منتديات عتيبه - ((((((( غــــــــــــــروب الـــــشــــــــمـــــــــس )))))))

[B][align=center][size=5][color=#00008B]
بداية احييكم جميعا واقدم لكم ..
قصيدة تعبر عن نفسها في لحظة من الزمن
بنظرات من التأمل و وقفة مع الذات
امل ان تحوز على رضاكم واستحسانكم[/color][/size][/align][/B]

[poem=font="Simplified Arabic,5,black,bold,normal" bkcolor="orange" bkimage="" border="double,5,black" type=2 line=0 align=center use=ex num="0,black"]
حان للشمس الغروب وتبتعد عن كل نايد=وتنتحي خلف البيوت اللي تودعني وراها
في ضياها كنت اشوف الحال بثياب(ن) جدايد=وكن ماضي القديم اشعاع اشوفه في ضياها
غابت الشمس البعيده لا تعزي ولا تعايد=ولا تبالي بهم ناس(ن) تاركتها في بلاها
لحظة(ن) قد ذكرتني وين وافكاري شرايد=يم هاك اللي يعذبني ويذبحني غلاها
صاحبي لامن ذكرته صادني بالقلب صايد=تجتمع فيني هجوس وتفترق لحظة لقاها
هاجس(ن) يم الليال وهاجس(ن) باهل المكايد=وهاجس لنفسي طموح وهاجس(ن) ياما نهاها
وابحرتبي في غرامه مركب(ن) من دون قايد=مير موج البحر عسر ويعلم الله وش مداها
واقف(ن) لاجل الموده دوم بعزوم(ن) شدايد=والله اني لضرب قلوب الصفا واقطع ضماها
ما تلفت ناظري للعذل من شين العوايد=حاسد(ن) ينظر بعينه عجل الله في عماها
وقبل اعرفه ما عرفت العاذلي واهل الحقايد=وكم طريق(ن) جيتها وحدي ومحد(ن) قد مشاها
مير حظ(ن) ساقني حيا مزينة القلايد=غادة(ن) تسحر برمش العين لو عين(ن) تراها
اجذبتني للهوى والقلب .. لا ماهوب رايد=ثم خلتلي صدود القلب يمشي في هواها
اشهد ان الزين فيها واشهد ان الزين كايد=القمر بالوجه يبدي والشعر كمل حلاها
ما يكفي لو فزعت بفزعة بيوت القصايد=ياهوى بال(ن) جميع اشعاري بعينه قراها
ياغرام(ن) في حسابه تهت بدروب ومصايد=تهت مدري هو هنى روحي ومدري لو عناها
والله ان العاشق ادمى كن بايدينه حدايد=حيث ما تشرله اقدار الزمن يتبع نواها
واتفكر حين ودتني هجوسي دون فايد=واتذكر لكن الذكرى توادع من بغاها
لحظة(ن) قد ذكرتني وين وافكاري شرايد=لحظة(ن) فيها كلام ولحظة(ن) تسكت شفاها
وانتي ياشمس(ن) تعدت للمغيب الوقت عايد=تشرقين وتتركين ارض(ن) تناظر في سماها[/poem]

[B][align=center][size=5][color=#00008B]بيطـــــــــار نجـــد
((مقرن))[/color][/size][/align][/B]