ن) لها أدبار = كم فرقت ما بين غالي وغالي
وليا اقبلت عسلج زهرها بنوار = رجعن يعله كل يوم(ن) خيالي
ياما قطف جنايها من الاثمار = وياما شرب منهاالقراح الزلالي
عشاقهاتضرب له الزمروالطار= وقامت تزهنقله بحسن وجمالي
ولياادبرت عجلن فلكهاليادار= تدرجبه ادراج الرشا للمحالي
ياماسقت من واحدن كاس الامرار= ويامانشاء فيها شبابٍ وزالي
كم عاش فيها من طويلين الاشبار = قوايد الهيجا زحــول الرجالي
اليوم مامنهم على الحزم ديار = هذي منازلهم خلين تلالي
ماكنهم كانو ولاصارماصار= راحوهباً منثورتحت الرمالي
حطولهم فيها عقارات وامدار = وهي دامره وعظام اهلها بوالي
ماكن فيها الهم منازل وميثار= وابوك دنياً مالك اول وتالي
تلعب لياليهابعميان الابصار= لوبرقت فيهالهلهااحتيالي
يا بدير لا تمشى على همش الاخبار = تروح منها بين سين وسوالي
تروح منهافي طويلات وقصار= يكفيك منهادون الاقصاالموالي
وليا جفاك الدار غيره مية الدار = ومناكب الديره عراضن طوالي
ولاتشتشير ابشار من لامعه شار = والعد لاترده بليا مــدالي
وماقل دل وكل شياً بمقدار= ماهيب فوضه كل شياً يكالي
الكيل والميزان لصغاروكبار= شيٍٍ خفيف وشيً منهن ثقالي
ولو مال مع سوق الفضا كله هذار = سولف وفكلها طويل الحبالي
ياخذبغفلات الاجاويدمشوار= يركض على غراتهم مايبالي
حيال ميالٍ مع الهذر منشار = هماز لمازٍ هيال وميالي
لوماينال من الشرف وزن دينار= كنه من امثال ابوزيد الهلالي
وانا بخبره حايط(ن) كل الاسرار = لاهوب لامكسب ولا راس مالي
الناس توخذ بالفوايه والاذكار = وكل (ن) وما حصل على كل حالي
تمت وصل الله على سيد الاخيار = على نبي مرسلن بالعدالي
اعداد ما مالت هماليل الامطار = وماهبت الحايه جنوب وشمالي
وماغرهدالقمري على روس الاشجار= وماهل في عرض السما من هلالي

[/poet]

ملاحظة يا أبوسعود
 

البيت الأول من القصيدة التي مطلعها هات القلم وأكتب على ما أقول لك يابدير خطأ وصحة البيت كا التالي 0

هات القلم وأكتب ما اقول لك يا بدير 0
نرجو التعديل مع جزيل الشكر وتحياتي لك يا أبو سعود 0

أخوك ابن ثعلي
لكن وين قصائد أخو ونياء غير موجودة في المنتداء

سلمت يابن ثعلي وحياك الله في المنتدى :D


ابشر الان اعدلها واشكرك على التصحيح

وجل من لايخطىء


وياليت ايضا انكم تشاركونا بما لديكم من قصائد الثعاليه


وبالنسبه لي فانتظروا قريبا نشر بعض قصائد اخو ونيا الله يرحمه

ويرحم اموات المسلمين


وكذلك انا احاول تجميع قصائده وقصائد زيد الهجاري والبحث عن

قصائد عبدالمعين القديمه .....


وقريبا سننشر قصيده مفلح بن عويد

وتحياتي لكم جميعا وسلم على الربع ;)

نشكر ابن ثعلي على إرسال هذه القصيده

وسنضيفها لديوانه قريبا



[poet font="Simplified Arabic,4,black,bold,normal" bkcolor="transparent" bkimage="" border="ridge,4,sienna" type=0 line=200% align=center use=ex length=0 char="" num="0,black" filter=""]
ارس ياغرس عليك النا مهابه=لاتزعزعك الحرايب والوعيده
الحرايب من على وقت الصحابه=مضحيه ويصيدنا والا نصيده
وان قنع بالحق يوم الحق اصابه=وان جزع واللي يريد الله يريده
لاصحيب ولانسيب ولاقرابه=من بديده وانت عنا من بديده
يجتهد فينا وحنا في هبابه=واذبح الضاوي ويذبحك القعيده
لايظن بزود منا ويهقابه= والله انا اقرب لروحه من وريده
وان بغى يقنع على مابي ومابه=وان بغى كتب الافاده مايفيده
وان بغاه يروح يوم وما غدابه=وان بغيت تولع النار الوقيده
علموهم يامطير ويا عتابه= يحسب الرجال يغدي به جحيده
ما ذبحناهم غلط والا غهابه=عمد واللي ماضي منهم نعيده
سلفة(ن)ردت عليه وسد بابه=في الفقيده ما يسد الا الفقيده
جارنا وكلابنا تنبح كلابه=مانحاوج بالمطاريش البعيده
وان ورد له مارد(ن) نشرب شرابه=وان صدرنصدر ونرده مع وريده
وان بغيت الصلح بين لي كتابه=واطف نار الحرب والهجره مهيده
وان بغيت الحرب بذتك الحرابه= الحرايب قدمنا بذت عبيده
شب نار الحرب والبس من ثيابه=واعذرالحكام واعلن في الجريده
الاسود مع الفهود مع الذيابه=والبحور اللي مغارقها سديده
واحتسب للحرب واصبرفي حسابه=والسلاح جداد والفتنه جديده
ساع ما ركب حديده في خشابه=والفشق مو جودوايامك وجيده
وانت من خنذف وحنا من شبابه=ثم كل عز راسه من عضيده
العتيبي من رهاط ليا اللهابه=والمطيري من طويق الى اللبيده
وانت في لابه وانا في جوف لابه=لابة(ن)تذري محاجيها جويده
من وفا يومه وزلت له وجابه=ما نقص منا الحساب ولا يزيده
وانت لك عامين تلعب بالربابه=كيف تلعب بالربابه والقصيده
تحسب إناماعليك إلنا اقلابه=لو صبرناعنك تحتر الحديده
مير حنا في محاكمة النبابه=في ورود الصك حده وتحديده
ثم والله ماتروح بزود جابه=لين ما يبقى لتاليكم شريده
[/poet]

[مشكور أخوي الغالي ابو سعود الروقي


وبيض الله وجهك يا الغالي :)

مشكووووور
 

[FONT=Arial Narrow][SIZE=5][COLOR=red]مشكووووووور

يابو سعوووووود الروقي


والله لا يهينك

مشاركه رائعه بالفعل[/COLOR][/SIZE][/FONT]

[ALIGN=CENTER][TABLE=width:70%;][CELL=filter:;][FONT=Arial][SIZE=4][COLOR=blue][ALIGN=center]نشكرك يابو سعود الروقي على نشر قصائد الشاعر الكبير عبد المعين ابن عقل الثعلي وهو شاعر غني عن التعريف وتعتبر قصائدة فخر لقبيلة عتيبة كلها لما فيها من الحكم والعبر وذكر تاريخ القبيلة وانه فعلا يستحق الاهتمام بة وتسجيل قصائدة للاستفادة منها والله يعطيكم العافية [/ALIGN][/COLOR][/SIZE][/FONT][/CELL][/TABLE][/ALIGN]

الخيال - هدّاج تيما - الشبلان

أشكركم على مروركم الكريم وعلى هذا الكلام الطيّب وتشجيعكم لنشر قصائد كبار

شعراء القبيله ونحن أيضا نتمنى منكم أن تساعدوا على رفع معنويات هذا القسم وذلك

بنشر بعض مما لديكم سواء من قصائدكم الرائعه او ماتحفظونه من قصائد لشعراء

سابقين ..........
والله الموفق

هلا
 

[FONT=Arial Black][SIZE=5][COLOR=black]لا شكر على واجب يابو سعوووووووووووووووود



وهذا واجبنااااااااااااااااااا


وابشر إنشاء الله باللي موجووووووووووووو د[/COLOR][/SIZE][/FONT]

[SIZE=4][COLOR=darkblue]

الحديث عن شاعر عتيبة / عبدالمعين بن عقل الثعلي ذو شجون واهتمامنا به هو اهتمام بقبيلة عتيبة لانه اهتمام بشاعر قبيلة وليس مجرد شاعر عادي .

وعبدالمعين بن عقل يعرف الجميع كشاعر دافع عن قبيلة عتيبة وذكر انتصاراتها ، بل انه استطاع ان يورخ مجد القبيلة عندما كان الشعر هو التاريخ ،
حيث في العصور السابقة كان لا يوجد تاريخ مدون يوضح امجاد القبيلة ولكن شاعر عتيبة -- عبدالمعين بن عقل -- ارخ انتصارتنا على جميع اعداء القبيلة انذاك بتصوير يوفق الوصف .

واتمنى تعريفنا بتاريخ بمولده ومكانه وعبض التعريف به ن حتى يعرف الجميع معلومات عن شاعر عتيبة .

واحب ان اشكر ابو سعود الروقي اذ طرح هذه الصفحات عت شاعر عتيبة .


اخوكم

الباحث با[/COLOR][/SIZE]

قصيدة سهل القوس المرشدي ورد عبد المعين عليها
 

في السبعينات كان هناك نزاع على الحدود بين العقاليه من مطير والثعاليه من عتيبه0 وتطور الى تبادل قتل الانفس اما اليوم بفضل الله وولاة امرنا وعقلاء القبيلتين فقداصبحنا اخوان متحابين ولله الحمد

0بعد قتل الثعلي وقبل قتل المطيري ارسل سهل القوس هذه الابيات



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

ياراكب اللي عليهاخرج ودلالي= راعيه يقدى نجوم الليل مسراه
سلم على اهل الفريع وخص من غالي=وسلم على اهل النجيل ومن حولاه
يامشترين الاماني بثمن(ن)غالي=ايامكم نقص ما فيها مساواه
قبيلكم يشتكي في فرق وجمالي=وانتم فقايدكم ارقاب مسماه
يوم يجي يفرق الغالي عن الغالي=ومن طاع شور الهزالا اللوم ياطاه

[/poet]
وعند ما وصلت عبد المعين اجل الرد عليها حتى استدوا الثعاليه في قتيلهم ورد بهذه القصيده
[poet font="Simplified Arabic,4,black,normal,normal" bkcolor="transparent" bkimage="" border="none,4,sienna" type=0 line=200% align=center use=ex length=0 char="" num="0,black" filter=""]

سريانديبي تولم فوق مرمالي=حرة شمال لها عام معفاه
حمرا ليا طالعت زود الحقب ذالي=تشدي فريداعطاله راس مقراه
اسلم وسلم على اللي يحتم التالي=على سهل لااختفى ذكره وطرياه
تلقاه في مجلس ينشط له البالي=كيف وبيت على الطالات مبناه
قله نديبك وصل يا طيب الفالي=سلم وعلم ووصل العلم منهاه
تسبني ياسهل ما ادري تويالي=مدري من الغيض جاء قلبك من اقصاه
واناوحيد بلا عوان والحالي=وازريت اناح الخصل من كل مجهاه
والله لكافحتها بالمال والحالي=وكل عطيناه منهم داه برداه
احد قريب ويضحك لي وينيالي=وليا نبح كلب تنبحني ضراياه
واحد يبى منزلي في الماقع العالي=واحد يباني تحت خفه وماطاه
واعرف رفيق الغضب لو يتحلوالي=واعرف رفيق الرضاوامشي بممشاه
لاشك ما اخبرغدالي شي من مالي=وليا غدى شي رحنا له وجبناه
مال بمال ورجال برجالي=والحق ملحوق لوانك تباطاه
صنف بصنف وكل اريال بريالي=والحر قي شقت الخنزير اخنذناه
حقي من الحق ماخليت يبقى لي = مجزاي واللي بقي كل ومجزاه
النا مع الحق مطلاع ومنزالي = والنا ورى الحق للمخطي محاماه
عقال عيات عراف وجهالي = عقال للي يعرف الحق وعياه
ياماقطعنا شراب المر بالحالي = وياماسقانا الحريب اللي سقاناه
[/poet]

سلمت ياإبن ثعلي وسوف يتم نقل القصيده إن شاءالله لديوان شاعر عتيبه

:)

مشكووووووووووووووووووووور
ابو سعود سلمت يداك ولا يهونون الاخوان اللذين شاركو والله يعطيكم العافيه

انا من زمان ادور هالقصايد

ووالله ونعم بشاعر عتيبه

نشكر ابو سعود وماقصر

ونعم بشاعرنا الكبير

والله ونعـــــــم مايختلف علية اثنين ويعتبر من شعراء الجزيرة العربية مهو عتيبة وياليت لو توضع كل قصايدة في المنتدى ويستفيد منها بني عمه وغير هم

نشكر جزيل الشكر العضو الشاعر أبوسعود وندعوا لشاعرنا الكبير بالصحة والعافية وأن يحسن الله له الختام


[align=center]الهــــــــــــلالـــــــــــي[/align]

شكرا اخي / ابو سعود على المشاركه بهذه القصائد الرائعه للشاعر الكبير / عبدالمعين بن ثعلي ..والتي كلها وبدون استثناء تتميز بجزالة المعاني .. وجمال وحسن الاوزان والقوافي.

ولدي استفسار اذا لديك اجابه او لدى الاخ / بن ثعلي عن قصة ومناسبة احدى قصائده التي يقول في مطلعها:


ارس يا غرس عليك النا مهابه××لاتزعزك الحرايب والوعيده


والتي يقول ايضا في آخرها:


العتيبي من رهاط اليا اللهابه×× والمطيري من طويق اليا اللبيده

واذا المناسبه غير معروفه فان الشاعر الكبير ما قصر فالمعنى واضح .. وللجميع خالص التحيه.


ذيب المراقيب

مشكور اخوي ذيب المراقيب على المرور
ومناسبة القصيده نزاع بين المطران والعتبان على اراضي في الحجاز
تحياتي

مشكور اخوي / بن ثعلي ..على التجاوب .


تحياتي,,,,,,,


ذيب المراقيب

[align=center]الاخ ابو سعود
مشكور وبيض الله وجهك على هذه القصايد الجميلة
ويسرني ان تكون أول مشاركة لي في المنتدي ان تكون قصيده لشاعرنا عبد المعين ابن عقل العضياني[/align]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يا اللي كل حيٍ يسيله = وانته رجاهم يا رجا كل طلاب
فضلك ولا فضل الوجيه البخيله = وليا التجا بك واحدٍ منك ما خاب
يا من شمل عفوه لمن يلتجي له = ويا من ثنا عطفه لعبده ليا تاب
انت الطبيب لمن تبي تشتهي له = طبيب من لا ينفعه طب الاطباب
يشفي شفاك اهل القلوب العليله = داها دواها منك يا رب الارباب
اللي تبا منها تزيله تزيله = واللي تبا تشفيه تجعل له اسباب
كثر الوصايا يا فهد ويش هي له = ما قل دل وما كثر منه الاتعاب
وترى عمود البيت ما يرتكي له = ان كان ما قامت ركونه بالاطناب
وبيتٍ بليا اوتاد ما ينبني له = وبيتٍ عموده لاش فيه الخرث عاب
اوصيك بالخمس الفروض الفضيله = فرضٍ على عبده على حق وكتاب
والصبر مفتاح الفرج والجميله = يفتح لبيبان الجميله مية باب
ومصالحٍ بين العميل وعميله = ما كف قدام السبب حبل الاسباب
ومفرق الاسباب ما ينجزي له = يشمل له امور مالها عد وحساب
ومن لا وقف بالراي دون الدخيله = بالحق ولا الحق ما عنه مجناب
الحق خصم الخصم ما فيه حيله = والهرج يطلع فيه صادق وكذاب
وليا وطاه الحق ما ينبكي له = يصبر لحكم الحق والحق غصاب
لو ان في عينه سوات المليله = وفي القلب ملهاب وفي الكبد مشهاب
واللي بغير الحق لا ترتخي له = لاشك ما ترد الخمالي على الداب
ومن قض رجلينه لجحر النثيله = خطرٍ عليه من الافاعي بالانياب
واحذر هروج اللي يسحّب شليله = وظيفته نقل الحكى بين الاقراب
عندك حكى فيهم يبيك اتحكي له = حرصٍ على غرة رفيقه ليا غاب
يبي يميلك الخطا لا تميله = بالك تعارض ما يودي وما جاب
خلّه يروح ولا تعارض سبيله = يمشي على دربه ويلقى له اصحاب
وليا حصد زرعه وحصل حصيله = أما فرح ولا خبث منه ماطاب
وترى مواري اهل القلوب الهبيله = تلقاه فوق الماء بخنجر ومشعاب
ما غير في دجايا الفيافي الظليله = راقد ولا هندب ضميره بهنداب
يكفيك نضح اللي يجي من صميله = ايناشي الحادث على كل مضراب
مفتاح باب اسباب شر القبيله = خبلانها تفتح لها باب الاسباب
والشر صابونه ونار وفتيله = لو ثوّروا به في صخور الحصى ذاب
والشر واسبابه حبالٍ طويله = تشمل لها ناسٍ مدلي وجذاب
اول مناشيه العلوم القليله = واتلاه يومٍ تلتحم فيه الارقاب
وليا تناشت بالحمول الثقيله = كلٍ شمت حظه بما اخطأ وما صاب
ونشأ ورفي له وكلٍ يجي له = و حوّل بسوق المجزرة كل قصاب
ومالت هماليله وجها مخيله=في ساعته موسم طويلين الاشناب
وجاء للرحل غيره جمالٍ تشيله = و اشتاله المرحول مع شد الاصحاب[/poem]

مشكورين على جمع الفصيد الجزل والله يعطيكم العافيه

[align=center][size=3]مشكور اخوي ابوسعود على هذه المقدمه

الجيده لهذا الشاعر الذي نفتخر انه من شعراء

الهيلا والحقيقه تقال قصايد جميله ورايعه[/size][/align]

الله لايهينكم على هالقصايد لشاعرنا الكبير عبد المعين بن ثعلى وفعلا شاعر وكبير القبيله وارجو ان يتم وضع ديوان له يجمع قصايده وياهل الحجاز عطونا من قصيده