إحتفال عتيبة بقدوم سلطان الخير
 

[center][color="#ff0000"]اخواني الاعزاء من اعضاء اللجنه الشعريه وشعراءنا الكرام

من منطلق حرص ادارة منتدانا الشامخ للقيام بواجباتهم اتجاه هذا الوطن المعطاء

فان الوطن في الايام القليله القادمه سوف يحتفل بمناسبة قدوم الامير سلطان بعد غيبته

الطويله للعلاج والحمد لله الذي منّا علينا بشفاء ولي العهد0

ولشعر في مثل هذه المناسبه حضور بلاشك ولان منتدانا يظم كوكبه من الشعراء المبدعين

نرجو منهم التفاعل مع هذا الموضوع ووضع القصايد التي تخص هذه المناسبه الغاليه على

قلوبنا جميعاً[/color][/center]

[center]وهذه مشاركتي المتواضعه بخصوص هذه المناسبه[/center]
[poem=font="simplified arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تباشر الشعب السعودي بسلطان=تباشروبه شيبهم مع شبابه

ولي عهد المملكه طير حوران=كلن فرحبه يوم جا من غيابه

ياسيدي غنالك الكل طربان=مشاعرً ماتنحصى بالكتابه

لوقربوعندي ثمانين ديوان=ماحصيت ربع اللي فوادي حضابه

وكلن فواده من محبتك مليان=من البحر لين الخليج انتهابه

ومن الحديثه لين طبيت نجران=كلن يقول الحمد للي لفابه

شعبً دعى في غيبتك سر وعلان=ويارب دعوة خيّرٍ مستجابه

من دونها ماصك للعرش بيبان=اليانوى للعبد طبً شفابه

والشكر للمعبود حنان منان=وشعبك سعيد بجيتك لاغرابه

مامدة اكفوفك سواء بر وحسان=ياامير مداً ماطمعت بثوابه

الامن الله وانت للخير عنوان=لمسابق الخيرات مالك مشابه

عطفك شمل رمل وفقارى ويتمان=وتعاملك معهم بلطف وحبابه

الله يمد بعمرك ازمان وازمان=ياامير يارمز الوفا والمهابه

تبقى لبومتعب على الحكم عوان= وابو المصاب تعوضه في مصابه

ابوً رحيمً طيب القلب سلطان=سلطان سلطان السعد مرحبابه[/poem]

الله اكبر


صح لسسآنك يافهيد والله لا يهينك على هذه النافذه الجميله


وفي انتضآر شعراء عتيبه


كل الود


/


،

[quote='[ نايف العتيبي ];872801']الله اكبر


صح لسسآنك يافهيد والله لا يهينك على هذه النافذه الجميله


وفي انتضآر شعراء عتيبه


كل الود


/


،[/quote]
لاهنت

[center]يانايف

وصح بدنك

تحيتي وتقديري[/center]

صح لسانكـ يا فهيد والله يقوينا ويقوي من يقدر على المشاركه ولا هم مقصرين

وهدا واجب من واجباتنا تجاه وطننا وولاتنا حفظهم الله



لا هنت يالقرم

نحمد الله على سلامة سمو ولي العهد وننتظر عودته إلى أرض الوطن سالماً معافا


وبيض الله وجهك يابو مقعد وشعار عتيبة كفو وان شالله مايقصرون وهذا واجبهم


وصح لسانك على قصيدتك الرائعه


ومتابعين للقصائد والابداع...

صح لسانك يابو مقعد وبيض الله وجهك

قصيدة رائعه


ونحمد رب العزة والجلال على سلامة ابو خالد والله يطول بعمره


بإنتظار قصائد الشعار وإبداعاتهم واقول عساكم على القوة


الله يعطيك العافية اخوي فهيد على الموضوع


احترامي

لاهنت إخوي الغالي

[color="red"]فهيد الرويس[/color] ..

وأشكر لـ الجنة الشعرية جهودها الرائعة ..

وأقل من الواجب هذا الإحتفاء بقدوم سلطان الخير ..

ونحمد الله على سلامة ولي العهـد ..وبإنتظار تفاعل الجميع وترجمة صادق شعورهم ..شعراً أو نثراً ..


وعلى القوة وأهلاً بـ [color="red"]سلطان [/color]الخير ..

صح لسانك فهيد
وحمدالله على سلامة ألف

[quote=سيف العضياني;872873]صح لسانكـ يا فهيد والله يقوينا ويقوي من يقدر على المشاركه ولا هم مقصرين

وهدا واجب من واجباتنا تجاه وطننا وولاتنا حفظهم الله



لا هنت يالقرم[/quote]

[center]صح بدنك

ياسيف

لاهنت على التواجد

تحيتي وتقديري[/center]

مشآركه بسيطه وأقل مانعبر به عن مشآعرنا



/



،


[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بحرف السين سلطآن وهلآبه = سلامة قآتل الفقر وعذآبه

بحرف اللآم لامن جيت ابوصف = له شعور العرب فترة غيآبه

بحرف الطاء طبعاً ما تكفي = طويل العمر اقلآم الكتآبه

اذا جينآ الألف احب اوضح = احاسيسي وشعوري في جنآبه

بحرف النون نعلم وانت تعلم = نحبك كلبونآ يا عتآبه

نحبك يا ولي العهد والله = كلآم الشعب اقوله بالنيآبه

بخمس حروف غذيت القصيده = باسم سلطآن وبعز ومهآبه

بخمس حروف مثل اللول جتني = ومثل غيثٍ تقافى لي سحآبه

[/poem]
/


،



نايف تراحيب العتيبي


كل الود

[font="comic sans ms"][size="6"]يامال العافيه يافهيد دائما متميز والله يعطيك الف عافيه على هذه البادره الطيبه ولي عوده بابيات ان شالله[/size][/font]

[center][color="#ff0000"]صنداح الزلامي[/color][/center]
[poem=font="simplified arabic,6,black,bold,normal" bkcolor="white" bkimage="" border="double,4,limegreen" type=1 line=0 align=center use=ex num="0,black""]
الوطن مشتاق وقلوب البشر مشتاقه =انتباشر كلنافي سيدي سلطاني

الكريم اللي يمينه بالعطاء دفاقه = والزعيم الصامل اللي يقهرالعدواني

سيدي مثل السحاب ليا اشتعل براقه = يحيي الارض الدهور ويروي العطشاني

لو ابشرح عن وفاه وميزته واخلاقه = كان ابا خذلي سنه والشرح ماكفاني

له يمينٍ بالجمايل والكرم سباقه = مزبن المظهود ابو خالدرفيع الشاني

كم يتيمن شامله عطفه وخيره ذاقه = والفقير اللي يعانى الجوع والمرضاني

والكبير اللي على دنياه ماله طاقه = فضل ابو خالد عليهم كلهم منداني

احتضنهم بألسخا وكفوفه العملاقه = الكفوف اللي ترجح كفة الميزاني

والسعدبيدين ابوخالد بعد خلاّقه =وحكمة الرب الكريم وفزعة الشيهاني

ياولي العهد لك من جاش صدري باقه = درةٍ مضمونها حبي وقول الساني

الولا ء والحب وافراح الوطن واشواقه =امطرت مثل المزون وجالها هتاني

والقصيد اللي ضمير ي من ولايه ساقه =كلها تعبير عن حبي لك ووجداني

أسعد الله ساعةٍ فيها الخبر واوراقه = وأسعد الله جيتك ومرافقة سلماني[/poem]

[center][color="#ff0000"]حجب العصيمي[/color][/center]
[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سلامتك ياسيد الجود سلطان = ياسيدي دامت عليك العوافي

ولي عهد المملكة طير حوران= نفرح ليل شفناك جيت متشافي

الشعب يدعي لك شيوخ ٍ وشبان =ليل ونهار وفالجهر والخوافي

يابو اليتيم وراعي البر واحسان = ياطيب ٍ بالطيب والجود وافي

مدات كفك كنها وبل الأمزان = التي تباشر به فجوج الفيافي

تضرب بك الامثال في كل ميدان= أنت الشهامه والكرم والعفافي

بشوش متواضع للاقصين وأخوان = ربيع من جالك من البعد لافي

ألطف من الغربي ليا هز الأغصان =أمضى من حدود السيوف الرهافي

ياكثر ماتنفق وتعطي على شان =أهل الجوايح والمرض والضعافي

وياكثر من يغليك في كل الاوطان =عسى المرض لاعاد والله يكافي

يا قل مثلك ياسلايل كحيلان = وتعجز عن أفعالك بحور القوافي

تسلم يابو خالد على مر الازمان = وترجع لنا طيب بخير متعافي

وصلاة ربي على النبي نسل عدنان =عداد من زار الحرم ثم طافي[/poem]

اشكر جميع

من اسعدني بتواجده

لاهنتوجميعاً

تحيتي وتقديري

تفاعل طيب وقصائد رائعة من شعراء شبكة عتيبة

وعساكم على القوة ياعتيبة

صح لسانك يافهيد


والحمد لله على سلامة الأمير سلطان


مشاركتي بهذه المناسبة


[url]http://www.otaiby.com/vb/showthread.php?t=51245[/url]



تحياتي


.

نحمد الله على سلامة الامير سلطان والفرحه والله ماتاسعنا



هذي قصيدة ساهر واعذرونا على القصور

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غنى الوطن ودموع عيني ذرفن=فرحه بمقدم سيدي ذرب اليمين
والدار لبست ثوبها غالي الثمن= والشعب لقدومه يصفق باليدين
شعبً تجرع مر (عام من الحزن )=والحمد للي بدل المعسور لين
وهذا حدث فاخر من احداث الزمن=وساهر يسجل موقفه للحاظرين
بقصيدةٍ عنوانها (عودة وطن )= والحمد للمعبود رب العالمين
مثل الذهب قيراط وعيار ووزن= للي لكل الشعب (ثالث والدين)
ياسيدي ماينحصي لله منن=بعودتك ياسلطان درع المسلمين
ياللي جهودك واضحة سر وعلن=للملكه والشعب من ماض السنين
انهارك اللي جاريه ياما عطن=بالجود للمحتاج واطلاق السجين
لك كل شي يقودني ويقول (غن) =ياللي لكل الشعب (ثالث والدين)
[/poem]

تفاعل جميل ورائع ..


ونحمد الله على سلامة [color="red"]سلطان الخير[/color] ,,

وصحة ألسنتة شعراء منتديات عتيبة ..

وعلى القوة ..

[color="red"][size="5"]اللجنه الشعريه


يعطيكم العافيه ولله دركم


افكار نيًره وشعور نابع من حب الوطن


فهيد الرويس


صح لسانك


لجميع الشعراء


قواكم الله وناطرين تفاعلكم [/size][/color]

[color="red"][size="5"]صنداح الزلامي


حجب العصيمي


عادل العصيمي


الساهر


بيض الله وجيهكم


قصائد رائعه


لاهنتم [/size][/color]

صح لسانك يابو مقعد

والحمدلله على سلامة سلطان الخــــــــــــير

*************************************

[quote=شيخـ الشيوخ;874705]تفاعل طيب وقصائد رائعة من شعراء شبكة عتيبة

وعساكم على القوة ياعتيبة[/quote]
[center]
الله يقويك

ياشيخ الشيوخ

تحيتي وتقديري[/center]

[quote=عادل العصيمي;874733]صح لسانك يافهيد


والحمد لله على سلامة الأمير سلطان


مشاركتي بهذه المناسبة


[url]http://www.otaiby.com/vb/showthread.php?t=51245[/url]



تحياتي


.[/quote]
[center]صح بدنك

وصح لسانك

ياعادل

والحمدلله على سلامة ولي العهد

تحيتي وتقديري[/center]

[quote=سااهر;874753]نحمد الله على سلامة الامير سلطان والفرحه والله ماتاسعنا



هذي قصيدة ساهر واعذرونا على القصور

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غنى الوطن ودموع عيني ذرفن=فرحه بمقدم سيدي ذرب اليمين
والدار لبست ثوبها غالي الثمن= والشعب لقدومه يصفق باليدين
شعبً تجرع مر (عام من الحزن )=والحمد للي بدل المعسور لين
وهذا حدث فاخر من احداث الزمن=وساهر يسجل موقفه للحاظرين
بقصيدةٍ عنوانها (عودة وطن )= والحمد للمعبود رب العالمين
مثل الذهب قيراط وعيار ووزن= للي لكل الشعب (ثالث والدين)
ياسيدي ماينحصي لله منن=بعودتك ياسلطان درع المسلمين
ياللي جهودك واضحة سر وعلن=للملكه والشعب من ماض السنين
انهارك اللي جاريه ياما عطن=بالجود للمحتاج واطلاق السجين
لك كل شي يقودني ويقول (غن) =ياللي لكل الشعب (ثالث والدين)
[/poem][/quote]

[center]صح لسانك

وفيت وكفيت

ياساهر

تحيتي وتقديري[/center]

[quote=ناصر بن سعدي;874761]تفاعل جميل ورائع ..


ونحمد الله على سلامة [color="red"]سلطان الخير[/color] ,,

وصحة ألسنتة شعراء منتديات عتيبة ..

وعلى القوة ..[/quote]

[center]الله يقويك

يابوتراحيب

وصح بدنك

تحيتي وتقديري[/center]

[quote=اصايل;874771][color="red"][size="5"]اللجنه الشعريه


يعطيكم العافيه ولله دركم


افكار نيًره وشعور نابع من حب الوطن


فهيد الرويس


صح لسانك


لجميع الشعراء


قواكم الله وناطرين تفاعلكم [/size][/color][/quote]


[center]الله يعافيك

يااصايل

وصح بدنك

لاهنتي على التواجد

تحيتي وتقديري[/center]

[quote=هدى الهيلا;874794]صح لسانك يابو مقعد

والحمدلله على سلامة سلطان الخــــــــــــير

*************************************[/quote]

[center]صح بدنك

ياهدى الهيلا

تحيتي وتقديري[/center]

[font="comic sans ms"][size="6"]يابو خالد غلاتك عند شعبك بالعروق تسيـر
ومرجاعك لنا طيب نعـده عيـد الاعيـادي
ياسلطان السخا ياسيـدي ياقاتـل التعسيـر
ونهر الجود ينبع من يدك ويبـل الاكبـادي
وطيبك مضرب الأمثال غنى فيه حتى الطيـر
حكيم القول زين فعول حد السيـف للعـادي
كبير السن يدعي لك ويدعي لك غرير صغير
غريرً مات ابوه وصرت ابوه وعون وانجادي
هذا غير المعاق اللي دموعه بالجفون تحير
كسيته طال عمرك بالسرور ثيـابً جـدادي
ولا ننسى الرقاب اللي سعيت لعتقها يااميـر
عوضها نور بالدنيا ويوم العرض يـزدادي
بغيت ازيـد واعـدد فعولـك ياذرانـا ميـر
فعولك مثل قطر الغيث مـا للقطـر عـدادي




مشاركه بسيطه لي[/size][/font]

صح السنتكم يا شعراء قبيلة عتيبة والحقيقة قصايد جميلة مميزة جزله من رياجيل جزلين

تقبلوووووووووووو تحياااااااااااااااااااااتي

صقر عتيبة

[center]نقلت المتواضعه لكم هنا تفاعلاً مع الموضوع
ولا هنتوا وعلى القوه[/center]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عسى ربي يقدَر ثم يجمَل من عهـد بالصـون=يصون ويحتمي ما حام حـول احمـاه نقَـادي
على طولك وعرضك يا بحر واحد هو المكنون=ولا كنَيت غير الغالـي اللـي كنَـه افـوادي
تقدَرنـا وقدَرنـا القـدر يـا ربَنـا بالـعـون=بنات الفكر من هول الخبر سـرداد مـردادي
تخنق الشاعر العبره على طاري فقيـد الكـون=وتنشب في مريره لا طلـوع ولاش مقعـادي
شعاع النور شعَ ومرحبا بليـون فـي بليـون=تراحيبن وعمَت شرق غرب وكامـل ابـلادي
سليل المجد وامجاده تمجَد مـا لحقـه ظنـون=مجيد ومنه تاريخ الوطن مضـرب للامجـادي
عليك الله وامانه في حلالـك كلبونـا اعيـون=سهيره ما تغض الطرف عنك ولا تبى ارقادي
ملكت اقلوب شعبك والوطن يا سيَدي ممنـون=ندين الكم وفاكم سيدي جـدن علـى اجـدادي
على عز ومعزه يـا وطنَـا منزلـك بالنـون=حماك الله ورد الشـر والكيـده لمـن كـادي
وهلا يا مالكن شعبه هلا من صادقن مضمـون=ضمانه من ضمانه يا هلا مـن زود تـزدادي [/poem]

[poem=font="simplified arabic,5,green,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
سلطان ياسلطان سلطان سلطان=يامرحبابك ياهلا فيك وأهلين
فيك الوطن غنى على كل الألحان=وإلك المشاعر كلبوها دواوين
جيت وتنومس بك من الشعب بطران=في شوفتك كن المطر صب ذالحين
الحزن روح والفرح عيد وأزمان=والكل يضحك ليش من شآن عيدين
عيد الضحيه فات له قد ماكان=واليوم ثالث عيد عيد المحبين
غنى لك الشعب السعودي يالإنسان=وهنوا بك إشعوبن تحبك ووافين
تو الفرح يرسم على القلب نيشان=سهم الفرح من رجعتك فالشرايين
والله مامثلي سوى شعب ولهان=شعبن طواه الشوق من غبت للحين
جيت وتنومس بك من الشعب سلطان=يامرحبابك ياهلا فيك وأهلين[/poem]

[quote=رائد العالي;875127][font="comic sans ms"][size="6"]يابو خالد غلاتك عند شعبك بالعروق تسيـر
ومرجاعك لنا طيب نعـده عيـد الاعيـادي
ياسلطان السخا ياسيـدي ياقاتـل التعسيـر
ونهر الجود ينبع من يدك ويبـل الاكبـادي
وطيبك مضرب الأمثال غنى فيه حتى الطيـر
حكيم القول زين فعول حد السيـف للعـادي
كبير السن يدعي لك ويدعي لك غرير صغير
غريرً مات ابوه وصرت ابوه وعون وانجادي
هذا غير المعاق اللي دموعه بالجفون تحير
كسيته طال عمرك بالسرور ثيـابً جـدادي
ولا ننسى الرقاب اللي سعيت لعتقها يااميـر
عوضها نور بالدنيا ويوم العرض يـزدادي
بغيت ازيـد واعـدد فعولـك ياذرانـا ميـر
فعولك مثل قطر الغيث مـا للقطـر عـدادي




مشاركه بسيطه لي[/size][/font][/quote]

[center]صح لسانك

وعتلاشانك

يارايد

لاهنت يالغالي

تحيتي وتقديري[/center]

[quote=صقـر عتيبـة;875141]صح السنتكم يا شعراء قبيلة عتيبة والحقيقة قصايد جميلة مميزة جزله من رياجيل جزلين

تقبلوووووووووووو تحياااااااااااااااااااااتي

صقر عتيبة[/quote]
[center]
صح بدنك

نيابه عن شعراءنا الافاضل

ياصقر عتيبه

تحيتي وتقديري[/center]

[quote=سيف العضياني;875148][center]نقلت المتواضعه لكم هنا تفاعلاً مع الموضوع
ولا هنتوا وعلى القوه[/center]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عسى ربي يقدَر ثم يجمَل من عهـد بالصـون=يصون ويحتمي ما حام حـول احمـاه نقَـادي
على طولك وعرضك يا بحر واحد هو المكنون=ولا كنَيت غير الغالـي اللـي كنَـه افـوادي
تقدَرنـا وقدَرنـا القـدر يـا ربَنـا بالـعـون=بنات الفكر من هول الخبر سـرداد مـردادي
تخنق الشاعر العبره على طاري فقيـد الكـون=وتنشب في مريره لا طلـوع ولاش مقعـادي
شعاع النور شعَ ومرحبا بليـون فـي بليـون=تراحيبن وعمَت شرق غرب وكامـل ابـلادي
سليل المجد وامجاده تمجَد مـا لحقـه ظنـون=مجيد ومنه تاريخ الوطن مضـرب للامجـادي
عليك الله وامانه في حلالـك كلبونـا اعيـون=سهيره ما تغض الطرف عنك ولا تبى ارقادي
ملكت اقلوب شعبك والوطن يا سيَدي ممنـون=ندين الكم وفاكم سيدي جـدن علـى اجـدادي
على عز ومعزه يـا وطنَـا منزلـك بالنـون=حماك الله ورد الشـر والكيـده لمـن كـادي
وهلا يا مالكن شعبه هلا من صادقن مضمـون=ضمانه من ضمانه يا هلا مـن زود تـزدادي [/poem][/quote]
[center]
صح لسانك

ياسيف

ابدعت لاهنت

تحيتي وتقديري[/center]

[quote=سلطان بن محسن;875191][poem=font="simplified arabic,5,green,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black""]
سلطان ياسلطان سلطان سلطان=يامرحبابك ياهلا فيك وأهلين
فيك الوطن غنى على كل الألحان=وإلك المشاعر كلبوها دواوين
جيت وتنومس بك من الشعب بطران=في شوفتك كن المطر صب ذالحين
الحزن روح والفرح عيد وأزمان=والكل يضحك ليش من شآن عيدين
عيد الضحيه فات له قد ماكان=واليوم ثالث عيد عيد المحبين
غنى لك الشعب السعودي يالإنسان=وهنوا بك إشعوبن تحبك ووافين
تو الفرح يرسم على القلب نيشان=سهم الفرح من رجعتك فالشرايين
والله مامثلي سوى شعب ولهان=شعبن طواه الشوق من غبت للحين
جيت وتنومس بك من الشعب سلطان=يامرحبابك ياهلا فيك وأهلين[/poem][/quote]

[center]صح لسانك

وعتلاشانك

يابومحسن

ابدعت لاهنت

تحيتي وتقديري[/center]

أحبتي .. وتفاعلاً مع فرحة عتيبة بعودة سلطان الخير سالماً معافى ..

:a2:

وضعت بين أيدكم هذه البويتات وكلي خجل من تقصيري فيها ولكن لعلكم تسمحون لها بالمرور ..

[poem=font="Simplified Arabic,5,blue,bold,normal" bkcolor="transparent" bkimage="" border="solid,4,red" type=2 line=0 align=center use=ex num="0,black""]
تدوم بخير يالشعب السعودي=وترقى من سنود إليا سنودي
بلادك مهبط الوحي وعلى أرضك=بُني بيتٍ يهلي بالوفودي
وفيك ومنك نصرٍ للعقيدة=وفيك ومنك ياغبن الحسودي
سماك يضم وكر طيور شلوى=تغل كبود وتبرد كبودي
وأرضك بإختصار أقول عنها=وكل الناس معي ومن شهودي
عرين أسوود من عصر القدايم=عرينٍ ما إحتماه إلا الأسوودي
تحت حكم الأسوود إخوان نوره=هل العوجاء عريبين الجدودي
غنيٍ ذكرهم عن مدح مادح=غلاهم عندنا ماله حدودي
وأبو متعب وأبو خالد ونايف=ذرانا فالصوادر والورودي
بلادي كلها شعب وحكومة=تردد (يابو خالد ) وواجودي
على عودتك لي سالم وغانم=وجودك مايقارن به وجودي
غيابك عندنا ماهوب عادي=ياغيث الدار وسياج الحدودي
لأنك رمز للطيب وخصاله=وحرٍ عن سماء دارك تذودي
كرمك الحاتمي يا أبا المكارم=معه ياسيدي عطفٍ وجودي
دماثة خلقك وكسب الجمايل=طبيعة فيك وأنت إلها وقودي
كفلت أيتام وضعوف وآرامل=ومرضىً فوق الأسرة رقودي
ويوم إن (الله) (المعبود) جابك=حمدنا ربنا (الحق ) (الودودي)
وفرحتنا بجيتك العزيزة=مع الأيام ماتنقص تزودي
عسى الله يلبسك ثوب العوافي=من الهامة ليا تحت الزنودي[/poem]

:a2:وسلامتكم:a2:

صح لسانك

مدد يابوتراحيب

والحمدلله على سلامة سلطان الخير

تحيتي وتقديري

دايـــــم ربعنـــا سباقــيـــن للعلم الطيب ولا هـــو غريبتــآ عليهم

يسلمووووووووووووووو

[color="red"]فهيد الرويس


فكره نادره وتستاهل عليها الشكر


وان شاء الله يكون لي حظور


تحياتي لك[/color]

[quote=نقاء الروقي;880206]دايـــــم ربعنـــا سباقــيـــن للعلم الطيب ولا هـــو غريبتــآ عليهم

يسلمووووووووووووووو[/quote]

حياك الله

يانقاء

تحيتي وتقديري

[quote=ضيف الله السميري;897912][color="red"]فهيد الرويس


فكره نادره وتستاهل عليها الشكر


وان شاء الله يكون لي حظور


تحياتي لك[/color][/quote]

لاشكر على الواجب

ياضيف الله

ننتظر حضورك لاهنت

تحيتي وتقديري